Rɛvɛleshɔn 10:9 - Krio Fɔs Oli Baybul

⁹ A go to di enjɛl go aks am mek i gi mi di lili pepa we dɛn kɔl skrol. I tɛl mi se, “Tek am, it am, i go sawa na yu bɛlɛ, bɔt i go swit lɛkɛ ɔni na yu mɔt.”

Rɛvɛleshɔn 10:9 Referans Kwoze

Jɛrimaya 15:16

A yɛri ɔl wetin yu se, ɛn a ɔndastand, ɛn wetin yu se mek a gladi ɛn dat mek mi at swit; bikɔs na yu gɛt mi, O PAPA GƆD Ɔlmayti.

Izikɛl 2:8

“Bɔt yu mɔtalman, lisin wetin a de tɛl yu; nɔ traŋayes lɛk dɛn rebɛl dɛn; opin yu mɔt ɛn it wetin a de gi yu.”

Izikɛl 3:14

Di spirit es mi ɔp ɛn tek mi kɔmɔt de, ɛn a go wit bita spirit ɛn wamat, ɛn PAPA GƆD in an bin de pan mi traŋa wan;

Job 23:12

A de du ɔl wetin i se fɔ du, ɛn in wɔd de insay mi at.

Lɛta Fɔ Kɔlɔse 3:6

Na dɛn kayn tin ya go mek Gɔd vɛks pan ɔl dɛn pipul we nɔ de yɛri in wɔd.

Rɛvɛleshɔn 10:10

A tek di lili pepa we dɛn kɔl skrol na di enjɛl in an, ɛn it am; ɛn jɛs lɛkɛ aw di enjɛl bin se, i tes swit lɛkɛ ɔni na mi mɔt. Bɔt wɛn a dɔn swɛla am go dɔŋ, i sawa na mi bɛlɛ.