Rɛvɛleshɔn 13:10 - Krio Fɔs Oli Baybul

¹⁰ Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Rɛvɛleshɔn 13:10 Referans Kwoze

Jɛrimaya 15:2

Ɛn wɛn dɛn aks yu se, ‘usay wi fɔ go?’ Yu fɔ tɛl dɛm se, ‘Na dis PAPA GƆD se: Dɛn wan dɛn we fɔ day bay siknɛs, go day bay siknɛs, ɛn dɛn wan dɛn we fɔ day na wa, go day na wa; dɛn wan dɛn fɔ day we bay bad bad aŋri, go day bay bad bad aŋri, ɛn di wan dɛn we na fɔ kech kɛr go mek slev, go go as slev.”

Rɛvɛleshɔn 14:12

So mek Gɔd in pipul dɛn tinap traŋa, dat na dɛn wan we de du wetin Gɔd tɛl dɛn fɔ du ɛn dɛn nɔ lɛf fɔ biliv pan Jizɔs.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Lyuk 21:19

If una bia ɛn tinap traŋa, una go gɛt tru layf.

Ayzaya 33:1

Swɛ go fɔdɔm pan yu, yu we de pwɛl, yu we dɛn nɔ pwɛl yet; yu rikishi pɔsin, we nɔbɔdi nɔ ple dakadeke yet! We yu dɔn tap fɔ pwɛl pipul, na datɛnde dɛn go pwɛl yu; ɛn na we yu dɔn blo fɔ dakadeke pipul, dɛn go ple yu dakadeke.

Di Ibru Pipul Dɛn 6:12

Wi nɔ want fɔ mek una lezi, bɔt wi want una fɔ bi lɛkɛ dɛn pipul we biliv pan Gɔd, we de bia, bikɔs dɛn na di wan dɛn, we go gɛt ɔl wetin Gɔd bin dɔn prɔmis fɔ gi in pipul dɛn.

Rɛvɛleshɔn 2:2

A no ɔl di tin dɛn we una dɔn du, a no se una dɔn wok traŋa ɛn a no aw una kin bia wɛn waala kam. A no se una nɔ de gri mek bad pipul de wit una; una dɔn luk dɛn pipul we se dɛn na apɔsul ɛn una dɔn si se na lay dɛn de lay.

Matyu 26:52

Jizɔs tɔn to di lanin bɔy, i se, “Put yu sɔd bak nain ples, ɛnibɔdi we fɛt wit sɔd, na sɔd dɛn go tek kil am.

Jɛrimaya 43:11

I go kam kapchɔ Ijipt, ɛn i go gi siknɛs to di wan dɛn we fɔ day wit siknɛs, i go mek slev wit di wan dɛn we fɔ bi slev, ɛn go mek wa pan di wan dɛm we fɔ day na wa.

Rɛvɛleshɔn 16:6

Dɛn pipul ya bin dɔn kil yu pipul dɛn ɛn dɛn wan we bin de tɔk di mɛsej we yu gi dɛn, dɛn bin mek dɛn blɔd rɔn so naw yu dɔn gi dɛn blɔd fɔ drink. Na wetin dɛn wok fɔ, nain dɛn gɛt!”

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Abakɔk 2:3

I se di tɛm nɔ rich yet fɔ lɛ wetin i go si na di vishɔn apin; bɔt di tɛm gɛt fɔ kam jisnɔ, i go bi ma; i se i fɔ bia fɔ si wetin go apin bikɔs i go tan lɛk natin nɔ de bi bɔt na di rayt tɛm i go bi.

Lamɛnteshɔn 3:26

I gud lɛ pɔsin peshɛnt wet lɛ PAPA GƆD sev am.

Rɛvɛleshɔn 3:3

So una mɛmba dɛn tin we dɛn dɔn lan una we una bin biliv, ɛn una nɔ lɛf fɔ biliv dɛn wit ɔl una at, una lɛf fɔ du dɛn bad tin we una de du. If una nɔ grap wantɛm ɛn bigin du dɛn tin we a tɛl una, a go kam lɛkɛ tifman kam mit una ɛn una nɔ go no di tɛm we a go kam mit una.

Rɛvɛleshɔn 2:19

A no di tin dɛn we una de du, a no se una lɛk pipul ɛn una nɔ lɛf fɔ biliv pan mi, una de wok wit ɔl una at ɛn una de bia insay di waala we de mit una. Ɛn a no se dɛn tin we una de du naw bɛtɛ pas di tin dɛn we una bin de du fɔstɛm.

Lɛta Fɔ Kɔlɔse 1:11

A de pre mek Gɔd mek in wɔndaful pawa mek una gɛt maynd so dat una go ebul bia ɔltin.

Ayzaya 14:2

Difrɛn difrɛn pipul dɛn go tek dɛn ɛn kɛr dɛn go na dɛn yon land, ɛn di Izrɛlayt dɛn go ol di pipul dɛn as dɛn man ɛn uman slev dɛn na PAPA GƆD in land; dɛn go kapchɔ di wan dɛn we bin kapchɔ dɛn, ɛn go rul di wan dɛn we bin de du dɛn bad ɔltɛm.

Matyu 7:2

Aw una jɔj ɔda pipul, na di sem we Gɔd go jɔj unasɛf.

Ayzaya 26:21

Bikɔs PAPA GƆD de kɔmɔt nain ples kan na do fɔ pɔnish di pipul we tap na wɔl fɔseka dɛn sin, ɛn di wɔl go pul di sikrit bɔt di blɔd we dɛn dɔn shɛd pan am, ɛn i nɔ go kɔba di wan dɛn we dɛn kil, igen.

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

Rɛvɛleshɔn 17:8

Di wayl bif we yu si bin gɛt layf fɔstɛm, bɔt i nɔ gɛt layf igen, i nɔ go te igen i go kɔmɔt na di ol we nɔ gɛt bɔtɔm, dɛn i go go na ples we dɛn go go kil am. Dɛn pipul we de na wɔl, we dɛn nem nɔ bin dɔn rayt bifo Gɔd mek di wɔl, na di buk we dɛn rayt dɛn pipul we gɛt layf sote go dɛn nem, dɛn ɔl go wɔnda wɛn dɛn de luk di wayl bif. I bin gɛt layf fɔstɛm, dɛn i day, bɔt i go kam bak.

Rɛvɛleshɔn 17:11

Di wayl bif we bin gɛt layf fɔs, bɔt we dɔn day, insɛf na kiŋ we mek et we miks pan di sɛvin kiŋ dɛn, bɔt i gɛt fɔ go na ples we dɛn go kil am.