Rɛvɛleshɔn 11:15 - Krio Fɔs Oli Baybul

¹⁵ Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Rɛvɛleshɔn 11:15 Referans Kwoze

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Rɛvɛleshɔn 12:10

Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.

Rɛvɛleshɔn 10:7

Bɔt wɛn di enjɛl we mek sɛvin blo in trɔmpɛt, Gɔd go du wetin i bin dɔn mekɔp fɔ du we nɔbɔdi nɔ bin no, we i bin tɛl di prɔfɛt dɛn we bin de wok fɔ am.”

Zɛkaraya 14:9

Na PAPA GƆD go de rul di wanol wɔl; ɔlman go de wɔship am ɛn kɔl am di sem nem.

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!

Lyuk 1:33

I go rul oba Jekɔb in grampikin pikin dɛm sote go; i nɔ go tap fɔ rul!”

Ɛksodɔs 15:18

PAPA GƆD, yu na di kiŋ we go ren sote go.

Daniɛl 7:18

Bɔt di oli wan dɛm we biliv pan PAPA GƆD we ay pas ɔl, go gɛt di kindɔm sote go.

Rɛvɛleshɔn 16:17

Dɛn di enjɛl we mek sɛvin trowe di tin we de insay in kɔp na di briz, na de lawd vɔys tɔk na di chia we Gɔd sidɔm insay in Os na ɛvin, i se, “Ɔltin dɔn dɔn!”

Di Ibru Pipul Dɛn 1:8

Bɔt wɛn Gɔd tɔk bɔt in Pikin, i se, “O Gɔd, yu go rul sote go! Ɛn yu de rul di rayt we.

Mayka 4:7

in go briŋ udat lɛf kam bak ɛn mek dɛn bigin layf bak. Dɛn go bi pawaful ɛn na frɔm Mawnt Zayɔn in go rul dɛn sote go.

Di Sam Dɛm 86:9

PAPA GƆD na yu mek ɔl dɛn neshɔn ɔl dɛn neshɔn de go kam wɔship yu; dɛn ɔl go jɔyn fɔ prez yu nem

Ayzaya 9:7

Fɔ in gɔvamɛnt in bɛtɛ wan ɛn fɔ kol at, dat go de sote go, na Devid in tron ɛn nain kindɔm, fɔ bigin di kindɔm ɛn mek i tinap wit jɔstis ɛn fɔ waka tret wit PAPA GƆD, frɔm naw, sote go. Na PAPA GƆD Ɔlmayti in pawa go du dat.

Rɛvɛleshɔn 19:6

Dɛn a yɛri vɔys lɛkɛ wɛn plɛnti pipul de tɔk, ɛn lɛkɛ wɛn plɛnti big wata de rɔn ɛn lɛkɛ wɛn tɛnda de krak lawd wan; dɛn vɔys ya bin de se, “Aliluya! Di Masta, we na wi Gɔd we gɛt pawa pas ɔl, de rul, una lɛ wi prez am!

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Lyuk 15:10

Semwe so, Gɔd in enjɛl dɛn go gladi bikɔs wan pɔsin we bin de pan sin sɔri fɔ di bad we i du ɛn tɔn to Gɔd.”

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Izikɛl 37:25

Dɛn go tap na di kɔntri we dɛn dadi bin tap ɛn we a bin gi to mi savant Jekɔb; dɛn ɛn dɛn pikin dɛn, ɛn dɛn pikin pikin dɛm go tap de so te go; ɛn Devid mi savant go bi dɛn kiŋ so te go.

Ayzaya 27:13

Ɛn da tɛm de, dɛn go blo wan big big trɔmpɛt, ɛn dɛn wan we bin lɔs na Asiria, ɛn dɛn wan dɛn we dɛn bin drɛb go Ijipt, go kam wɔship PAPA GƆD na di oli mawnten na Jerusɛlɛm.

Di Sam Dɛm 146:10

PAPA GƆD go ɛva bi kiŋ una we de na Zayɔn, una PAPA GƆD we una de wɔship go bi kiŋ sote go. Una lɛ wi prez PAPA GƆD!

Di Sam Dɛm 110:4

PAPA GƆD dɔn swɛ se, “Lɛkɛ Mɛlkizidɛk na so yusɛf go bi man we de mek sakrifays fɔ pipul sin sote go, ɛn i nɔ go chenj in maynd.”

Di Sam Dɛm 72:11

Dɛn ɔl ɛn dɛn pipul na di wanol wɔl go kam baw to di Kiŋ ɛn rɛdi fɔ du wetin i want.

Di Sam Dɛm 2:2

Di kiŋ dɛn we de rul grap wit wanwɔd ɛn mek bagin pan PAPA GƆD ɛn di kiŋ we i chuz.

Rɛvɛleshɔn 20:4

Wɛn dat dɔn, a si dɛn chia we kiŋ kin sidɔm fɔ rul, ɛn a si dɛn wan we bin sidɔm pan dɛn. Sɔmbɔdi bin gi dɛn pawa fɔ jɔj ɔda pipul, ɛn igen a si dɛn spirit we kɔmɔt pan dɛn pipul we dɛn bin kil na wɔl bikɔs dɛn bin de tɔk se Jizɔs na dɛn Masta ɛn dɛn bin de tɛl pipul Gɔd in mɛsej. Dɛn pipul ya nɔ bin fɔdɔm bifo di wayl bif fɔ pre to am ɛn dɛn nɔ bin pre to di tin we dɛn mek fɔ tek mɛmba ɛn rɛspɛkt am, ɛn di wayl bif in mak nɔ bin de pan dɛn fɔrɛd ɔ pan dɛn an. Dɛn gɛt layf bak, dɔn dɛn rul wit Krays fɔ wan tawzin ia.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Rɛvɛleshɔn 9:13

Dɛn di enjɛl we mek siks blo in trɔmpɛt. Na de a yɛri vɔys de kɔmɔt na di fo kɔna dɛn na di gold tebul we de bifo Gɔd, da tebul we dɛn de mek sakrifays to Gɔd.

Rɛvɛleshɔn 9:1

Di enjɛl we mek fayv, blo in trɔmpɛt. Na de a si wan sta we bin dɔn fɔdɔm kɔmɔt na ɛvin kam pan di wɔl; dɛn bin gi am di ki fɔ tek opin di domɔt fɔ go insay di dip ol we nɔ gɛt bɔtɔm.

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Ozie 2:23

A go sho am wetin i min fɔ mek a lɛk di land. A go sɔri fɔ “a nɔ de sɔri fɔ am”; ɛn lɛ “nɔto mi pɔsin” no se in na mi pɔsin, dɔn insɛf go se, “Yu na mi Gɔd.”

Daniɛl 7:22

ɛn i bin de win dɛn, te di wan we bin dɔn de lɔlɔntɛm kam, ɛn i gi jɔjmɛnt fɔ seka di wan dɛn we biliv pan PAPA GƆD we ay pas ɔl, ɛn di tɛm rich wɛn di wan dɛn we biliv pan PAPA GƆD gɛt di kindɔm.

Ayzaya 55:5

A de tɛl yu, yu go sɛn kɔl neshɔn dɛn we una nɔ no, ɛn neshɔn dɛn we nɔ bin no, go rɔn kam to yu, Fɔseka PAPA GƆD we na una Gɔd, di Oli Wan na Izrɛl bikɔs I dɔn es una ɔp na wɔl.

Ayzaya 44:23

Yu skay, siŋ, bikɔs PAPA GƆD dɔn du am; ala, yu bɔtɔm bɔtɔm grɔn; bɔsawt wit siŋ una dɛn mawnten, yu fɔrɛst ɛn ɔl di tik we de de! Bikɔs PAPA GƆD dɔn sev Jekɔb, ɛn i go gɛt glori na Izrɛl.

Lyuk 15:6

Wɛn i rich nain os, i go kɔl in padi dɛn ɛn in neba dɛn kam ɛn tɛl dɛn se, ‘Una kam ɛp mi gladi bikɔs a dɔn fɛn mi ship we bin lɔs!’

Malakay 1:11

PAPA GƆD Ɔlmayti se, frɔm we san grap na mɔnin te di tɛm we i de go dɔŋ, nain in nem big to ɔl di neshɔn dɛn na wɔl ɛn ɔlsay we dɛn de mek sakrifays to am, nɔ kin bi bamfa wan bikɔs ɔl di neshɔn dɛn na wɔl no se in na big PAPA GƆD.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Di Sam Dɛm 82:8

PAPA GƆD, sho yu pawa ɛn jɔj di wɔl, bikɔs na yu gɛt ɔl di neshɔn dɛn.

Obadaya 1:21

Pipul dɛn go go sev Mawnt Zayɔn fɔ rul Mawnt Isɔ; ɛn PAPA GƆD go bi kiŋ bak fɔ dɛn ɔl.

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Apɔsul Dɛn Wok 4:26

Dɛn pipul we de rul na dis wɔl want fɔ fɛt Gɔd we na di Masta ɛn di pɔsin we Gɔd dɔn pik, dat na di Mɛsaya.’

Izikɛl 47:5

Egen, i mɛnshɔ bak fayv ɔndrɛd, ɛn di wata dɔn bi wan riva we a nɔ ebul fɔ pas pan, fɔ di wata bin dɔn rayz i bin dip du naw fɔ swim insay, wan riva we pɔsin nɔ go ebul fɔ waka pas pan.