Biblia Todo Logo
Bib sou entènèt

- Piblisite -




Rɛvɛleshɔn 10:5 - Krio Fɔs Oli Baybul

5 Dɛn di enjɛl we a bin si tinap, wit wan fut pan di dray grɔn ɛn wan fut pan di wata, es in raytan ɔp to ɛvin.

Gade chapit la Kopi




Rɛvɛleshɔn 10:5
29 Referans Kwoze  

Di man we bin wɛr linin klos we bin de ɔp say oba di watasay, es in rayt an ɛn lɛf an ɔp to ɛvin, ɛn a yɛri we i de swɛ wit di wan we nɔ de day in nem, se i go bi fɔ tri ɛn af ia. Dɔn i se, na wɛn di oli pipul dɛn pawa go dɔn, ɔl dɛn tin ya go dɔn bi.


Bikɔs a es mi an ɔp to ɛvin, ɛn swɛ se, Lɛk we mi go de sote go,


Dɛn di enjɛl we mek sɛvin trowe di tin we de insay in kɔp na di briz, na de lawd vɔys tɔk na di chia we Gɔd sidɔm insay in Os na ɛvin, i se, “Ɔltin dɔn dɔn!”


I tɔk lawd wan se, “Una fred Gɔd, ɛn prez am bikɔs i wɔndaful! Di tɛm dɔn kam fɔ mek i jɔj mɔtalman. Una fɔdɔm bifo am ɛn prez am, nain mek ɛvin, nain mek di dray grɔn, di big wata we de rawnd di dray grɔn ɛn dɛn wata we de bɔs na grɔn!”


Wan smɔl pepa we rol we dɛn kɔl “skrol” bin de nain an, di pepa bin opin. I put in rayt fut pan di wata ɛn in lɛf fut pan di dray grɔn.


“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”


“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.


Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,


Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.


PAPA GƆD, na yu waŋren na GƆD. Yu mek di ɛvin, ivin insay insay di ɛvin ɛn ɔl di sta dɛn, di wɔl ɛn ɔl wetin de insay am, di si dɛn ɛn ɔl wetin de insay dɛn. Na yu gi layf to ɔltin ɛn di bɔku bɔku tin dɛn na ɛvin de wɔship yu.


Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.


Ebram ansa am se, “A dɔn swɛ to PAPA GƆD we pas ɔl, we mek di wanol wɔl, ɛvin ɛn ath,


Lɔntɛm, wɛn Gɔd bin prɔmis Ebraam, nainsɛf yon nem i bin tek oth se in go du wetin i bin prɔmis Ebraam, bikɔs nɔbɔdi nɔ pas am.


Frɔm di tɛm we Gɔd mek di wɔl, ɔlman no gud gud se Gɔd gɛt pawa we nɔ de dɔn ɛn Gɔd na di tru Gɔd. Mɔtalman nɔ de si dɛn tu tin ya, bɔt dɛn go no dat bɔt Gɔd, bikɔs Gɔd dɔn mek dɛn tu tin ya plen to dɛn frɔm di tin dɛn we i mek. Na dat mek nɔbɔdi nɔ go se in nɔ no se na bad in de du.


We a de waka na una tɔŋ, a bin de luk na ɔl di ples dɛn we una de pre to una gɔd; na de a si wan ples we una rayt pan ston se, ‘Fɔ di gɔd we wi nɔ no’. Di gɔd we una de pre to, we una nɔ no, nain a kam tɛl una bɔt naw.


ɛn tɛl dɛn se, na dis Papa Gɔd we na Gɔd se; di de wɛn a bin pik Izrɛl, a bin swɛ to Jekɔb in jɛnareshɔn. We a sho misɛf to dɛn na Ijipt, a bin swɛ to dɛm ɛn se, na mi na di PAPA GƆD we na una Gɔd.


Di pɔsin, we gɛt di PAPA GƆD we Jekɔb bin de wɔship fɔ ɛp am gɛt blɛsin, i de abop pan PAPA GƆD, di waŋren PAPA GƆD, we nain i de wɔship,


A go gi dɛn di land we a bin dɔn swɛ se a go gi dɛn papa dɛn - Ebraam Ayzak ɛn Jekɔb. Ɛn di land go bi dɛn yon prɔpati sote go. Mi na PAPA GƆD.”


A bin swɛ fɔ gi dis to una dadi dɛm, ɛn dis land go fɔdɔm to una fɔ una prɔpati.


Fɔseka dat, na dis PAPA GƆD se; a swɛ se di neshɔn dɛm we de rawnd una, dɛnsɛf go bia di sem disgres we dɛn bin briŋ pan una.


Ɛn una go no se na mi na PAPA GƆD, we a briŋ una kam na Izrɛl, di land we a bin swɛ a go gi una fɔstɛmpapa dɛm.


Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.


Pantap dat a bin swɛ to dɛn na di say we ɛmti ɛn natin nɔ de, se, a go skata dɛm na ɔl di difrɛn neshɔn dɛm, ɛn sheb sheb dɛm ɔlsay na di difrɛn difrɛn kɔntri dɛm,


Ɛn na so a bin swɛ na di say we ɛmti ɛn dray we natin nɔ de, se, a nɔ go briŋ dɛm kam na di land we a bin dɔn gi dɛm, we gud fɔ plant ɛn fɔ mɛn animal, di land we dɛn de kɔle pan pas ɔl ɔda land,


Swiv nou:

Piblisite


Piblisite