Rɛvɛleshɔn 12:10 - Krio Fɔs Oli Baybul

¹⁰ Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.

Rɛvɛleshɔn 12:10 Referans Kwoze

Lyuk 22:31

“Saymɔn, Saymɔn, Setan dɔn gɛt pamishɔn fɔ fana una ɔl lɛkɛ rɛs.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Daniɛl 2:44

Ɛn dɛn tɛm dɛn de we di kiŋ dɛn go de rul, PAPA GƆD na ɛvin go briŋ in yon kindɔm we nɔ go ɛva fɔdɔm, ɛn in pawa nɔ go go na ɔda pipul an; ɛn I go brok ɔl dɛn kindɔm we bin dɔn de bifo am pyɛt pyɛt, ɛn dɔn dɛn kpatakpata wan; in go tinap sote go;

1 Kronikuls 29:11

PAPA GƆD yu gret, yu gɛt pawa, na yu dɛn de kɔle pan, yu de win ɔltɛm, ɛn di ɔna we pas ɔl ɔna, bikɔs ɔl wetin de na ɛvin ɛn dis wɔl na yu yon. Di kindɔm na yu yon, PAPA GƆD, ɛn na yu de pantap ɔltin.

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Job 1:11

Setan se, if PAPA GƆD go jɛs tret in an ɛn tek ɔl wetin i bin dɔn gi Job, i go mɔs tɔk bad bɔt am bifo in fes.

Job 1:9

Nain Setan ansa PAPA GƆD se, nɔto fɔ natin mek Job tan aw i tan.

Rɛvɛleshɔn 2:26

Dɛn pipul we stil tinap traŋa afta Setan dɔn tray dɛn, ɛn we stil de du dɛn tin we a tɛl dɛn fɔ du, te a kam bak, a go gi dɛn pawa oba ɔl dɛn neshɔn na dis wɔl,

2 Kɔrint 12:9

Gɔd ansa se, “Di gud we a de du fɔ yu, du fɔ yu, bikɔs wɛn pɔsin nɔ ebul du ɛnitin fɔ insɛf, na da tɛm de mi pawa big pas ɔl nain layf.” So a gladi we a de fil prawd bɔt di sik we a sik, so dat a kin no se Krays in pawa de wit mi.

Lyuk 11:2

Jizɔs se, “Wɛn una want pre, una fɔ se: ‘Papa Gɔd, na yu wangren na Gɔd, mek ɔlman pre to yu ɛn ɔna yu. Wi de pre mek yu rul wi.

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Matyu 6:10

Wi de pre mek yu rul wi; mek wetin yu want, bi na dis wɔl, lɛkɛ aw i de bi na ɛvin.

Di Sam Dɛm 22:28

bikɔs nain na di PAPA GƆD we fɔ wɔship ɛn in pawa as kiŋ na fɔ di wanol wɔl.

Job 2:5

I se if PAPA GƆD go jɛs tret in an ɛn mek i sik, i mɔs kɔs am nain fes.

Taytɔs 2:3

Semwe so, tɛl di big uman dɛn se dɛn fɔ de du lɛkɛ aw dɛn uman we de waka wit Gɔd fɔ du. Dɛn nɔ fɔ tɔk bad bɔt pipul, dɛn nɔ fɔ drink sote dɛn nɔ ebul lɛf wayn igen. Dɛn fɔ de lan pipul dɛn tin we gud fɔ dɛn,

1 Kɔrint 5:4

Wɛn una mit ɛn mi at de wit una, ɛn Masta Jizɔs in pawa de wit wi,

Di Sam Dɛm 45:6

We PAPA GƆD dɔn put yu fɔ rul, i tan lɛk nainsɛf de rul na fɔ sote go; yu dɔn de rul yu pipul fia wan ɛn di tik sɛf we yu de ol de sho dat.

Rɛvɛleshɔn 7:10

Dɛn ɔl bin de ala lawd wan se, “Na Gɔd we sidɔm na di ay chia ɛn di Ship dɔn sev wi!”

Pita In Fɔs Lɛta 5:8

Una fɔ rɛdi ɔltɛm, ɛn ɔltɛm una fɔ de wach, bikɔs Setan we de fɛt una, de go ɔlɔbɔt lɛkɛ aŋri layɔn, fɔ fɛn udat in go fɔdɔm pan.