Rɛvɛleshɔn 12:1 - Krio Fɔs Oli Baybul

¹ Dɛn a si wan wɔndaful tin ɔp na di klawd. Wan uman bin de we di san kɔba lɛkɛ klos, di mun bin de ɔnda in fut, i bin wɛr krawn, we dɛn tek twɛlv sta mek, nain ed.

Rɛvɛleshɔn 12:1 Referans Kwoze

Lyuk 21:25

“Una go si sayn pan di san, pan di mun, ɛn pan dɛn sta. Dɛn pipul na dis wɔl nɔ go no wetin fɔ du bikɔs dɛn go fred te dɛn nɔ ebul tɔk we di sɔl wata go rɔf ɛn di swɛlin dɛn de mek nɔys lɛkɛ tɛnda.

Lɛta Fɔ Ɛfisɔs 5:32

Wetin a jɛs tɔk bɔt sho wi tru tin we at fɔ ɔndastand, bɔt a no se dis tru tin na bɔt Krays ɛn di chɔch.

Ayzaya 62:3

Una go tan lɛk fayn fayn krawn na PAPA GƆD in an, ɛn lɛk kiŋ krawn na yu Gɔd in an.

Mak 13:25

Di sta dɛn go fɔdɔm kɔmɔt na di klawd, ɛn di pawa dɛn we de na di klawd go muf kɔmɔt na di ples we dɛn bin de.

Sɔlɔmɔn In Siŋ Dɛm 6:10

“Udat dis we de shayn lɛk do klin, fayn lɛk mun, de shayn lɛk san, fiaful lɛk ami we de mach wit bana.

Lyuk 21:11

Di grɔn go de trimbul bad, bad, bad aŋri go de ɔlɔbɔt, dɛn sik we de prɛd go de ɔlsay, plɛnti tin dɛn go bi we go mek pipul fred, ɛn Gɔd go sho plɛnti sayn na di klawd we go mek pipul fred.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Di Sam Dɛm 84:11

Bikɔs PAPA GƆD we na wi Gɔd na san we de gi layt ɛn big shild we de protɛkt wi; i de sho wi in lɔv bay aw i de mek bɛtɛ fala wi; I nɔ go se i nɔ de gi wi gud tin dɛn wans i nɔ fɛn fɔlt pan wetin wi de du.

2 Kronikuls 32:31

Na dat mek pan de biznɛs fɔ di Amabesadɔ dɛm we di prins dɛm na Babilɔn sɛn to am fɔ aks bɔt di sayn we PAPA GƆD du na di kɔntri PAPA GƆD lɛf am to insɛf fɔ tray am ɛn fɔ no ɔl wetin de nain at.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.

Rɛvɛleshɔn 15:1

A si wan ɔda wɔndaful tin na di klawd we mek a bin jɛs de wɔnda. Sɛvin enjɛl dɛn bin de wit sɛvin bad bad tin dɛn, we na di las wan dɛn, bikɔs na di las tin dɛn dat, we Gɔd go tek sho mɔtalman se in vɛks pan dɛn.

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Apɔsul Dɛn Wok 2:19

A go sho sayn na di klawd ɛn ɔlsay na wɔl. Una go si blɔd, faya, ɛn plɛnti smok.

Matyu 24:30

Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.

Zɛkaraya 9:16

Da de de, PAPA GƆD go sev dɛn bikɔs i go trit dɛn lɛk man we de mɛn ship. Lɛk aw dayamɔn pan krawn de shayn, na so dɛn go shayn na di land.

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Lɛta Fɔ Galeshya 6:14

Fɔ mi yon pat, a go bost nɔmɔ bɔt di day we Masta Jizɔs Krays day na di krɔs. Na di day we Jizɔs day na di krɔs mek natin nɔ ful mi yay na dis wɔl, ɛn a jɛs tan lɛkɛ dayman; dis wɔl nɔ gɛt natin fɔ du wit mi.

Matyu 12:38

Sɔm Ju Lɔ ticha ɛn sɔm Faresi dɛn se, “Ticha, wi want mek yu du wan wɔndaful wok we go sho yu pawa.”

Rɛvɛleshɔn 21:14

Na twɛlv ston dɛn bin tek bil di wɔl in fawndeshɔn. Na pan dɛn ston de di Ship in twɛlv apɔsul dɛn nem bin rayt.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Lɛta Fɔ Galeshya 3:27

Una dɔn baptayz, so una gɛt wanwɔd wit Jizɔs Krays ɛn una ɔl dɔn mekɔp fɔ tan lɛkɛ Jizɔs Krays.

2 Kɔrint 11:2

A de jɛlɔs fɔ una lɛkɛ aw Gɔd insɛf de jɛlɔs fɔ wi; una na lɛkɛ uman we nɔ no man we a dɔn prɔmis to wangren man, dat na Krays.

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

Jɔn 3:29

Na di ɔkɔ gɛt di yawo, bɔt di ɔkɔ in padi we tinap klos dɛn go gladi wɛn i yɛri di ɔkɔ de tɔk. Na dat mek a gladi bad.

Lɛta Fɔ Rom 13:14

Mek Masta Jizɔs Krays bi lɛkɛ di klos we wi de wɛr, mek i rul ɔl wi layf, ɛn mek wi lɛf fɔ du dɛn bad tin we wi at gi wi fɔ du.

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.