Rɛvɛleshɔn 11:5 - Krio Fɔs Oli Baybul

⁵ If ɛnibɔdi tray fɔ du dɛn tu pipul ya ɛni bad tin, faya go kɔmɔt na dɛn mɔt ɛn bɔn di pɔsin ɛn kil am; na so ɛnibɔdi we go tray fɔ du dɛn tu bad, go day.

Rɛvɛleshɔn 11:5 Referans Kwoze

Jɛrimaya 5:14

Bikɔs ɔf dat, na dis Papa Gɔd we na Gɔd Ɔlmayti se, “Bikɔs dɛn dɔn tɔk da wɔd de, a de mek mi wɔd na mɔt tan lɛkɛ faya ɛn dɛn pipul ya, di wud ɛn di faya go bɔn dɛm.

Ozie 6:5

Dat mek i sɛn prɔfɛt dɛn fɔ tɔk se in dɔn rɛdi fɔ tek di wɔd dɛn we de kɔmɔt nain mɔt jɔj dɛn. I se natin nɔ gɛt fɔ tap in jɔjmɛnt bikɔs i tan lɛk we nɛt de fala de.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Zɛkaraya 2:8

So Papa GƆD we na PAPA GƆD Ɔlmayti gi am dis mɛsej fɔ ɔl dɛn neshɔn we bin de ambɔg dɛn: I se if ɛnibɔdi ambɔg dɛn, nain dɛn ambɔg bikɔs dɛn nain bɔlyay.

Jɛrimaya 1:10

Tide, a dɔn put yu oba neshɔn ɛn kindɔm dɛm, fɔ pik kɔmɔt ɛn fɔ brokdɔŋ, fɔ pwɛl ɛn fɔ kapsay fɔ bil ɛn fɔ plant.”

Di Sam Dɛm 18:8

Fɔ sho se yu vɛks fɔ tru, smok de kɔmɔt na yu nos, ɔt ɔt kol we de bɔn ɛn faya we de pwɛl tin dɛn de kɔmɔt na yu mɔt.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.

Izikɛl 43:3

Ɛn di vishɔn we a bin si bin tan lɛk di vishɔn we a bin si wɛn PAPA GƆD bin kam fɔ distrɔy di big siti, ɛn lɛk di vishɔn we a bin dɔn si nia Riva Chɛba; ɛn a fɔdɔm wit mi fes

Rɛvɛleshɔn 9:17

A si di ɔs dɛn ɛn di pipul dɛn we bin de rayd dɛn, klia wan: dɛn chɛst bin kɔba wit tin lɛkɛ ayɛn klos we pipul de wɛr na wa, di ayɛn bin rɛd lɛkɛ faya, blu lɛkɛ si wata, ɛn yala lɛkɛ sɔlfa. Di ɔs dɛn ed bin fiba layɔn ed, ɛn faya wit smok ɛn ɔt sɔlfa bin de kɔmɔt na dɛn mɔt.

Rɛvɛleshɔn 13:13

I du plɛnti tin we mek pipul wɔnda, i mek faya kɔmɔt na ɛvin kam dɔŋ pan di wɔl bifo ɔl di pipul dɛn.