Rɛvɛleshɔn 11:11 - Krio Fɔs Oli Baybul

¹¹ Wɛn di tri ɛn af de dɔn pas, Gɔd blo layf insay di tu pipul dɛn, na de dɛn tinap; ɔl dɛn wan we si dɛn, fred bad.

Rɛvɛleshɔn 11:11 Referans Kwoze

Jɛnɛsis 2:7

PAPA GƆD tek sɔm pan di dɔti na grɔn ɛn mek mɔtalman; i blo insay in nos dɛn mɔtalman gɛt layf.

Lɛta Fɔ Rom 8:11

If Gɔd, we mek Jizɔs rayz frɔm di grev, in Spirit de insay una, Gɔd insɛf go mek in Spirit we de insay una mek una bɔdi we go day gɛt di tru layf.

Lɛta Fɔ Rom 8:2

Gɔd in Spirit we de gi layf ɛn we de rul wi dɔn mek wi gɛt wanwɔd wit Jizɔs Krays, ɛn i dɔn pul wi ɔnda di pawa we sin ɛn day bin gɛt oba wi.

Rɛvɛleshɔn 11:9

Ɔl kayn pipul, blak o, wayt o, we kɔmɔt na ɔl dɛn neshɔn ɛn ɔl dɛn trayb na wɔl ɛn we de tɔk ɔl dɛn difrɛn laŋwej go tek tri ɛn af de, de pas de luk di dedebɔdi dɛn, ɛn dɛn nɔ go gri fɔ mek dɛn bɛr dɛn.

Apɔsul Dɛn Wok 5:5

Wɛn Ananayas yɛri wetin Pita tɔk, i fɔdɔm ɛn day. Ɔl dɛn wan we yɛri wetin bi, fred.

Apɔsul Dɛn Wok 5:11

Wɛn ɔl dɛn pipul we bin biliv pan Jizɔs Krays ɛn dɛn wan we nɔ bin biliv pan am, yɛri bɔt wetin bi to Ananayas ɛn Safayra, dɛn fred bad.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Jɛrimaya 33:9

Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Jɔshwa 2:9

ɛn tɛl dɛn se in no se, PAPA GƆD dɔn gi Izrɛl di land, ɛn bikɔs di pipul dɛn na Kenan de fred dɛn, dat dɔn mek dɛn fil lɛkɛ kripul dɛn bifo Izrɛl.