Rɛvɛleshɔn 11:12 - Krio Fɔs Oli Baybul

¹² Dɛn di tu prɔfɛt dɛn yɛri lawd vɔys we kɔmɔt na ɛvin de tɔk to dɛn se, “Una kam ɔp ya!” Aw di pipul dɛn we nɔ lɛk dɛn tinap de luk dɛn, dɛn go ɔp na ɛvin insay wan klawd.

Rɛvɛleshɔn 11:12 Referans Kwoze

Rɛvɛleshɔn 4:1

Wɛn dat dɔn dɔn a si ɔda tin; a si do opin na ɛvin: a yɛri di vɔys bak we bin sawnd lɛkɛ trɔmpɛt de tɔk to mi. Di vɔys se, “Kam ɔp ya, so dat a kin sho yu dɛn tin we mɔs apin bambay.”

Apɔsul Dɛn Wok 1:9

Wɛn Jizɔs tɔk dɔn, aw di apɔsul dɛn de luk am, nain Gɔd tek am go ɔp na ɛvin. Di apɔsul dɛn luk Jizɔs sote i lɔs na di klawd.

2 Kiŋ 2:11

As dɛn de waka de tɔk de go, na de wantɛm wan karej we gɛt faya kam midul dɛn tu, dɔn Ilayja go ɔp na ɛvin wit big briz we de tɔn rawnd ɛn rawnd.

Fɔs Lɛta Fɔ Tɛsalonayka 4:17

afta dat, Gɔd go mek wi we nɔ go dɔn day yet ɛn dɛn wan we bin dɔn day, go ɔp na di klawd, ɛn wi ɔl go gɛda rawnd di Masta. So wi go de wit di Masta ɔltɛm.

Rɛvɛleshɔn 12:5

I nɔ tu te, di uman bɔn wan bɔy pikin, we go rul oba ɔl dɛn neshɔn wit staf we dɛn tek ayɛn mek. Bɔt sɔmbɔdi jɔg di pikin rɔn kɛr am go to Gɔd we sidɔm na di ay chia we kiŋ kin sidɔm fɔ rul.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Lyuk 16:23

Wɛn i de na ɛl de sɔfa pen, i es in yay luk, na de i si Ebraam fawe klos Lazarɔs.

Ayzaya 60:8

Udat dɛn wan ya we de flay lɛk klawd, ɛn lɛk dɔv dɛn we de flay go na dɛn winda?

Ayzaya 40:31

bɔt di wan dɛn we biliv PAPA GƆD go gɛt frɛsh trɛnk, dɛn go flay go ɔp wit fɛda lɛk igul, dɛn go rɔn ɛn dɛn nɔ go taya; dɛn go waka ɛn dɛn nɔ go fil wik.

2 Kiŋ 2:5

Di prɔfɛt dɛn we de na Jɛriko dɛnsɛf go mit Ilaɛlsha ɛn aks am if i nɔ no se PAPA GƆD de tek in masta nain an da de de. Ilaɛlsha ansa dɛn se in no, so lɛ dɛn sɛt dɛn mɔt.

2 Kiŋ 2:1

Di tɛm we PAPA GƆD bin rɛdi fɔ tek Ilayja go ɔp na ɛvin wit wan big briz we de tɔn rawnd ɛn rawnd, Ilayja ɛn Ilaɛlsha bin de waka de kɔmɔt na Gilgal.

Malakay 3:18

Dat tɛm de, dɛnsɛf go no udat de waka tret wit PAPA GƆD ɛn udat nɔ de du wetin i fil fɔ du, bitwin udat de du wetin PAPA GƆD want ɛn udat nɔ de du wetin PAPA GƆD want.

Ayzaya 14:13

Yu bin tɔk na yu at se, ‘A go klem go ɔp ɛvin; ay ay pas PAPA GƆD in sta dɛn. A go mek mi tron ɔp de; A go sidɔm na di mawnten we ɔlman kin mit fa fawe na di nɔt!

Di Sam Dɛm 112:10

Di bad man go si ɔl dis ɛn i go vɛks. I go wan kil insɛf wit vɛksteshɔn. Ɔl wetin i abop pan na fɔ natin.

Di Sam Dɛm 86:17

PAPA GƆD du sɔntin fɔ sho se yu stil lɛk mi so dat mi ɛnimi dɛn go si ɛn kɔle. Lɛ dɛn shem ɛn disgres bikɔs yu PAPA GƆD we na mi PAPA GƆD dɔn ɛp mi, yu dɔn koks mi.

Di Sam Dɛm 24:3

Udat ebul fɔ klem Mawnt Zayɔn? Udat ebul fɔ tinap bifo PAPA GƆD?

Di Sam Dɛm 15:1

PAPA GƆD, udat fit fɔ go insay yu os fɔ wɔship? Udat go ebul liv na Zayɔn, yu oli il?

2 Kiŋ 2:7

Wɛn dɛn rich nia di riva, fifti pan di prɔfɛt dɛn go tinap fawe lilibit de wach dɛn usay dɛn tinap nia Riva Jɔdan.

Ɛksodɔs 14:25

I mek di chariɔt dɛn wil stif. Dat mek di Ijipshian dɛn se lɛ dɛn tɔn bak bikɔs na PAPA GƆD de fɛt fɔ di Izrɛlayt dɛn so.