Rɛvɛleshɔn 11:4 - Krio Fɔs Oli Baybul

⁴ Di tu pipul dɛn we go tɛl pipul Gɔd in mɛsej na dɛn tu ɔliv tik ɛn dɛn tu lampolda dɛn we tinap bifo di Masta we mek di wɔl.

Rɛvɛleshɔn 11:4 Referans Kwoze

Jɛrimaya 11:16

PAPA GƆD bin de kɔl yu, ‘Grin greps tik, we fayn fɔ si wit frɛsh frɛsh frut dɛm’; bɔt na wantɛm ala i gɔ ala wit ebi tɛnda ɛn laytin, i go sɛt faya pan am, ɛn ɔl in branch dɛm go bɔn.

Di Sam Dɛm 52:8

Bɔt mi tan lɛkɛ ɔliv tik insay PAPA GƆD in os, na so misɛf go de rɔju; na pan PAPA GƆD in lɔv we traŋa ɛn we nɔ de ɛva chenj a abop.

Ayzaya 54:5

Bikɔs yu meka na yu man, we na PAPA GƆD Ɔlmayti nain nem; ɛn na di Oli Wan na Izrɛl na yu Ridima, we dɛn kɔl, di Gɔd fɔ di wanol wɔl.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lyuk 11:33

“Pɔsin nɔ de layt lamp put am na kɔna ɔ kɔba am wit blay, i de put am na ples we ɔlman na di os go si layt.

Ɛksodɔs 8:22

Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri.

Mayka 4:13

Di tɛm dɔn kam fɔ mek dɛn grap ɛn dil wit dɛn ɛnimi. PAPA GƆD se i go mek Jerusɛlɛm traŋa lɛk man kaw we in ɔn tan lɛk ayɛn dɔn i tan lɛk na bras de nain fut dɛn. Dɛn go nyamanyama di ɔda neshɔn dɛn, tek ɔl dɛn jɛntri bay fos ɛn gi PAPA GƆD we na PAPA GƆD fɔ di wanol wɔl.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”