Rɛvɛleshɔn 11:7 - Krio Fɔs Oli Baybul

⁷ Wɛn dɛn dɔn tɛl pipul di mɛsej dɔn, di wayl bif we kɔmɔt insay di ol we nɔ gɛt bɔtɔm go kam fɛt dɛn. I go win dɛn ɛn kil dɛn,

Rɛvɛleshɔn 11:7 Referans Kwoze

Rɛvɛleshɔn 13:7

Dɛn bin lɛf am mek i fɛt Gɔd in pipul dɛn ɛn win dɛn, ɛn dɛn bin gi am pawa fɔ rul ɔl dɛn trayb, ɔl dɛn neshɔn, blak pipul ɛn wayt pipul ɛn pipul we de tɔk ɔl dɛn difrɛn laŋwej na wɔl.

Daniɛl 7:25

I go tɔk bad tin bɔt PAPA GƆD we ay pas ɔl, ɛn i go mɔna dɛn wan dɛn we biliv pan PAPA GƆD ɛn i go tink fɔ chenj aw tin tan, ɛn di lɔ; ɛn i go gɛt di pawa fɔ tri ɛn di af ia.

Jɔn 17:4

A dɔn mek ɔlman na wɔl si aw yu wɔndaful, a dɔn du ɔl di wok we yu gi mi fɔ du.

Lyuk 13:32

Jizɔs se, “Una go tɛl da man de we de mek pipul ful se, ‘A de drɛb dɛbul ɛn mɛn sik pipul fɔ shɔt tɛm fɔs, wɛn da tɛm de dɔn pas, a go dɔn mi wok.’

Rɛvɛleshɔn 13:11

Wɛn dat dɔn, na de a si wan ɔda wayl bif de kɔmɔt insay di grɔn kam ɔp. I bin gɛt tu ɔn dɛn we fiba ship pikin ɔn, ɛn i bin de tɔk lɛkɛ dragɔn.

Rɛvɛleshɔn 11:3

A go sɛn tu pipul we go tɔk bɔt mi, dɛn go wɛr di kayn klos we pipul kin wɛr wɛn dɛn gɛt bɛrin, ɛn fɔ wan tawzin, tu ɔndrɛd ɛn siksti de, dɛn go tɛl pipul di mɛsej we Gɔd gi dɛn.”

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Jɔn 19:30

Jizɔs sɔk di viniga ɛn se, “A dɔn dɔn mi wok!”

Lyuk 8:31

Di dɛbul dɛn beg Jizɔs fɔ mek i nɔ drɛb dɛn go na di Big Ol.

Rɛvɛleshɔn 12:17

Fɔseka dat, di dragɔn bin vɛks pan di uman, so i go fɔ go fɛt in ɔda pikin dɛn, dat na ɔl di wan dɛn we de du wetin Gɔd tɛl dɛn fɔ du, ɛn we biliv di tru tin dɛn we Jizɔs sho dɛn ɛn dɛn de fala dɛn.