Rɛvɛleshɔn 1:7 - Krio Fɔs Oli Baybul

⁷ A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Rɛvɛleshɔn 1:7 Referans Kwoze

Matyu 24:30

Dɛn ɔlman go si di sayn na di klawd we go sho se Mɔtalman Pikin de kam. Ɔlman na wɔl go kray we dɛn si Mɔtalman Pikin de kɔmɔt na klawd kam. I go kam wit pawa, ɛn brayt layt go de shayn rawnd am.

Zɛkaraya 12:10

I se in go gi Devid in os ɛn ɔl udat de na Jerusɛlɛm, sɔri-at fɔ de pre fɔ pipul so dat wɛn dɛn luk di wan we dɛn chuk, dɛn go sɔri fɔ am lɛk aw mama de sɔri fɔ in waŋren pikin, ɛn kray bita kray pan am lɛk aw mama de kray pan in fɔs pikin.

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Jɔn 19:37

Ɛn dɛn rayt ɔda say na Gɔd in Buk se, “Pipul go luk di pɔsin we dɛn chuk wit lɔŋ nɛf.”

Mak 14:62

Jizɔs se, “Yɛs, mi na di Mɛsaya. Una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Lyuk 21:27

Da tɛm de, ɔlman go si we Mɔtalman Pikin de kɔmɔt na klawd ɛn kam na wɔl wit pawa ɛn brayt brayt layt go de shayn rawnd am.

Fɔs Lɛta Fɔ Tɛsalonayka 4:17

afta dat, Gɔd go mek wi we nɔ go dɔn day yet ɛn dɛn wan we bin dɔn day, go ɔp na di klawd, ɛn wi ɔl go gɛda rawnd di Masta. So wi go de wit di Masta ɔltɛm.

Fɔs Lɛta Fɔ Tɛsalonayka 1:10

ɛn una de wet fɔ in Pikin we nem Jizɔs fɔ kɔmɔt ɛvin kam dɔŋ, in Pikin we i mek rayz frɔm di grev, ɛn we go mek Gɔd nɔ kɔndɛm mɔtalman lɛkɛ aw i bin fɔ du bikɔs i bin vɛks pan dɛn fɔ dɛn sin.

Mak 13:26

Da tɛm de, ɔlman na wɔl go si Mɔtalman Pikin de kɔmɔt na klawd kam dɔŋ wit pawa ɛn brayt brayt layt go de shayn rawnd am.

Jud In Lɛta 1:14

Na dɛn pipul ya, Inɔk, we de pan di nɔmba sɛvin jɛnareshɔn we bigin frɔm Adam, bin dɔn tɔk bɔt we i se: “A de tɛl una se di Masta de kam wit tawzin tawzin enjɛl dɛn we na Gɔd insɛf gi am

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Rɛvɛleshɔn 22:20

Di pɔsin we de sho se dɛn tin ya na tru, de se, “Fɔ tru, di tɛm nɔ fa igen. A go kam bak!” Emɛn. Masta Jizɔs, kam!

Di Sam Dɛm 22:16

Di mɔtalman dɛn we dɔn sɛt fɔ mi tan lɛkɛ we bad dɔg kech tifman. Dɛn dɔn chɛr chɛr mi an ɛn fut.

Jɔn In Fɔs Lɛta 3:2

Mi padi dɛn we a lɛk, wi na Gɔd in pikin dɛn naw; wi nɔ no yet wetin wi go bi bambay, bɔt wi no se wɛn Krays insɛf kam bak wi go tan lɛkɛ am, bikɔs da tɛm de wi go si aw i tan fɔ tru.

Di Sam Dɛm 97:2

Nɔbɔdi nɔ de si am; bɔt ɔlman no se wɛn i de rul, i de rul tret wan.

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Job 33:26

dɔn we mɔtalman de pre to PAPA GƆD, i de ansa am, dɛn go gladi fɔ wɔship PAPA GƆD. PAPA GƆD go fri mɔtalman wantɛm mɔ,

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Neum 1:3

PAPA GƆD na PAPA GƆD we pawaful i peshɛnt i kin mek shɔ se udat de du bad gɛt di pe we i de fɛt fɔ. Wi de si am insay di briz we de blo; di klawd dɛn na di dɔti we in fut de mek.

Jɔn 19:34

Wan pan di soja man dɛn tek lɔŋ nɛf ɛn chuk Jizɔs in sayd, blɔd ɛn wata bɔs kɔmɔt de wantɛm.

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Di Sam Dɛm 68:1

Lɛ PAPA GƆD grap fɔ fɛt fɔ wi, ɛn lɛ wi ɛnimi we na PAPA GƆD insɛf yon ɛnimi dɛn rɔnawe; lɛ ɔl udat nɔ lɛk in biznɛs rɔnawe pan am.

Di Jɔj Dɛm 5:31

PAPA GƆD, na so ɔl yu ɛnimi dɛn fɔ day, bɔt di wan dɛn we lɛk yu fɔ jɛs de shayn lɛk di san we i de kɔmɔt na mɔnin. Apat dat, Izrɛl bin gɛt kolat fɔ fɔti ia.

Rɛvɛleshɔn 22:4

Dɛn go si Gɔd in fes, ɛn in nem go de pan dɛn fɔrɛd.

Di Ibru Pipul Dɛn 6:6

If pipul dɔn no ɔl dat, dɔn dɛn stil tɔn dɛn bak pan Gɔd, natin nɔ go briŋ dɛn kam bak to Gɔd ɛn mek dɛn lɛf dɛn bad tin we dɛn de du, igen, bikɔs dɛn de nel Gɔd in Pikin na di krɔs wan tɛm mɔ ɛn laf am bifo ɔlman.

Zɛkaraya 12:11

Da de de, di kray we go de na Jerusɛlɛm go so bɔku lɛk we dɛn kin de kray fɔ Adad Rimɔn na di flat grɔn na Mɛgido.

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Matyu 16:28

A de tɛl una se, sɔm pan di wan dɛn we tinap ya naw nɔ go day sote dɛn dɔn si Mɔtalman Pikin kam rul ɔl di wɔl.”

Matyu 25:31

“Di tɛm we Mɔtalman Pikin go kam lɛkɛ Kiŋ wit ɔl Gɔd in enjɛl dɛn, i go sidɔm nain wɔndaful chia fɔ jɔj ɔlman.