Rɛvɛleshɔn 10:11 - Krio Fɔs Oli Baybul

¹¹ Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”

Rɛvɛleshɔn 10:11 Referans Kwoze

Izikɛl 37:4

Igen, PAPA GƆD se to mi, “Prɔfisay pan dɛn bon ya, ɛn tɛl dɛn se, Una dɛn dray bon dɛm ya, una yɛri PAPA GƆD in wɔd.

Rɛvɛleshɔn 17:15

Di enjɛl tɛl mi igen se, “Dɛn wata we yu si di uman we liv fri layf sidɔm pan, na ɔl dɛn difrɛn difrɛn kɔntri, ɛn ɔl dɛn difrɛn difrɛn pipul, wayt ɛn blak, we de tɔk ɔl dɛn difrɛn difrɛn laŋwej.

Rɛvɛleshɔn 14:6

Dɛn a si wan ɔda enjɛl de flay ɔp ɔp, i bin de tɛl pipul di Gud Nyuz we go de sote go, dɛn pipul ya kɔmɔt na ɔl dɛn trayb, ɔl dɛn neshɔn ɛn dɛn de tɔk ɔl dɛn difrɛn laŋwej, blakman o, wetman o, ɔl de pan dɛn.

Rɛvɛleshɔn 11:9

Ɔl kayn pipul, blak o, wayt o, we kɔmɔt na ɔl dɛn neshɔn ɛn ɔl dɛn trayb na wɔl ɛn we de tɔk ɔl dɛn difrɛn laŋwej go tek tri ɛn af de, de pas de luk di dedebɔdi dɛn, ɛn dɛn nɔ go gri fɔ mek dɛn bɛr dɛn.

Izikɛl 37:9

Dɛn PAPA GƆD se to mi, “prɔfisay to di blo blo, prɔfisay mɔtalman ɛn se to di blo blo, na dis Papa Gɔd we na Gɔd se: Yu blo blo, kɔmɔt ɔlsay, ɛn kam blo pan dɛn wan ya we dɛn bin dɔn kil, so dat dɛn go gɛt layf.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Rɛvɛleshɔn 10:10

A tek di lili pepa we dɛn kɔl skrol na di enjɛl in an, ɛn it am; ɛn jɛs lɛkɛ aw di enjɛl bin se, i tes swit lɛkɛ ɔni na mi mɔt. Bɔt wɛn a dɔn swɛla am go dɔŋ, i sawa na mi bɛlɛ.

Rɛvɛleshɔn 11:1

Wɛn dat dɔn, dɛn gi mi wan tik we dɛn de tek fɔ mɛnshɔ, dɔn dɛn tɛl mi se, “Grap, go mɛnshɔ Gɔd in Os ɛn di tebul we dɛn de mek sakrifays to Gɔd, ɛn kɔnt di pipul dɛn we de prez Gɔd insay in Os.

Rɛvɛleshɔn 17:10

fayv pan dɛn kiŋ ya nɔ de rul igen, na wan nɔmɔ de rul te naw, ɛn di las wan nɔ kam yet; wɛn i kam, na shɔt tɛm nɔmɔ i go rul.

Rɛvɛleshɔn 17:12

“Di tɛn ɔn dɛn we yu si na tɛn kiŋ dɛn we nɔ bigin rul yet, bɔt dɛn go gi dɛn pawa fɔ rul lɛkɛ kiŋ wit di wayl bif fɔ wan awa.

Jɛrimaya 25:13

A go mek ɔltin we a bin dɔn se go bi to da land de, mit dɛm; ɔltin we rayt na dis buk, we Jɛrimaya bin dɔn prɔfisay se go bi to ɔl dɛn neshɔn.