Rɛvɛleshɔn 10:4 - Krio Fɔs Oli Baybul

⁴ Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

Rɛvɛleshɔn 10:4 Referans Kwoze

Daniɛl 12:4

Bɔt yu Daniɛl, nɔ tɔk natin ɛn lɔk di buk, te di tɛm we di ɛnd go kam. Bɔku go de rɔn ɔp ɛn dɔŋ ɛn pipul go gɛt plɛnti sɛns.

Daniɛl 8:26

Di vishɔn we yu si ivin ɛn mɔnin we yu dɔn no di minin naw, na tru tru tin; bɔt kip di vishɔn sikrit bikɔs i nɔ go bi jis nɔ.”

Daniɛl 12:9

Nain i se, “Daniɛl, go usay yu de go, bikɔs dɛn dɔn kɔba ɛn lɔk tayt ɔl wetin dɛn se, te di tɛm kam we di wɔl go dɔn.

Rɛvɛleshɔn 22:10

I tɛl mi igen se, “Yu nɔ fɔ kip dɛn wɔd ya we Gɔd tɔk, we rayt na dis buk to yusɛf mek pipul nɔ no dɛn, bikɔs di tɛm we dɛn go bi nɔ fa igen.

Ditarɔnɔmi 29:29

Mozis tɛl di Izrɛlayt dɛn se, tin dɛn de we PAPA GƆD kip as sikrit, bɔt di tin we i want lɛ dɛn no, i dɔn mek dɛn ɛn dɛn pikin dɛn no dɛm sote go, so dat dɛn ɔl go du wetin dis lɔ se.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Ayzaya 29:11

Ɛn di vishɔn bɔt ɔl dis tan to una lɛk di wɔd dɛm na buk we lɔk. We pipul dɛn gi am to pɔsin we sabi rid se, “Rid dis,” i go se, “A nɔ go ebul bikɔs i lɔk”

Ayzaya 8:16

Tay ɛn kip di mɛsej, ɛn tich mi lanin bɔy dɛn fɔ kip tayt wan na dɛn at.

Ayzaya 8:1

Nain PAPA GƆD tɛl mi se, “Tek wan tablɛt ɛn rayt di laŋwej we ɔlman no. “Dis blant, Maa-shalal-ashbaz.”

Rɛvɛleshɔn 1:19

Rayt ɔl dɛn tin ya we yu dɔn si na buk dɛn tin we de bi naw ɛn dɛn tin we go bi bambay.

Rɛvɛleshɔn 10:8

Dɛn di vɔys, we a yɛri, we kɔmɔt ɛvin, tɔk to mi bak se, “Go tek di pepa we dɛn kɔl skrol, we dɔn opin, we di enjɛl we tinap pan di dray grɔn ɛn di wata, ol.”