Rɛvɛleshɔn 13:15 - Krio Fɔs Oli Baybul

¹⁵ Dɛn lɛf di sɛkɛn wayl bif mek i blo layf go insay di tin we dɛn mek fɔ tek mɛmba di fɔs wayl bif, so dat di tin kin tɔk ɛn kil ɔl dɛn wan we nɔ de pre to am.

Rɛvɛleshɔn 13:15 Referans Kwoze

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 16:2

Di fɔs enjɛl go trowe di tin we de insay in kɔp pan di grɔn, na de plɛnti bad bad so bɔs pan dɛn wan we gɛt di wayl bif in mak ɛn dɛn wan we bin de pre to di tin we dɛn mek fɔ tek mɛmba ɛn rɛspɛkt am.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Rɛvɛleshɔn 14:11

Di faya nɔ go tap fɔ mek smok we go de tɔmɛnt dɛn sote go, so dɛn pipul we de pre to di wayl bif ɛn di tin we dɛn mek fɔ tek mɛmba ɛn rɛspɛkt am, ɛn we gɛt in mak nɔ go gɛt blo; de ɛn nɛt, dɛn go de pan tɔmɛnt.”

Rɛvɛleshɔn 14:9

Wan ɔda enjɛl we mek tri, kam, i bin de ala lawd wan se, “Ɛnibɔdi we de pre to di wayl bif ɛn di tin we dɛn mek fɔ de tek mɛmba ɛn rɛspɛkt am, ɛn we gri mek dɛn put in mak pan in fɔrɛd ɔ pan in an,

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Rɛvɛleshɔn 18:24

Ɛn i go sɔfa bikɔs nainsay de blɔd bin kɔmɔt pan dɛn wan we bin de tɔk Gɔd in mɛsej, pan ɔl Gɔd in pipul dɛn, ɛn pan ɔl dɛn pipul na wɔl we dɛn dɔn kil.

Rɛvɛleshɔn 17:17

Gɔd go mek di kiŋ dɛn want fɔ du wetin in want, so dat dɛn ɔl go gɛt wanwɔd, ɛn dɛn go gi di wayl bif dɛn pawa fɔ rul, te ɔltin bi lɛkɛ aw i bin dɔn tɔk.

Jɛrimaya 51:17

Ɔlman we nɔ lan natin, styupid; ɔl dɛn goldsmit dɛn lay lay gɔd dɛm, go mek dɛn shem; bikɔs dɛn lay lay gɔd dɛm na fɔls, ɛn dɛn nɔ gɛt layf.

Jɛrimaya 10:14

Ɔl mɔtalman styupid ɛn nɔ gɛt sɛns; ɔl dɛn goldsmit dɛn go shem fɔ dɛn lay lay gɔd dɛm; bikɔs dɛn lay lay gɔd dɛn na lay lay, ɛn dɛn nɔ gɛt layf.

Jɛrimaya 10:5

Dɛn lay lay gɔd dɛm na lɛkɛ Ta bebi na wata mɛlɔn fam, ɛn dɛn nɔ de tɔk; pas dɛn tot dɛm, bikɔs dɛn nɔ ebul waka. Nɔ fred dɛm, bikɔs dɛn nɔ ebul du yu bad, semweso, i nɔ de pan dɛn fɔ du gud.”

Di Sam Dɛm 115:5

Dɛn gi dɛn mɔt, bɔt dɛn nɔ de tɔk, dɛn gi dɛn yay, bɔt dɛn nɔ de si;

Jɛnɛsis 2:7

PAPA GƆD tek sɔm pan di dɔti na grɔn ɛn mek mɔtalman; i blo insay in nos dɛn mɔtalman gɛt layf.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Rɛvɛleshɔn 16:5

A yɛri di enjɛl we bin de gyad di wata de tɔk se, “Yu we na yu wangren na Gɔd, yu we bin de frɔm tɛm ɛn we de naw, di we we yu de jɔj ɔltin, tret!

Jems 2:26

Lɛkɛ aw pɔsin kin day wɛn in spirit nɔ de insay am igen, semwe so, pɔsin we se in biliv Gɔd ɛn i nɔ de du dɛn tin we sho se i biliv am, nɔ biliv Gɔd at ɔl.

Abakɔk 2:19

Di pɔsin we de go tinap frɔnt wud ɔ ston de tɛl am fɔ grap du sɔntin, alaki. We na lɛk dayman, wetin i gɛt fɔ du? I lɛk sɛf dɛn put ɔlkayn gold ɔ silva pantap am fɔ mek i fayn, i nɔ min natin bikɔs i nɔ gɛt layf.

Daniɛl 7:20

Ɛn igen, di tɛn ɔn we bin de nain ed, ɛn di ɔda ɔn we bin bɔs midul dɛn, we na bifo am tri pan dɛn bin fɔdɔm; da ɔn de we bin gɛt yay ɛn mɔt we de tɔk impɔtant tɔk, ɛn we bin luk lɛk se i gɛt pawa pas ɔl in kɔmpin dɛn.

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Rɛvɛleshɔn 13:12

Dis sɛkɛn wayl bif tek ɔl di fɔs wayl bif in pawa ɛn bigin yus di pawa bifo am. I fos ɔl di pipul dɛn na di wɔl fɔ pre to di fɔs wayl bif we in wund bin dɔn wɛl.