Rɛvɛleshɔn 11:1 - Krio Fɔs Oli Baybul

¹ Wɛn dat dɔn, dɛn gi mi wan tik we dɛn de tek fɔ mɛnshɔ, dɔn dɛn tɛl mi se, “Grap, go mɛnshɔ Gɔd in Os ɛn di tebul we dɛn de mek sakrifays to Gɔd, ɛn kɔnt di pipul dɛn we de prez Gɔd insay in Os.

Rɛvɛleshɔn 11:1 Referans Kwoze

Rɛvɛleshɔn 21:15

Di enjɛl we bin de tɔk to mi bin ol wan gold tik we dɛn de tek mɛnshɔ; nain i go tek mɛnshɔ di tɔŋ, di domɔt dɛn ɛn di wɔl.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Ayzaya 28:17

Ɛn a go mek jɔstis bi di mɛzhɔmɛnt, ɛn fɔ waka tret wit PAPA GƆD go bi di say fɔ drɔ di layn; na af af bɔl ays we de fɔdɔm kan dɔŋ lɛk ren, go swip di lay dɛn we tek kɔba, go, ɛn na bɔku bɔku wata go fulɔp usay dɛn de ayd.”

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Di Nɔmba Dɛm 33:18

Dɛn lɛf Azirɔth ɛn kamp na Rithma.

Daniɛl 7:27

Di kindɔm ɛn di pawa ɛn di kindɔm in pawa ɔnda di wanol ɛvin go go to di pipul dɛn we biliv pan PAPA GƆD we ay pas ɔl; dɛn kindɔm go de sote go ɛn ɔl ɔda pawa dɛn go wok fɔ dɛn ɛn go obe dɛn.’

Rɛvɛleshɔn 10:11

Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”