Rɛvɛleshɔn 13:16 - Krio Fɔs Oli Baybul

¹⁶ Di sɛkɛn wayl bif fos mek dɛn put mak pan ɔlman, pan dɛn raytan ɛn pan dɛn fɔrɛd; dɛn put mak pan dɛn bigman ɛn dɛn smɔl pikin, dɛn po man ɛn dɛn wan we jɛntri, dɛn slev ɛn dɛn fribɔn.

Rɛvɛleshɔn 13:16 Referans Kwoze

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 7:3

I se, “Una nɔ pwɛl di dray grɔn, di wata ɛn dɛn tik, te wi dɔn put Gɔd in stamp pan dɛn wan we de wok fɔ am, dɛn fɔrɛd.”

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Rɛvɛleshɔn 19:18

una kam it dɛn chif, dɛn kapten, ɛn dɛn bigman dɛn bɔdi. Una kam it dɛn ɔs dɛn bɔdi, ɛn dɛn wan we de rayd dɛn, dɛnsɛf yon; una kam it dɛn slev ɛn dɛn fri man dɛn bɔdi ɛn dɛn bigman ɛn dɛn pikin yon.”

Ditarɔnɔmi 6:8

I se dɛn fɔ rayt dɛn ɛn tay am na dɛn ed ɛn dɛn an, so dat dɛn nɔ go fɔgɛt dɛn.

Ditarɔnɔmi 11:18

Mozis advays di Izrɛlayt dɛn fɔ kram di lɔ dɛn ɛn put dɛn na dɛn at, so dat dɛn nɔ go fɔgɛt dɛn. I se dɛn fɔ rayt di lɔ dɛn ɛn tay am na dɛn an ɛn dɛn ed.

Ɛksodɔs 13:9

I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt.

Rɛvɛleshɔn 19:5

Dɛn a yɛri vɔys na di ay chia we kiŋ kin sidɔm fɔ rul. Di vɔys de tɔk se, “Una we wi ɔl de wok fɔ Gɔd, ɛn una ɔl we fred Gɔd, smɔl wan ɔ big wan, ɛn ɔl dɛn bigman, una, lɛ wi ɔl prez wi Gɔd!”

Rɛvɛleshɔn 20:12

Dɛn a si dɛn pipul we bin dɔn day, dɛn bigman ɛn dɛn ɔdinari pipul, dɛn ɔl tinap bifo di chia. Sɔmbɔdi opin sɔm buk dɛn, dɔn i opin wan ɔda buk we dɛn pipul we gɛt layf sote go dɛn nem bin rayt. Ɔl wetin dɛn pipul we bin dɔn day bin du bifo dɛn day, bin rayt insay di fɔs buk dɛn, ɛn nain Gɔd tek jɔj dɛn.

Rɛvɛleshɔn 6:15

Dɔn, dɛn kiŋ na di wɔl wit ɔl dɛn ɔda rula, dɛn soja man dɛn bɔs, dɛn wan we jɛntri we gɛt pawa, ɛn ɔl dɛn ɔda pipul, slev ɛn fribɔn, dɛn ɔl rɔn go ayd midul dɛn big big ston na dɛn ay il.

Apɔsul Dɛn Wok 26:22

Bɔt we Gɔd de ɛp mi, te tide a de tɛl ɔlman, pikin o, bigman o, ɔl wetin tru. Wetin a de tɔk, nain dɛn prɔfɛt ɛn Mozis bin dɔn tɔk lɔntɛm se go bi.

Di Sam Dɛm 115:13

I go blɛs ɔl udat de fred ɛn rɛspɛkt PAPA GƆD wɛda yu na bigman ɔ yu na drɛgman.

Job 34:19

pɔsin we nɔ de tek jɛntriman pat, ɛn de si jɛntriman ɛn poman di sem we, bikɔs nain mek dɛn ɔl?

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Lɛta Fɔ Ɛfisɔs 6:8

Una fɔ no se Krays go gi ɔlman di pe fɔ di wok we ɔlman du, ilɛk di pɔsin na slev ɔ fribɔn.

Lɛta Fɔ Galeshya 6:17

Bifo a dɔn wetin a de rayt una, a de tɛl una se: una nɔ mek ɛnibɔdi mek a sɔfa igen, bikɔs a gɛt di wip mak dɛn na mi bɔdi we sho se mi na Jizɔs in slev.

Lɛta Fɔ Galeshya 3:28

Una ɔl we gɛt wanwɔd wit Jizɔs Krays dɔn bi wan: Ju pɔsin, pɔsin we nɔto Ju, slev, fribɔn, man ɛn uman; ɔl na wan bikɔs dɛn ɔl gɛt wanwɔd wit Krays.

1 Kɔrint 12:13

Semwe so, bay di sem Spirit, we wi dɔn baptayz, wi ɔl dɔn kam bi wan bɔdi, we na Krays in bɔdi; dɛn wan we na Ju ɛn dɛn wan we nɔto Ju, dɛn wan we na slev, ɛn dɛn wan we fri; ɛn di sem Spirit dɔn kam insay wi ɔl.

Di Sam Dɛm 49:2

I lɛk aw yu jɛntri, ɔ if yu na poman sɛf;

2 Kronikuls 15:13

ɛn dɛn go kil ɛnibɔdi, yɔŋ pɔsin o, ol pɔsin o, man o, uman o, we nɔ go fɛnɔt frɔm PAPA GƆD we na Izrɛl dɛn Gɔd.

Sɛkɛn Lɛta To Timoti 3:8

Lɛkɛ aw Janiz ɛn Jambriz nɔ bin de fɔ Mozis, na semwe so, dɛn man ya nɔ de fɔ di tru tin dɛn na pipul we nɔ de tink rayt ɛn nɔto di rayt tin dɛn biliv bɔt Gɔd.

Zɛkaraya 13:6

Dɔn if pɔsin aks am uskayn wund de nain bak, i go se na we i go nain padi dɛn os i wund.