Rɛvɛleshɔn 12:5 - Krio Fɔs Oli Baybul

⁵ I nɔ tu te, di uman bɔn wan bɔy pikin, we go rul oba ɔl dɛn neshɔn wit staf we dɛn tek ayɛn mek. Bɔt sɔmbɔdi jɔg di pikin rɔn kɛr am go to Gɔd we sidɔm na di ay chia we kiŋ kin sidɔm fɔ rul.

Rɛvɛleshɔn 12:5 Referans Kwoze

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Rɛvɛleshɔn 12:2

I bin lɛf lili bit fɔ am fɔ bɔn, so di pen we i bin de pas bin mek i de ala.

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Rɛvɛleshɔn 11:12

Dɛn di tu prɔfɛt dɛn yɛri lawd vɔys we kɔmɔt na ɛvin de tɔk to dɛn se, “Una kam ɔp ya!” Aw di pipul dɛn we nɔ lɛk dɛn tinap de luk dɛn, dɛn go ɔp na ɛvin insay wan klawd.

Matyu 1:25

Bɔt Josɛf nɔ no Meri fɔ wɛf sote Meri dɔn bɔn di bɔy pikin. Josɛf kɔl di pikin, Jizɔs.

Mayka 5:3

Bikɔs ɔf wetin dɛn de du, i go lɛf dɛn to dɛnsɛf te di uman we in tɛm dɔn rich fɔ bɔn, bɔn; da tɛm de ɔl udat bin dɔn skata ɔlsay na wɔl go kam to dɛn pipul bak.

2 Kɔrint 12:2

A no wan Kristiɛn man we bin fɛn insɛf ɔp ɔp insay ɛvin kwik wan so wande, fotin ia dɔn pas naw frɔm we dat bi (a nɔ no if nain bɔdi i go wit na ɛvin ɔ nain spirit nɔmɔ; na Gɔd wangren no).

Mak 16:19

Wɛn Masta Jizɔs dɔn tɔk to in lanin bɔy dɛn, Gɔd tek am go ɔp na ɛvin, i go sidɔm na Gɔd in raytan.

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Ayzaya 66:7

Bifo I go into lɛbɔ so I dɔn bɔn; bifo pen ol am so I dɔn bɔn bɔypikin.

2 Kɔrint 12:4

Na de i yɛri dɛn tin we mɔtalman nɔ ebul tɔk na dɛn yon laŋwej ɛn we dɛn nɔ fɔ tɔk bɔt.

Rɛvɛleshɔn 12:13

Wɛn di dragɔn si se dɛn dɔn ib am dɔŋ na wɔl, i bigin rɔnata di uman we bin bɔn di bɔy pikin.