Rɛvɛleshɔn 12:9 - Krio Fɔs Oli Baybul

⁹ Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 12:9 Referans Kwoze

Lyuk 10:18

Jizɔs ansa dɛn se, “A si we Setan fɔdɔm kɔmɔt na ɛvin lɛkɛ laytin.

Jɔn 12:31

Na di tɛm dis we Gɔd go jɔj mɔtalman, ɛn na di tɛm dis we i go pul di wan we de rul dis wɔl kɔmɔt nain chia.

Rɛvɛleshɔn 20:10

Dɛn tek Setan we bin de mek pipul ful, trowe am insay da wata we faya de kech ɛn sɔlfa de bɔn; na da sem ples de dɛn bin trowe da wayl bif ɛn da prɔfɛt we nɔ de tɔk tru; na de dɛn go tɔmɛnt, de ɛn nɛt, sote go.

Jɔn In Fɔs Lɛta 5:19

Wi no se wi na Gɔd yon pipul, pan ɔl we Setan de rul di ol wɔl.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Ayzaya 14:12

“Luk we yu dɔn fɔdɔm kɔmɔt na ɛvin, Yu De tɛm sta, Doklin bɔypikin! Luk we yu fɔdam kan dɔŋ na grɔn, yu we bin nyama nyama di neshɔn dɛm!

Jɛnɛsis 3:1

Naw di snek bin kɔni pas ɔl di ɔda animal dɛn we PAPA GƆD bin mek. Di snek aks di uman se, “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?”

Rɛvɛleshɔn 12:7

Wantɛm, wa fɔdɔm na ɛvin, Maykɛl ɛn in enjɛl dɛn go fɛt di dragɔn, di dragɔn insɛf fɛt bak wit in yon mɛsenja dɛn;

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Ayzaya 65:25

Di wulf ɛn di ship pikin go it togɛda, di layɔn go it dray gras lɛk kaw; ɛn na dɔti go bi snek in it. Dɛn nɔ go wund ɔ kil nɔbɔdi na ɔl mi oli mawten dɛm. Na so PAPA GƆD se.”

Rɛvɛleshɔn 20:8

ɛn wɛn i kɔmɔt de, i go go mek ɔl dɛn neshɔn ɔlɔbɔt na wɔl, ful. Di neshɔn dɛn na bin Gɔg ɛn Magɔg. Setan go gɛda dɛn ɔl fɔ fɛt; dɛn go plɛnti lɛkɛ sansan.

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 9:1

Di enjɛl we mek fayv, blo in trɔmpɛt. Na de a si wan sta we bin dɔn fɔdɔm kɔmɔt na ɛvin kam pan di wɔl; dɛn bin gi am di ki fɔ tek opin di domɔt fɔ go insay di dip ol we nɔ gɛt bɔtɔm.

Rɛvɛleshɔn 2:24

“Bɔt, sɔm pan una de na Tayatira, we nɔ gri fɔ du dɛn bad tin we dɛn pipul we lib de, de lan ɔda pipul fɔ du; una nɔ lan dɛn bad tin we pipul se na Setan in sikrit. A nɔ gɛt ɛni ɔda tin fɔ tɛl una fɔ du,

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

2 Kɔrint 11:14

Una nɔ fɔ wɔnda, bikɔs Setan insɛf kin chenj, mek insɛf lɛkɛ enjɛl we de briŋ layt.

2 Kɔrint 2:11

so dat Setan nɔ go ebul una; bikɔs wi no wetin i dɔn mekɔp fɔ du.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Apɔsul Dɛn Wok 26:18

Yu fɔ opin dɛn yay; yu fɔ pul dɛn kɔmɔt na dak ɛn briŋ dɛn kam na layt. Yu fɔ pul dɛn kɔmɔt ɔnda Setan in pawa ɛn briŋ dɛn kam to Gɔd. Bikɔs dɛn biliv pan mi, Gɔd go padin dɛn sin, ɛn dɛn go de na di ples we dɛn pipul we Gɔd dɔn pik, go de.’

Lyuk 22:31

“Saymɔn, Saymɔn, Setan dɔn gɛt pamishɔn fɔ fana una ɔl lɛkɛ rɛs.

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

Lyuk 22:3

Setan go insay Judas we nem Iskariɔt, in at; Iskariɔt na bin wan pan di twɛlv apɔsul dɛn.

Lyuk 8:12

Dɛn sid we fɔdɔm na di rod na dɛn pipul we yɛri Gɔd in wɔd; Setan kam pul di wɔd kɔmɔt na dɛn at fɔ mek dɛn nɔ go biliv Gɔd we de sev dɛn.

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Matyu 4:8

Wɛn dat dɔn, Setan kɛr am go pantap wan ay ay il ɛn sho am ɔl dɛn neshɔn na wɔl wit ɔl dɛn pawa ɛn jɛntri.

Matyu 4:5

Wɛn dat dɔn, Setan kɛr Jizɔs go Jerusɛlɛm, pantap di tawa we de na Gɔd in Os,

Matyu 4:1

Afta dat, Gɔd in Spirit lid Jizɔs go na di dɛzat we Setan tray Jizɔs fɔ mek i du bad.

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Jɛnɛsis 3:13

PAPA GƆD aks di uman se, “Wetin mek yu du so?” Di uman ansa se, “Na di snek ple in kɔni pan mi ɛn mek a it am.”

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 16:14

Dɛn spirit ya kɔmɔt to Setan ɛn dɛn de du plɛnti tin we kin mek pipul wɔnda. Dɛn de go mit ɔl dɛn wan we de rul na di wɔl, ɛn kɔl dɛn fɔ kam gɛda ɛn rɛdi fɔ di wa we go bi da big de we Gɔd, we gɛt pawa pas ɔl, go sho in pawa.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Rɛvɛleshɔn 3:9

As fɔ dɛn wan we de fala Setan, we de lay se dɛn na Ju, a go mek dɛn kam fɔdɔm na una fut ɛn a go mek dɛn ɔl no se a lɛk una.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Jud In Lɛta 1:9

Maykɛl sɛf we na dɛn enjɛl dɛn chif, wɛn in ɛn Setan bin de agyu bɔt uswan pan dɛn tu fɔ gɛt Mozis bɔdi, i nɔ kɔs Setan wɛn i de tɛl am se wetin i de du nɔ rayt, bifo dat, i tɛl am se, “Mek Gɔd tɔk pan yu!”

Di Ibru Pipul Dɛn 2:14

We dɛn pikin ya na mɔtalman, na dat mek Jizɔs insɛf kam na wɔl lɛkɛ mɔtalman, so dat di day we i day go pwɛl Setan, we gɛt pawa fɔ kil, ɔltogɛda.

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Fɔs Lɛta To Timoti 2:14

nɔto Adam di snek bin mek ful, na di uman; na dat mek di uman sin.

Sɛkɛn Lɛta Fɔ Tɛsalonayka 2:3

Mek nɔbɔdi nɔ mek una ful. Di de we di Masta go kam bak nɔ go kam sote di tɛm we plɛnti pipul go tɔn dɛn bak pan Gɔd ɛn sote di wan we de fɛt Gɔd sho insɛf, in we Gɔd go pwɛl ɔltogɛda na ɛl.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

2 Kɔrint 12:7

Bɔt fɔ mek dɛn plɛnti wɔndaful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd.

Lɛta Fɔ Rom 16:20

I nɔ go te igen Gɔd we de gi kol at, go pwɛl Setan in pawa ɛn put am ɔnda una. Mek wi Masta Jizɔs Krays sho una aw i gud.

Apɔsul Dɛn Wok 5:3

Pita aks Ananayas se, “Ananayas, wetin mek yu gri mek Setan go insay yu at fɔ mek yu lay gi Gɔd in Spirit? Yu dɔn kip sɔm pan di kɔpɔ we dɛn pe yu fɔ di grɔn!

Jɔn 16:11

Ɛn i go mek pipul no se Gɔd go jɔj ɔlman, bikɔs Gɔd dɔn kɔndɛm di dɛbul we de rul di wɔl.

Jɔn 14:30

I nɔ lɛf lɔŋ igen we a go ebul tɔk to una, bikɔs Setan we de rul dis wɔl de kam, bɔt i nɔ gɛt pawa oba mi.

Lyuk 13:16

Dis uman we Setan dɔn tay dis etin ia, we na wan pan Ebraam in grampikin pikin dɛm, a nɔ fɔ mɛn am di de fɔ pre ɛn blo?”

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Matyu 13:39

Ɛn di pɔsin we nɔ lɛk di man we gɛt di fam, ɛn we plant di gras na Setan. Di tɛm we dɛn kɔt di plant dɛn na di tɛm we di wɔl go dɔn, ɛn di wokman dɛn we de kɔt di plant dɛn na di enjɛl dɛn.

1 Kronikuls 21:1

Setan tinap fɔ fɛt Izrɛl ɛn tɛmt Devid fɔ kɔnt di pipul dɛn na Izrɛl.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Izikɛl 28:16

Pan aw yu tredin bin de bɔku no so bad bad bay fos fɛt bin pak pan yu ɛn yu bin wikɛd mɔ so a bin trowe yu lɛk swɛ tin kɔmɔt na PAPA GƆD in mawnten ɛn di Chɛrɔb we bin de gyad yu drɛb yu kɔmɔt pan midul di ston dɛm we gɛt faya.

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Di Sam Dɛm 109:6

Fɛn udat go du di sem tin to am we i du to mi; lɛ in yon yon pɔsin pwɛl in nem.

Rɛvɛleshɔn 12:8

bɔt Maykɛl ɛn in enjɛl dɛn win di dragɔn ɛn dɛn nɔ gri mek di dragɔn ɛn in mɛsenja dɛn tap na ɛvin igen.

Rɛvɛleshɔn 12:12

So mek gladi de na ɛvin, mek ɔl dɛn wan we lib de gladi! Bɔt bad bad tin dɔn fɔdɔm pan di grɔn ɛn di wata bikɔs di Dɛbul dɔn kam dɔŋ to una ɛn i vɛks bad bikɔs i no se na smɔl tɛm nɔmɔ lɛf fɔ am.”

2 Kronikuls 18:21

in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.