Rɛvɛleshɔn 12:4 - Krio Fɔs Oli Baybul

⁴ I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Rɛvɛleshɔn 12:4 Referans Kwoze

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Jɔn 8:44

Na Setan na una papa, so una lɛk fɔ du di tin dɛn we una papa lɛk fɔ du. Frɔm tɛm, Setan de kil, ɛn i nɔ lɛk ɛnitin we na tru, bikɔs i nɔ de tɔk tru. Ɛnitɛm we i lay, i jɛs de sho in trik, bikɔs na layman ɛn nain de mek pipul lay.

Rɛvɛleshɔn 9:19

Di pawa we dɛn ɔs ya bin gɛt, bin de na dɛn mɔt ɛn dɛn tel. Dɛn tel bin tan lɛkɛ snek we gɛt plɛnti ed, ɛn nain dɛn bin de tek wund pipul.

Rɛvɛleshɔn 9:10

Dɛn tel bin de stiŋ lɛkɛ kɔktel, ɛn na dɛn tel ya dɛn bin de tek mek pipul sɔfa pen fɔ fayv mɔnt.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.

Ɛksodɔs 1:16

I se we dɛn go ɛp di Ibru uman dɛn we wan bɔn, dɛn fɔ kil ɛni bɔypikin as dɛn bɔn am, bɔt if na gyal pikin, dɛn fɔ mek i liv.

Rɛvɛleshɔn 17:18

“Di uman we yu si, na da big tɔŋ we gɛt pawa oba dɛn wan we de rul na di wɔl.”

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Rɛvɛleshɔn 8:8

Dɛn di sɛkɛn enjɛl blo in trɔmpɛt. Na de dɛn tek sɔntin lɛkɛ ay il we faya de bɔn ib am insay di wata. Wɛn di wata sheb tri, wan pan di tri pat tɔn blɔd,

Rɛvɛleshɔn 8:9

pan ɔl di tin dɛn we bin gɛt layf na di wata, wan pam tri day; pan ɔl di bot dɛn we bin de na dis wɔl, wan pam tri pwɛl.

Rɛvɛleshɔn 8:10

Dɛn di enjɛl we mek tri blo in trɔmpɛt. Na de wan big sta we faya de kɔmɔt pan fɔdɔm kɔmɔt na di klawd pan wan pat pan dɛn riva ɛn wan pat pan dɛn wata we bɔs na grɔn, wɛn pɔsin sheb dɛn tri tri say.

Rɛvɛleshɔn 8:11

Di sta nem Bita. Wan pam tri pat na di wata we di sta bin fɔdɔm pan bita wantɛm, ɛn plɛnti pipul we drink am day, bikɔs i bin bita.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Rɛvɛleshɔn 12:7

Wantɛm, wa fɔdɔm na ɛvin, Maykɛl ɛn in enjɛl dɛn go fɛt di dragɔn, di dragɔn insɛf fɛt bak wit in yon mɛsenja dɛn;

Rɛvɛleshɔn 13:2

Di wayl bif we a si bin fiba lɛpɛt, in fut bin fiba wan bif we dɛn kɔl bia, in fut, ɛn in mɔt bin fiba layɔn mɔt. Di dragɔn gi dis wayl bif ya ɔl di pawa we i bin gɛt oba ɔl dɛn tin we i bin de rul.

Rɛvɛleshɔn 13:4

Ɔlman bigin prez di dragɔn bikɔs i bin gi di wayl bif in pawa. Di pipul dɛn prez di wayl bif insɛf, dɛn se, “Udat gɛt pawa lɛkɛ di wayl bif? Udat ebul fɛt am?”

Rɛvɛleshɔn 16:13

Dɛn a si tri spirit dɛn we kɔmɔt to Setan, dɛn bin fiba ɔkpɔlɔ. Dɛn bin kɔmɔt na di dragɔn in mɔt, di wayl bif in mɔt, ɛn da man we de mek pipul ful se in de tɔk Gɔd in mɛsej, in sɛf yon mɔt.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.