Rɛvɛleshɔn 13:18 - Krio Fɔs Oli Baybul

¹⁸ So mɔtalman fɔ gɛt sɛns. Ɛnibɔdi we gɛt sɛns go ebul no wetin di wayl bif in nɔmba min, bikɔs da nɔmba de tinap fɔ mɔtalman in nɔmba. Di nɔmba na siks ɔndrɛd ɛn siksti siks.

Rɛvɛleshɔn 13:18 Referans Kwoze

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 17:9

“Na dat mek pipul fɔ gɛt sɛns ɛn dɛn fɔ sabi wetin dɛn tin ya, min. Di sɛvin ed dɛn na di sɛvin ay il dɛn we di uman bin sidɔm pan. Ɛn igen dɛn min sɛvin kiŋ:

Rɛvɛleshɔn 21:17

Di enjɛl mɛnshɔ di wɔl insɛf, lɛkɛ aw mɔtalman de mɛnshɔ, di wɔl bin ay tu ɔndrɛd ɛn sikstin fut.

Rɛvɛleshɔn 1:3

Blɛsin de fɔ ɛnibɔdi we go rid di wɔd dɛn we de na dis buk, we Gɔd insɛf tɔk, ɛn we gɛt fɔ kam bi. Semwe so, blɛsin de fɔ ɔlman we yɛri dɛn wɔd ya ɛn fala wetin dɛn se, bikɔs di tɛm we dɛn tin ya fɔ bi, nɔ fa igen.

Mak 13:14

“Una go si di bad bad tin tinap na di ples we i nɔ fɔ de.” (Una we de rid: una ɔndastand wetin dis min.) “Da tɛm de di pipul dɛn na Judia fɔ rɔnawe go na dɛn il,

Daniɛl 12:10

Bɔku go mek dɛnsɛf klin na PAPA GƆD yay, ɛn mek dɛnsɛf wayt ɛn luk gud; bɔt di wikɛd pipul dɛn go du mɔ wikɛd tin dɛn; ɛn nɔn pan di wikɛd pipul dɛn nɔ go ɔndastand, bɔt di wan dɛn we gɛt sɛns go ɔndastand.

Ozie 14:9

Udat gɛt sɛns fɔ ɔndastand dɛn tin ya; udat ebul fɔ no wetin i min, lɛ i no; bikɔs PAPA GƆD de du wetin rayt ɛn pipul dɛn we rɛspɛkt PAPA GƆD de du wetin i se bɔt udat nɔ du wetin i se go ambɔg.

Di Sam Dɛm 107:43

Udat no wetin bɛtɛ, fɔ de mɛmba ɔl dɛn tin dɛn ya ɛn tink bɔt di kayn lɔv we PAPA GƆD gɛt fɔ mɔtalman.

Ditarɔnɔmi 3:11

Dɛn bin bɛr Kiŋ Beshan wit ston kɔfin we bin 3 fut 11 inchis wayd. I stil de na Aman na Jɔdan. Nain wan bin lɛf pan di balans jayant dɛn we dɛn bin de kɔl di Refaim dɛn.

Lɛta Fɔ Rom 3:5

Na rayt tin sɔm pipul de tɔk we dɛn de agyu se di bad we wi de du de sho se Gɔd de du rayt? Wetin wi go se bɔt dat? Na bad Gɔd de du we i de pɔnish wi fɔ di bad we wi de du? (A de tɔk na ya lɛkɛ aw mɔtalman kin tɔk.)