Rɛvɛleshɔn 11:9 - Krio Fɔs Oli Baybul

⁹ Ɔl kayn pipul, blak o, wayt o, we kɔmɔt na ɔl dɛn neshɔn ɛn ɔl dɛn trayb na wɔl ɛn we de tɔk ɔl dɛn difrɛn laŋwej go tek tri ɛn af de, de pas de luk di dedebɔdi dɛn, ɛn dɛn nɔ go gri fɔ mek dɛn bɛr dɛn.

Rɛvɛleshɔn 11:9 Referans Kwoze

Rɛvɛleshɔn 17:15

Di enjɛl tɛl mi igen se, “Dɛn wata we yu si di uman we liv fri layf sidɔm pan, na ɔl dɛn difrɛn difrɛn kɔntri, ɛn ɔl dɛn difrɛn difrɛn pipul, wayt ɛn blak, we de tɔk ɔl dɛn difrɛn difrɛn laŋwej.

Rɛvɛleshɔn 11:11

Wɛn di tri ɛn af de dɔn pas, Gɔd blo layf insay di tu pipul dɛn, na de dɛn tinap; ɔl dɛn wan we si dɛn, fred bad.

Rɛvɛleshɔn 10:11

Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”

Rɛvɛleshɔn 13:7

Dɛn bin lɛf am mek i fɛt Gɔd in pipul dɛn ɛn win dɛn, ɛn dɛn bin gi am pawa fɔ rul ɔl dɛn trayb, ɔl dɛn neshɔn, blak pipul ɛn wayt pipul ɛn pipul we de tɔk ɔl dɛn difrɛn laŋwej na wɔl.

Ɛkliziastis 6:3

Pɔsin kin bɔn wan ɔndrɛd pikin ɛn de te i ol; bɔt i nɔ mata aw lɔŋ i liv, if i nɔ ɛnjɔy layf ɛn we i day dɛn nɔ mek soba bɛrin fɔ am, pikin we bɔn day wan sɛf bɛtɛ pas am.

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Matyu 7:2

Aw una jɔj ɔda pipul, na di sem we Gɔd go jɔj unasɛf.

Jɛrimaya 7:33

Ɛn dɛn pipul ya dɛn dedebɔdi dɛm, go bi it fɔ dɛn bɔd dɛn we de flay ɔp di klawd, ɛn fɔ dɛn wayl animal dɛn na wɔl; ɛn nɔbɔdi nɔ go skyad dɛm.

Ayzaya 33:1

Swɛ go fɔdɔm pan yu, yu we de pwɛl, yu we dɛn nɔ pwɛl yet; yu rikishi pɔsin, we nɔbɔdi nɔ ple dakadeke yet! We yu dɔn tap fɔ pwɛl pipul, na datɛnde dɛn go pwɛl yu; ɛn na we yu dɔn blo fɔ dakadeke pipul, dɛn go ple yu dakadeke.

1 Kiŋ 13:22

bɔt tɔn bak go it bred ɛn drink wata na di ples we i tɛl am se nɔ fɔ it ɛn drink; fɔseka dat dɛn nɔ go bɛr in dedebɔdi usay dɛn bɛr in pipul dɛn.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.