Rɛvɛleshɔn 12:15 - Krio Fɔs Oli Baybul

¹⁵ So di dragɔn bigin pul plɛnti wata kɔmɔt nain mɔt we bigin rɔn biɛn di uman fɔ kɛr am go.

Rɛvɛleshɔn 12:15 Referans Kwoze

Ayzaya 59:19

So dɛn go fred PAPA GƆD in nem na di wɛst, ɛn in glori kɔmɔt usay di san de rayz; bikɔs I go kam lɛk watasay we di wata de rɔn wit spid, we na PAPA GƆD in briz de push am.

Ayzaya 8:7

fɔseka dat, PAPA GƆD go mek da big ɛn pawaful Riva in wata kɔba dɛn, dat na di kiŋ na Asiria ɛn ɔl wetin i de tek blɔf ɛn mek nem. I go ovaflo ɔl dɛn gɔta ɛn ɔl dɛn sho dɛn,

Di Sam Dɛm 18:4

Di trap we dɛn bin sɛt fɔ mi, bin dɔn kech mi; i tan lɛk se dɛn bin tay tay mi, we mek a fred.

Ayzaya 28:2

PAPA GƆD gɛt di wan we pawaful ɛn traŋa; na lɛk we af af ays de fɔdɔm bɔku bɔku wan lɛk ren, lɛk ebi ebi tinada, lɛk tinada we de briŋ ebi ebi flɔd, i yuz pawa sɛn am kan dɔŋ na di wɔl.

Di Sam Dɛm 65:7

Yu we ebul mek si stɛdi we i nɔ de rɔf ɛn trɔbul sɛf nɔ de de na di kɔntri.

Rɛvɛleshɔn 17:15

Di enjɛl tɛl mi igen se, “Dɛn wata we yu si di uman we liv fri layf sidɔm pan, na ɔl dɛn difrɛn difrɛn kɔntri, ɛn ɔl dɛn difrɛn difrɛn pipul, wayt ɛn blak, we de tɔk ɔl dɛn difrɛn difrɛn laŋwej.

Jɛnɛsis 3:1

Naw di snek bin kɔni pas ɔl di ɔda animal dɛn we PAPA GƆD bin mek. Di snek aks di uman se, “Fɔ tru tru PAPA GƆD tɛl una se, una nɔ fɔ it di frut dɛn pan ɔl di tik dɛn na di fam?”

2 Kɔrint 11:3

A de fred mek sɔm ɔda tin dɛn nɔ go na una ed we go mek una nɔ de fɔ Krays in wangren, jɛs lɛkɛ aw di snek bin tek kɔni sɛns mek Iv ful.

Rɛvɛleshɔn 12:9

Dɛn drɛb di big dragɔn kɔmɔt na ɛvin, ib am dɔŋ na wɔl! Nain na da snek we dɛn kɔl Dɛbul ɔ Setan, we bin de mek di ol wɔl ful. Dɛn ib am dɔŋ na wɔl, wit ɔl in mɛsenja dɛn.

Rɛvɛleshɔn 12:16

Bɔt di grɔn ɛp di uman; i opin ɛn swɛla di wata we bin de kɔmɔt na di dragɔn in mɔt.

Rɛvɛleshɔn 20:2

I kech di dragɔn, dat na da snek we bin dɔn de frɔm tɛm, dɛn bad spirit dɛn kiŋ, Setan; i tay am fɔ wan tawzin ia.