Rɛvɛleshɔn 11:8 - Krio Fɔs Oli Baybul

⁸ ɛn dɛn dedebɔdi go ledɔm na trit na di big tɔŋ we dɛn bin nel di Masta na di krɔs. Da tɔŋ de gɛt nem we gɛt minin, lɛkɛ Sɔdɔm ɔ Ijipt.

Rɛvɛleshɔn 11:8 Referans Kwoze

Jɛrimaya 23:14

As fɔ di prɔfɛt dɛn na Jerusɛlɛm, a si bad bad tin pan dɛn we nɔ fayn fɔ du: dɛn de kɔmit lidɔm wit dɛn kɔmpin wɛf ɛn dɛn lay dɛn kayn nɔ de; dɛn de ɛp dɛn wan we de du bad, we mek nɔbɔdi nɔ de chenj kɔmɔt pan in wikɛd we; dɛn ɔl dɔn tan lɛkɛ Sɔdɔm to mi, ɛn di pipul dɛm we tap de, tan lɛkɛ Gɔmɔra.

Rɛvɛleshɔn 18:10

Dɛn go fred wɛn dɛn si di big waala we mit di tɔŋ, dɛn go tinap fawe, de tɔk se, “Oya, da big tɔŋ, Babilɔn, we bin gɛt pawa, dɔn pwɛl; na wan awa nɔmɔ i tek fɔ bɔn kam dɔŋ na grɔn.”

Rɛvɛleshɔn 18:21

Wɛn dat dɔn, wan enjɛl we gɛt plɛnti pawa pik wan big big ston lɛkɛ pɛpɛ ston ib am insay di wata, i se, “Na semwe so dɛn go ib da big tɔŋ we nem Babilɔn dɔŋ ɛn brok am, ɛn nɔbɔdi nɔ go si am igen.

Di Ibru Pipul Dɛn 13:12

Na dat mek Jizɔs insɛf nɔ mek dɛn kɛr am go insay di tɔŋ fɔ kil am, bɔt dɛn bin kɛr am go na ples we pipul nɔ tap, so dat i go tek in yon blɔd pul di pipul dɛn sin kɔmɔt na dɛn layf.

Rɛvɛleshɔn 18:18

wɛn dɛn si di smok we bin de kɔmɔt na di faya we bin de bɔn di tɔŋ, dɛn ala se, “Nɔ tɔŋ nɔ de lɛkɛ dis wande!”

Rɛvɛleshɔn 11:9

Ɔl kayn pipul, blak o, wayt o, we kɔmɔt na ɔl dɛn neshɔn ɛn ɔl dɛn trayb na wɔl ɛn we de tɔk ɔl dɛn difrɛn laŋwej go tek tri ɛn af de, de pas de luk di dedebɔdi dɛn, ɛn dɛn nɔ go gri fɔ mek dɛn bɛr dɛn.

Jud In Lɛta 1:7

Na di sem tin bin bi na Sɔdɔm ɛn Gomɔra ɛn dɛn ɔda tɔŋ we bin de klos dɛn: di pipul dɛn bin de du ɔl kayn dɔti tin wit dɛn bɔdi, man bin de lɛf in wɛf go kip in kɔmpin man, uman bin de lɛf in man go kip in kɔmpin uman. Fɔ mek ɔlman si ɛn bikyaful, Gɔd put dɛn pipul ya na faya we nɔ de ɔt fɔ pɔnish dɛn.

Pita In Sɛkɛn Lɛta 2:6

Gɔd bin jɔj tu tɔŋ, dat na Sɔdɔm ɛn Gomɔra; i bin mek faya bɔn dɛn kam dɔŋ pata pata. I bin du dat fɔ mek pipul si wetin go bi to dɛn pipul we nɔ de fala in yon we.

Matyu 10:15

A de tɛl una fɔ tru se, di tɛm we Gɔd go jɔj di pipul dɛn na di wɔl, i go bad fɔ da ples de pas aw i bin bad fɔ dɛn pipul na Sɔdɔm ɛn Gomɔra.

Emɔs 4:11

“A nyakanyaka una lɛk aw a bin nyakanyaka Sɔdɔm ɛn Gomɔra. Una bin tan lɛk af tik we dɛn pul na faya. Pan ɔl dat, una nɔ klɔk mi. “Na so mi PAPA GƆD se.

Izikɛl 23:27

Na so a go tap yu rudnɛs ɛn una rarelayf we yu briŋ kɔmɔt Ijipt; so dat yu nɔ go es una yay ɔp fɔ luk di Ijipshian dɛm ɔ ivin mɛmba dɛm igen

Izikɛl 23:19

Na da tɛm de i bigin rare mɔ, de mɛmba di tɛm we i bin yɔŋ, we i bin de rare na Ijipt

Izikɛl 23:8

I nɔ bin tap in rare layf we i bin dɔn de pan, frɔm we i bin de na Ijipt; bikɔs frɔm di tɛm we i bin yɔŋ, man dɛn dɔn de lidɔm wit am ɛn ol in vajin buzɔm, ɛn dɛn tɔn di want we dɛn want uman bad bad wan, to am.

Izikɛl 23:3

Dɛn bin de rare na Ijipt; dɛn bin de rare wɛn dɛn yɔŋ; na de dɛn bin kwis dɛn bɔbi dɛm ɛn ple wit dɛn vajin buzɔm dɛm.

Ayzaya 3:9

Di pashal we dɛn pashal go pul dɛn sikrit na do, dɛn de anawns dɛn sin lɛk Sɔdɔm, dɛn nɔ de ayd am sɛf. Swɛ go fɔdɔm pan dɛm! Bikɔs dɛn dɔn bay denja pak am pan dɛnsɛf.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ɛksodɔs 3:7

Na de PAPA GƆD tɛl am se, “A dɔn si aw mi pipul dɛn de sɔfa na Ijipt. A dɔn yɛri we dɛn de kray fɔ kɔmɔt ɔnda dɛn slev masta dɛn ɛn a bisin bɔt wetin de apin to dɛn. A no ɔl bɔt aw dɛn de sɔfa.

Jɛnɛsis 19:24

Da sem tɛm de nain PAPA GƆD mek big, big faya ɛn sɔlfa kɔmɔt na ɛvin ɛn bɔn Sɔdɔm ɛn Gomɔra.

Jɛnɛsis 13:13

Di pipul dɛn we bin tap na Sɔdɔm bin wikɛd, ɛn bin de du bad bad tin we PAPA GƆD nɔ lɛk.

Rɛvɛleshɔn 18:2

I ala lawd wan se, “Babilɔn, da tɔŋ we ɔlman no, dɔn pwɛl, i dɔn pwɛl pata pata; na ɔl kayn bad spirit tap de naw, ɔl dɛn wan we kɔmɔt to Setan; dɛn bad bɔd we pipul nɔ lɛk na dɛn dɔn go gɛda de.

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Di Ibru Pipul Dɛn 6:6

If pipul dɔn no ɔl dat, dɔn dɛn stil tɔn dɛn bak pan Gɔd, natin nɔ go briŋ dɛn kam bak to Gɔd ɛn mek dɛn lɛf dɛn bad tin we dɛn de du, igen, bikɔs dɛn de nel Gɔd in Pikin na di krɔs wan tɛm mɔ ɛn laf am bifo ɔlman.

Apɔsul Dɛn Wok 9:4

I fɔdɔm na grɔn, i yɛri vɔys de tɛl am se, “Sɔl, Sɔl, wetin mek yu de fɛt mi?”

Jɛrimaya 26:23

go Ijipt, ɛn dɛm bin briŋ Yuraya kɔmɔt Ijipt kam to Kiŋ Jɛoiakim, we bin kil am wit sɔd, ɛn trowe in dedebɔdi usay dɛn kin bɛr dɛn ɔdinari pipul dɛn.

Rɛvɛleshɔn 18:24

Ɛn i go sɔfa bikɔs nainsay de blɔd bin kɔmɔt pan dɛn wan we bin de tɔk Gɔd in mɛsej, pan ɔl Gɔd in pipul dɛn, ɛn pan ɔl dɛn pipul na wɔl we dɛn dɔn kil.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Rɛvɛleshɔn 17:1

Wɛn ɔl dat dɔn, wan pan di sɛvin enjɛl dɛn we bin ol wan pan di sɛvin kɔp dɛn, kam tɔk to mi, i se, “Kam, mek a go sho yu aw dɛn go pɔnish da uman we liv fri layf we ɔlman no; di uman na da tɔŋ we dɛn bil klos dɛn plɛnti riva.

Izikɛl 37:11

Dɛn PAPA GƆD se to mi, “Mɔtalman, dɛn bon ya, na di wanol Izrɛl. Una lisin, dɛn se, ‘wi bon dɛn dɔn dray, ɛn wi nɔ abop igen; wi nɔ gɛt nɔn link na di wɔl igen.’

Izikɛl 16:46

Ɛn Sameria na yu big sista, we bin tap wit in gyal pikin dɛn, na di nɔt pat to una, ɛn Sɔdɔm na yu smɔl sista, we in ɛn in gyal pikin dɛn de na di sawt pat to una.

Izikɛl 16:49

Na dis yu sista Sɔdɔm gilti bɔt; in ɛn in gyal pikin dɛn bin prawd, dɛn bin gɛt tumɔs fɔ it ɛn bin gɛt alafia, bɔt dɛn nɔ bin ɛp di po wan dɛn ɛn di wan dɛm we kin want sɔntin bad bad wan na layf.

Rɛvɛleshɔn 14:20

Di ol we dɛn bin kwis di wata kɔmɔt pan di greps nɔ bin de insay di tɔŋ; plɛnti blɔd kɔmɔt insay di ol ɛn rɔn te i rich tu ɔndrɛd mayl ɛn na fayv fut di blɔd bin dip.

Rɛvɛleshɔn 17:18

“Di uman we yu si, na da big tɔŋ we gɛt pawa oba dɛn wan we de rul na di wɔl.”