Rɛvɛleshɔn 11:10 - Krio Fɔs Oli Baybul

¹⁰ Di pipul dɛn na wɔl go gladi we dɛn tu pipul ya day. Dɛn go mek pati ɛn dash dɛn kɔmpin bikɔs dɛn tu prɔfɛt ya bin de tɛl pipul Gɔd in mɛsej we bin de tɔmɛnt dɛn.

Rɛvɛleshɔn 11:10 Referans Kwoze

1 Kiŋ 18:17

Wɛn Eab si Ilayja, i aks am if nain na di man we de ambɔgin Izrɛl.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Apɔsul Dɛn Wok 5:33

Wɛn di bigman dɛn na di Ju gran kot yɛri wetin di apɔsul dɛn tɔk, dɛn vɛks sote dɛn bin want mek dɛn kil di apɔsul dɛn.

Jɔn 7:7

Di pipul dɛn na wɔl jɛs gɛt fɔ lɛk una, bɔt dɛn nɔ lɛk mi bikɔs a kin de tɛl dɛn se, dɛn de du bad.

Matyu 10:22

Nɔbɔdi nɔ go lɛk una bikɔs una de du wetin a tɛl una fɔ du, bɔt ɛnibɔdi we bia sote ɔl di trɔbul dɔn, a go sev da pɔsin de.

Mayka 7:8

I se lɛ in ɛnimi dɛn nɔ gladi we trɔbul mit am o, bikɔs if i fɔdɔm sɛf, i de grap ɛn we i tan lɛk ples dak fɔ am, PAPA GƆD de bi di wan we de gi am layt.

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

1 Kɔrint 13:6

una nɔ go gladi fɔ ɛnitin we nɔ rayt, bɔt una go gladi fɔ yɛri ɛnitin we na tru.

Jɔn 16:20

A de tɛl una se: Una go kray bita bita wan, bɔt dɛn ɔda pipul na wɔl go gladi.

Jɛrimaya 38:4

Nain di bigman dɛn tɛl di kiŋ se, “Lɛ wi kil dis man, bikɔs i de pwɛl di soja man dɛn we lɛf na di siti, ɛn ɔl di pipul dɛn at wit da kayn wɔd de we i de tɛl dɛm. Bikɔs dis man nɔ de mɛmba fɔ di pipul dɛn sefti o, na dɛn day wan i want.”

Prɔvabs 24:17

Nɔ laf wɛn yu ɛnimi fɔdɔm, nɔ gladi we i staga ɛn fɔdɔm.

Di Sam Dɛm 89:42

Yu dɔn mek in ɛnimi dɛn ebul am; so dɛn ɔl de gladi lɛkɛ udat kres.

Di Sam Dɛm 13:4

Da tɛm de mi ɛnimi dɛn go gladi we a day, dɛn go min se dɛn dɔn win mi.

1 Kiŋ 22:18

Na de di kiŋ fɔ Izrɛl aks Jɛoshafat se if in nɔ bin dɔn tɛl am se Maykaya nɔ gɛt nɔn gud wɔd fɔ tɛl am.

1 Kiŋ 21:20

Wɛn Eab si Ilayja, i tɛl am se “E bo mi ɛnimi! Yu kam fɛn mi na yaso bak!?” Ilayja ansa am se yɛs, in go fɛn am bikɔs i jɛs mekɔp in maynd fɔ de du bad bifo PAPA GƆD in yay.

Rɛvɛleshɔn 16:10

Dɛn di enjɛl we mek fayv trowe di tin we de insay in kɔp pan di wayl bif in chia we i kin sidɔm pan fɔ rul. Ɔl di say dɛn we di wayl bif bin de rul, dak wantɛm, pipul bigin sɔfa bad bad pen, we mek dɛn bɛt dɛn tɔŋ,

Rɛvɛleshɔn 12:13

Wɛn di dragɔn si se dɛn dɔn ib am dɔŋ na wɔl, i bigin rɔnata di uman we bin bɔn di bɔy pikin.

Obadaya 1:12

Usay tru de fɔ tɔk, we una brɔda dɛn de pan trɔbul na Juda; unasɛf nɔ bin fɔ jɔyn fɔ provok dɛn pan dɛn trɔbul.

Jɛrimaya 50:11

“Ɛnti una de gladi naw ɛn de es unasɛf ɔp, una we bin tif ɔltin na mi kɔntri, ɛnti una want want lɛk we yɔŋ kaw kin want gras, ɛn una de mek lɛk dɛn yɔŋ ɔs,

Di Sam Dɛm 35:19

Nɔ mek mi ɛnimi dɛn gladi fɔ si mi dawnfɔl. Dɛn wan sɛf we nɔ gɛt rizin fɔ et mi bɔt et mi, nɔ mek dɛn fɛn rizin fɔ luk mi bad yay.