Rɛvɛleshɔn 1:5 - Krio Fɔs Oli Baybul

⁵ mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Rɛvɛleshɔn 1:5 Referans Kwoze

Di Sam Dɛm 89:27

I se, in PAPA GƆD, go trit Devid lɛk in fɔs-bɔy-pikin we gɛt ɔlkayn rayt, i go mek am fɔ pas ɔl dɛn ɔda kiŋ na dis wɔl.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Lɛta Fɔ Kɔlɔse 1:18

Krays na di ed pan di bɔdi, we na di chɔch; nain de gi di bɔdi layf. Krays na Gɔd in fɔs Pikin we Gɔd mek rayz frɔm di grev, so dat in wangren go de oba ɔltin ɛn ɔlman.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

Apɔsul Dɛn Wok 26:23

Dɛn bin se di Mɛsaya fɔ day ɛn i go bi di fɔs pɔsin we go rayz frɔm di grev fɔ tɛl dɛn Ju pipul dɛn ɛn dɛn pipul we nɔto Ju aw dɛn go sev, ɛn di sev we dɛn go sev tan lɛkɛ layt to dɛn.”

Rɛvɛleshɔn 19:16

Wan nem bin rayt pan in klos ɛn pan in lɛg, dat na “Kiŋ we de rul oba ɔl dɛn kiŋ, ɛn Masta oba ɔl dɛn masta.”

Jɔn In Fɔs Lɛta 4:10

Wetin na lɛk? Nain dis: Nɔto fɔ se wi lɛk Gɔd, bɔt in lɛk wi ɛn i sɛn in Pikin kam na wɔl fɔ sakrifays insɛf fɔ wi mek i go padin wi sin dɛn.

Jɔn 18:37

Paylet aks am se, “Wɛl, yu na Kiŋ?” Jizɔs se, “Na yu se mi na Kiŋ. A bɔn kam na wɔl fɔ tɔk wetin tru. Ɛnibɔdi we lɛk wetin tru de yɛri mi wɔd.”

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Di Sam Dɛm 72:11

Dɛn ɔl ɛn dɛn pipul na di wanol wɔl go kam baw to di Kiŋ ɛn rɛdi fɔ du wetin i want.

Fɔs Lɛta To Timoti 6:15

Gɔd we na di wangren Rula we gɛt prez, di Kiŋ fɔ ɔl dɛn kiŋ, di Masta fɔ ɔl dɛn masta go mek pipul si Krays wɛn di rayt tɛm rich.

Lɛta Fɔ Ɛfisɔs 2:4

Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Lɛta Fɔ Ɛfisɔs 5:2

Una fɔ gɛt lɛk na una at, jɛs lɛkɛ aw Krays lɛk wi, dɔn i gi in layf lɛkɛ sakrifays we gɛt swit sɛnt we mek Gɔd satisfay.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Daniɛl 7:14

Ɛn dɛn bin gi di mɔtalman pawa ɛn gud nem ɛn kindɔm, so dat ɔl kayn pipul, neshɔn ɛn dɛn wan we de tɔk difrɛn difrɛn laŋwej fɔ wok fɔ am; in pawa na pawa we go de sote go, i nɔ go ɛva dɔn, ɛn in kindɔm na wan kindɔm we nɔ go fɔdɔm.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Ayzaya 55:4

A dɔn mek am witnɛs to di difrɛn difrɛn pipul dɛn, ɛn di lida ɛn kɔmanda fɔ di pipul dɛm.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Fɔs Lɛta To Timoti 6:13

Bifo Gɔd we de gi ɔltin na layf, ɛn bifo Jizɔs Krays we nɔ fred fɔ tɔk bɔt insɛf bifo da gɔvna we dɛn kɔl Pɔnchɔs Paylet, a de tɛl yu dɛn tin ya:

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Jɔn 15:9

A lɛk una lɛkɛ aw mi Papa lɛk mi. Una fɔ de wit mi ɔltɛm, so dat una go stil de ɛnjɔy ɔl di gud tin dɛn we a de du fɔ una bikɔs a lɛk una.

Jɔn 13:1

Di de bifo di Pasova ɔlide bigin, Jizɔs bin no se di tɛm dɔn rich fɔ mek i kɔmɔt na dis wɔl ɛn go to in Papa. Frɔm tɛm, Jizɔs bin dɔn lɛk di pipul dɛn na wɔl we biliv pan am, ɛn i sho dɛn se di lɛk we i lɛk dɛn go de sote go.

Ditarɔnɔmi 7:8

Bɔt PAPA GƆD lɛk dɛn ɛn de kip in prɔmis we i bin dɔn prɔmis dɛn fɔstɛm-papa dɛn se i go pul dɛn kɔmɔt slevri na Ijipt dɛn kiŋ in an, ɛn dɛn go bi in yon pipul dɛn sote go.

Lɛta Fɔ Rom 8:37

Bɔt insay ɔl dɛn tin ya, we de bi to wi, di wan we lɛk wi de mek wi ebul win ɔltɛm.

Jɔn 13:34

Ɛn naw a de gi una nyu lɔ we se: Una fɔ lɛk una kɔmpin. Una fɔ lɛk dɛn lɛkɛ aw a lɛk una.

Jɔn 3:32

Di wan we kɔmɔt ɛvin de tɔk bɔt wetin i dɔn si ɛn yɛri; pan ɔl dat nɔbɔdi nɔ de put at pan wetin i de tɔk.

Jɔn 3:11

A de tɛl yu se, na wetin wi no, wi de tɛl una bɔt, na wetin wi dɔn si, wi de tɛl una bɔt, bɔt pan ɔl dat, una nɔn nɔ gri biliv wetin wi de tɛl una.

Ditarɔnɔmi 23:5

PAPA GƆD we na dɛn PAPA GƆD bin lɛk dɛn so i nɔ bin lisin to Belam, bifo dat, PAPA GƆD we na dɛn PAPA GƆD bin tɔn di swɛ to blɛsin.

Daniɛl 2:2

Nain di kiŋ sɛn kɔl ɔl di magikman dɛm, di luk grɔn man dɛm, di mɛrɛsin man dɛm ɛn di Babilonian dɛm, fɔ tɛl in di kiŋ di drim dɛm. So dɛn ɔl bin kam tinap bifo di kiŋ.

Di Sam Dɛm 51:2

Was mi sin kɔmɔt pan mi lɛk aw pɔsin de was dɔti kɔmɔt na plet, ɛn mek mi klin.

Prɔvabs 14:5

Tru witnɛs pan kes nɔ de lay, bɔt di wan we nɔ de tɔk tru na layman.

Matyu 20:28

una fɔ tan lɛkɛ Mɔtalman Pikin, we nɔ kam fɔ mek mɔtalman bi in savant, bɔt i kam fɔ bi dɛn savant ɛn fɔ gi in layf fɔ sev plɛnti plɛnti pipul.”

Jɔn 3:16

Gɔd so lɛk mɔtalman dat i gi in wangren Pikin we i lɛk; so dat ɛnibɔdi we biliv pan am nɔ go day, bɔt i go gɛt layf we go de sote go.

Lɛta Fɔ Rom 3:25

Gɔd sakrifays Jizɔs Krays fɔ padin mɔtalman sin bay di day we Jizɔs Krays day, ɛn if mɔtalman biliv pan am. Gɔd du dat fɔ sho se in de du rayt ɔltɛm. Fɔs tɛm, i bin de bia wit mɔtalman ɛn i nɔ bin de pɔnish dɛn fɔ ɛni bad we dɛn du;

Di Ibru Pipul Dɛn 10:29

Una fɔ no se, da pɔsin we nɔ tek in Pikin mek ɛnitin, Gɔd go mɔs pɔnish am traŋa wan; da pɔsin de de se Krays in blɔd we Gɔd tek mek agrimɛnt wit mɔtalman fɔ mek mɔtalman bi in yon, nɔ gɛt pawa; ɛn i fityay Gɔd in Spirit we briŋ blɛsin kam.

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.

Rɛvɛleshɔn 11:3

A go sɛn tu pipul we go tɔk bɔt mi, dɛn go wɛr di kayn klos we pipul kin wɛr wɛn dɛn gɛt bɛrin, ɛn fɔ wan tawzin, tu ɔndrɛd ɛn siksti de, dɛn go tɛl pipul di mɛsej we Gɔd gi dɛn.”

Rɛvɛleshɔn 19:11

Wɛn dat dɔn, na de a si wan domɔt na ɛvin opin, a si wan wayt ɔs tinap de, di pɔsin we bin de rayd am bin nem “Di wan we fit fɔ trɔs ɛn di wan we de tɔk tru”. I de jɔj tret ɔltɛm, ɛn wɛn i de fɛt sɛf na wa, i tret.

Lɛvitikɔs 13:58

Ɛniwe, if we pɔsin was di wul ɔ linin matirial, ɛn di lɛda, di miliju lɔs, na fɔ was am bak di sɛkɛn tɛm, ɛn da tɛm de, di pɔsin klin na PAPA GƆD yay.

Ditarɔnɔmi 18:2

Dɛm nɔ go gɛt nɔn pat pan di prɔpati lɛkɛ we di ɔda fambul dɛn gɛt, bikɔs PAPA GƆD dɔn mek dɛn in wokman, ɛn i bin dɔn prɔmis dɛn se in go kia fɔ dɛn.