Rɛvɛleshɔn 13:13 - Krio Fɔs Oli Baybul

¹³ I du plɛnti tin we mek pipul wɔnda, i mek faya kɔmɔt na ɛvin kam dɔŋ pan di wɔl bifo ɔl di pipul dɛn.

Rɛvɛleshɔn 13:13 Referans Kwoze

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 16:14

Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Rɛvɛleshɔn 20:9

Dɛn go ɔlɔbɔt na wɔl go tinap rawnd di say we Gɔd in pipul dɛn bin de mit, dat na da tɔŋ we Gɔd lɛk. Bɔt faya kɔmɔt ɔp na ɛvin kam dɔŋ kam bɔn dɛn.

1 Kiŋ 18:38

PAPA GƆD in faya fɔdɔm kam dɔŋ ɛn bɔn di sakrifays, di wud, di ston dɛn ɛn di grɔn, ɛn dray ɔl di wata we bin de na di ol.

Mak 13:22

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de, dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Rɛvɛleshɔn 11:5

If ɛnibɔdi tray fɔ du dɛn tu pipul ya ɛni bad tin, faya go kɔmɔt na dɛn mɔt ɛn bɔn di pɔsin ɛn kil am; na so ɛnibɔdi we go tray fɔ du dɛn tu bad, go day.

Sɛkɛn Lɛta To Timoti 3:8

Lɛkɛ aw Janiz ɛn Jambriz nɔ bin de fɔ Mozis, na semwe so, dɛn man ya nɔ de fɔ di tru tin dɛn na pipul we nɔ de tink rayt ɛn nɔto di rayt tin dɛn biliv bɔt Gɔd.

Matyu 16:1

Sɔm Faresi ɛn sɔm Sadyusi dɛn bin kam fɔ tray Jizɔs, so dɛn aks am fɔ du wɔndaful wok we go sho se in na di Mɛsaya.

Di Nɔmba Dɛm 16:35

PAPA GƆD sɛn faya we bɔn di tu ɔndrɛd ɛn fifti man we bin de bɔn insɛns to PAPA GƆD ɛn dɛn day.

Ɛksodɔs 9:11

Di majikman dɛn nɔ bin ebul fɔ kam tinap bifo Mozis bikɔs dɛnsɛf bin gɛt bwɛl lɛkɛ ɔl di Ijipshian dɛn.

Ɛksodɔs 8:7

Bɔt di majikman dɛnsɛf mek akpɔlɔ bɔs kɔmɔt na grɔn bay dɛn majik pawa.

Ɛksodɔs 7:22

Bɔt di majikman dɛn na Ijipt dɛnsɛf yuz dɛn majik pawa ɛn tɔn wata to blɔd. Dis mek di kiŋ stil mek traŋayes. I nɔ gri fɔ du wetin Mozis ɛn Erɔn se jɛs lɛkɛ aw PAPA GƆD bin dɔn se.