Rɛvɛleshɔn 11:6 - Krio Fɔs Oli Baybul

⁶ Dɛn gɛt pawa fɔ ol di ren mek i nɔ fɔdɔm di tɛm we dɛn de tɛl pipul di mɛsej we Gɔd sɛn. Ɛn igen, dɛn gɛt pawa fɔ mek wata we bɔs na grɔn tɔn blɔd; dɛn gɛt pawa fɔ sɛn ɛni kayn bad bad tin kam na di wɔl, ɛnitɛm we dɛn lɛk.

Rɛvɛleshɔn 11:6 Referans Kwoze

Lyuk 4:25

“Una lisin mi; di tɛm we Ilayja bin de na Izrɛl, ren nɔ kam fɔ tri ia ɛn siks mɔnt ɛn bad aŋri bin de na di kɔntri, ɛn plɛnti uman we dɛn man bin dɔn day bin de na Izrɛl.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

1 Samiɛl 4:8

Dɛn se, “Wi dɔn alaki. Udat go pul wi kɔmɔt na dɛn gɔd ya dɛn an? Na di sem gɔd dɛn bin ib ɔlkayn waala pan di Ijipshian dɛn na di ɛmti land we pɔsin nɔ go ebul tap.”

Rɛvɛleshɔn 8:8

Dɛn di sɛkɛn enjɛl blo in trɔmpɛt. Na de dɛn tek sɔntin lɛkɛ ay il we faya de bɔn ib am insay di wata. Wɛn di wata sheb tri, wan pan di tri pat tɔn blɔd,

Rɛvɛleshɔn 11:3

A go sɛn tu pipul we go tɔk bɔt mi, dɛn go wɛr di kayn klos we pipul kin wɛr wɛn dɛn gɛt bɛrin, ɛn fɔ wan tawzin, tu ɔndrɛd ɛn siksti de, dɛn go tɛl pipul di mɛsej we Gɔd gi dɛn.”

Rɛvɛleshɔn 16:3

Dɛn di sɛkɛn enjɛl trowe di tin we de insay in kɔp na di si, nain di si tɔn blɔd lɛkɛ blɔd we de insay dedebɔdi; ɔltin we bin de insay di wata day.

Rɛvɛleshɔn 16:4

Dɛn di enjɛl we mek tri, trowe di tin we de insay in kɔp pan dɛn riva ɛn dɛn wata we de bɔs na grɔn, na de dɛn tɔn blɔd.