Rɛvɛleshɔn 12:3 - Krio Fɔs Oli Baybul

³ Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 12:3 Referans Kwoze

Rɛvɛleshɔn 17:12

“Di tɛn ɔn dɛn we yu si na tɛn kiŋ dɛn we nɔ bigin rul yet, bɔt dɛn go gi dɛn pawa fɔ rul lɛkɛ kiŋ wit di wayl bif fɔ wan awa.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 17:16

Di tɛn ɔn dɛn, ɛn di wayl bif we yu si, nɔ go lɛk di uman we liv fri layf; dɛn go tek ɔl wetin i gɛt kɛr dɛn go, ɛn lɛf am nekɛd; dɛn go it in bif nain bɔdi, dɔn dɛn go bɔn am na faya we i go day insay.

Rɛvɛleshɔn 17:7

Di enjɛl aks mi se, “Wetin du yu de wɔnda?” I se, “A go tɛl yu wetin di uman ɛn di wayl bif we tot am, we gɛt sɛvin ed ɛn tɛn ɔn, min.

Daniɛl 7:24

Ɛn di tɛn ɔn dɛn we kɔmɔt insay da kindɔm de, tɛn kiŋ dɛn go rul, dɔn afta dat, wan ɔda wan go rul; in go difrɛn pas di fɔs wan dɛn,

Daniɛl 7:20

Ɛn igen, di tɛn ɔn we bin de nain ed, ɛn di ɔda ɔn we bin bɔs midul dɛn, we na bifo am tri pan dɛn bin fɔdɔm; da ɔn de we bin gɛt yay ɛn mɔt we de tɔk impɔtant tɔk, ɛn we bin luk lɛk se i gɛt pawa pas ɔl in kɔmpin dɛn.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Rɛvɛleshɔn 12:1

Dɛn a si wan wɔndaful tin ɔp na di klawd. Wan uman bin de we di san kɔba lɛkɛ klos, di mun bin de ɔnda in fut, i bin wɛr krawn, we dɛn tek twɛlv sta mek, nain ed.

Rɛvɛleshɔn 16:13

Dɛn a si tri spirit dɛn we kɔmɔt to Setan, dɛn bin fiba ɔkpɔlɔ. Dɛn bin kɔmɔt na di dragɔn in mɔt, di wayl bif in mɔt, ɛn da man we de mek pipul ful se in de tɔk Gɔd in mɛsej, in sɛf yon mɔt.

Ayzaya 51:9

Grap o, grap, pik trɛnk, E PAPA GƆD in pawa; grap, lɛk aw yu bin de du fɔstɛm, fɔ di jɛnareshɔn dɛn lɔntɛm. Nɔto yu bin kɔt Reab pis pis, we bin chuk di dragɔn?

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Rɛvɛleshɔn 19:12

In yay bin rɛd lɛkɛ faya ɛn plɛnti krawn bin de pan in ed. Wan nem bin rayt pan am we nɔbɔdi nɔ bin no pas insɛf.

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.

Ayzaya 9:15

di ɛlda ɛn di man we dɛn rɛspɛkt na di ed, ɛn di prɔfɛt we de tich di pipul dɛn fɔ lay, na di tel;

Daniɛl 2:42

Ɛn lɛk we di to dɛn na di fut dɛn na bin af ayɛn ɛn af kle, na so di kindɔm go bi af traŋa ɛn af wɛnkɛ wɛnkɛ.

Rɛvɛleshɔn 12:7

Wantɛm, wa fɔdɔm na ɛvin, Maykɛl ɛn in enjɛl dɛn go fɛt di dragɔn, di dragɔn insɛf fɛt bak wit in yon mɛsenja dɛn;

Rɛvɛleshɔn 12:13

Wɛn di dragɔn si se dɛn dɔn ib am dɔŋ na wɔl, i bigin rɔnata di uman we bin bɔn di bɔy pikin.

Rɛvɛleshɔn 13:1

Dɛn a si wan wayl bif de kɔmɔt insay di wata kam ɔp. I bin gɛt tɛn ɔn ɛn sɛvin ed, ɔl di ɔn dɛn bin gɛt wan wan krawn pan dɛn; wan bad nem bɔt Gɔd bin rayt pan ɔl in ed dɛn.

Rɛvɛleshɔn 13:2

Di wayl bif we a si bin fiba lɛpɛt, in fut bin fiba wan bif we dɛn kɔl bia, in fut, ɛn in mɔt bin fiba layɔn mɔt. Di dragɔn gi dis wayl bif ya ɔl di pawa we i bin gɛt oba ɔl dɛn tin we i bin de rul.

Rɛvɛleshɔn 13:4

Ɔlman bigin prez di dragɔn bikɔs i bin gi di wayl bif in pawa. Di pipul dɛn prez di wayl bif insɛf, dɛn se, “Udat gɛt pawa lɛkɛ di wayl bif? Udat ebul fɛt am?”

Rɛvɛleshɔn 15:1

A si wan ɔda wɔndaful tin na di klawd we mek a bin jɛs de wɔnda. Sɛvin enjɛl dɛn bin de wit sɛvin bad bad tin dɛn, we na di las wan dɛn, bikɔs na di las tin dɛn dat, we Gɔd go tek sho mɔtalman se in vɛks pan dɛn.

Daniɛl 2:41

Ɛn as yu bin si di fut ɛn di to dɛn, we na af ayɛn ɛn af kle, di kindɔm go sheb, bɔt lɛk aw ayɛn traŋa, na so sɔm pan di trɛnk go de na di kindɔm, jɛs lɛk aw yu bin si we ayɛn miks wit di saf saf kle.