Rɛvɛleshɔn 12:7 - Krio Fɔs Oli Baybul

⁷ Wantɛm, wa fɔdɔm na ɛvin, Maykɛl ɛn in enjɛl dɛn go fɛt di dragɔn, di dragɔn insɛf fɛt bak wit in yon mɛsenja dɛn;

Rɛvɛleshɔn 12:7 Referans Kwoze

Jud In Lɛta 1:9

Maykɛl sɛf we na dɛn enjɛl dɛn chif, wɛn in ɛn Setan bin de agyu bɔt uswan pan dɛn tu fɔ gɛt Mozis bɔdi, i nɔ kɔs Setan wɛn i de tɛl am se wetin i de du nɔ rayt, bifo dat, i tɛl am se, “Mek Gɔd tɔk pan yu!”

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Pita In Sɛkɛn Lɛta 2:4

Gɔd nɔ bin sɔri fɔ dɛn enjɛl we bin sin, i trowe dɛn na ɛl, insay big ol we dak pas nɛt, na de i mek dɛn chen dɛn ɛn kip dɛn te di tɛm we i go jɔj dɛn rich.

Lɛta Fɔ Ɛfisɔs 6:12

Wi nɔ de fɛt mɔtalman, wi de fɛt dɛn pawa we wi nɔ de si, dɛn pawa we de rul dis dak wɔl ɛn dɛn wan we de ɔp ɔp na di klawd.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.

Daniɛl 10:21

Bɔt a go tɛl yu wetin rayt insay di buk we gɛt di tru: Nɔbɔdi nɔ de we de ɛp mi fɛt dɛn prins dɛn ya, pas Maykɛl we na una prins.

Daniɛl 10:13

Di prins we de na di Pashian kindɔm bin de fɛt mi fɔ twɛnti wande, bɔt Maykɛl, wan pan di akenjɛl dɛn, bin kan ɛp mi, so a lɛf an de wit di prins we de na di Pashian kindɔm,

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

2 Kɔrint 12:7

Bɔt fɔ mek dɛn plɛnti wɔndaful tin we a si nɔ mek a prawd, Gɔd put sik pan mi we de mek mi bɔdi at mi bad; da sik de tan lɛkɛ sik we Setan sɛn pan mi fɔ ambɔg mi, mek a nɔ go prawd.

Rɛvɛleshɔn 13:7

Dɛn bin lɛf am mek i fɛt Gɔd in pipul dɛn ɛn win dɛn, ɛn dɛn bin gi am pawa fɔ rul ɔl dɛn trayb, ɔl dɛn neshɔn, blak pipul ɛn wayt pipul ɛn pipul we de tɔk ɔl dɛn difrɛn laŋwej na wɔl.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Matyu 13:41

Mɔtalman Pikin go sɛn in enjɛl dɛn fɔ pul dɛn pipul we de mek pipul sin ɛn dɛn wan we de du bad, kɔmɔt to dɛn pipul we Gɔd de rul.

Di Sam Dɛm 78:49

I bin so vɛks pan dɛn, dat i sɛn in enjɛl dɛn we dɛn yon wok na fɔ distrɔy fɔ sho aw i vɛks.

Matyu 26:53

Yu nɔ no se if a aks mi Papa fɔ ɛp mi, i go sɛn twɛlv bataliɔn enjɛl dɛn fɔ kam ɛp mi wantɛm?

Matyu 25:41

“Di Kiŋ go tɛl di wan dɛn nain lɛfan se, ‘Una kɔmɔt to mi, Gɔd dɔn kɔndɛm una, una go na da faya we de sote go, Gɔd bin dɔn rɛdi da faya de fɔ Setan ɛn in enjɛl dɛn.

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Ayzaya 55:4

A dɔn mek am witnɛs to di difrɛn difrɛn pipul dɛn, ɛn di lida ɛn kɔmanda fɔ di pipul dɛm.

Ayzaya 34:5

Bikɔs mi sɔd dɔn drink te i bɛlful ɔp de; A de tɛl yu, i kan dɔŋ fɔ jɔj Idɔm, pan di pipul dɛn we a dɔn kɔndɛm.

Di Ibru Pipul Dɛn 2:10

Bikɔs na Gɔd mek ɔltin ɛn nain de kip ɔltin, i rayt we i mek Jizɔs sɔfa aw i sɔfa fɔ dɔn di wok we i kam fɔ du, so dat plɛnti pipul go bi Gɔd in pikin dɛn, ɛn go na ɛvin. Na Krays de lid dɛn pipul de so dat i go sev dɛn.

Rɛvɛleshɔn 12:8

bɔt Maykɛl ɛn in enjɛl dɛn win di dragɔn ɛn dɛn nɔ gri mek di dragɔn ɛn in mɛsenja dɛn tap na ɛvin igen.