Rɛvɛleshɔn 10:10 - Krio Fɔs Oli Baybul

¹⁰ A tek di lili pepa we dɛn kɔl skrol na di enjɛl in an, ɛn it am; ɛn jɛs lɛkɛ aw di enjɛl bin se, i tes swit lɛkɛ ɔni na mi mɔt. Bɔt wɛn a dɔn swɛla am go dɔŋ, i sawa na mi bɛlɛ.

Rɛvɛleshɔn 10:10 Referans Kwoze

Izikɛl 3:3

Nain i tɛl mi se, “Mɔtalman, it dis skrol we a de gi yu ɛn mek yu bɛlɛ ful wit am.” So a it am; ɛn i bin swit lɛk ɔni na mi mɔt.

Prɔvabs 16:24

Gud tɔk tan lɛkɛ ɔni we swit na mɔt ɛn gud fɔ di bɔdi.

Di Sam Dɛm 119:103

Yu lɔ dɛn swit fɔ lan, swit pas we pɔsin de lik ɔni.

Di Sam Dɛm 104:34

Lɛ i gladi wit wetin a de tink bɔt am, ɛnitɛm we a de prez am.

Di Sam Dɛm 19:10

If PAPA GƆD kɔt kes i kin klia so pas we yu klin gold infakt sɛf i kin tan lɛk we gold nɔ gɛt sansan; yu de ɛnjɔy am lɛk we yu de lik ɔni, di kayn ɔni we dɛn nɔ miks.

Izikɛl 3:14

Di spirit es mi ɔp ɛn tek mi kɔmɔt de, ɛn a go wit bita spirit ɛn wamat, ɛn PAPA GƆD in an bin de pan mi traŋa wan;

Izikɛl 2:10

ɛn i opin am bifo mi; ɛn dɛn rayt biɛn ɛn bifo, ɛn na sɔri sɔri tin dɛn, tin dɛn bɔt bɛrin ɛn swɛ.

Rɛvɛleshɔn 10:9

A go to di enjɛl go aks am mek i gi mi di lili pepa we dɛn kɔl skrol. I tɛl mi se, “Tek am, it am, i go sawa na yu bɛlɛ, bɔt i go swit lɛkɛ ɔni na yu mɔt.”

Rɛvɛleshɔn 10:11

Dɛn a yɛri pɔsin de tɛl mi se, “Yu fɔ tɔk Gɔd in mɛsej bɔt plɛnti neshɔn, plɛnti difrɛn pipul dɛn we de tɔk difrɛn difrɛn laŋwej, ɛn bɔt plɛnti kiŋ dɛn wan tɛm mɔ.”