Rɛvɛleshɔn 1:4 - Krio Fɔs Oli Baybul

⁴ Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Rɛvɛleshɔn 1:4 Referans Kwoze

Ayzaya 11:2

Ɛn PAPA GƆD in Spirit go sidɔm pan am, di spirit fɔ sɛns ɛn fɔ ɔndastand, di spirit fɔ gi advays ɛn fɔ pawa, di spirit fɔ sabi tin ɛn fɔ fred PAPA GƆD.

Di Sam Dɛm 90:2

Bifo yu mek di mawnten dɛn ɛn infakt sɛf bifo yu mek di wɔl, yu bin dɔn bi di PAPA GƆD we wi de wɔship, ɛn yu go stil bi wi PAPA GƆD sote go.

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Jɔn 1:1

Bifo Gɔd mek di wɔl, di wan we dɛn kɔl di Wɔd bin dɔn de, i bin de wit Gɔd, in ɛn Gɔd na wan.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Jems 1:17

Na Gɔd nɔmɔ de gi wi ɔl dɛn tin we gud ɛn we mek wi nɔ want ɛnitin mɔ. Na Gɔd mek di san, di mun ɛn di sta dɛn. Gɔd nɔ de chenj, i nɔ de lɛf wi na dak afta i dɔn mek layt shayn pan wi.

Zɛkaraya 4:10

Nain di enjɛl se di sɛvin lamp dɛn na di sɛvin yay we PAPA GƆD de yuz fɔ luk ɔl wetin de bi na wɔl.

Ayzaya 41:4

Na udat dɔn wok ɛn du dis kayn tin, de kɔl di jɛnareshɔn dɛn nem frɔm di biginin? Na mi, PAPA GƆD we na di fɔs, ɛn di las; na mi na Im.

Ɛksodɔs 3:14

PAPA GƆD ansa am se, “NA MI NA UDAT A BI.” Na dat yu fɔ tɛl di Izrɛlayt dɛn. Se na NA MI sɛn yu to dɛn.”

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Zɛkaraya 3:9

I se na pan di ston we i go put bifo Jɔshwa nain i go gi sɛvin fes we i go tek luk am; PAPA GƆD se in go mek mak pan am dɔn i go pul ɔl di sin kɔmɔt na di land insay wande.

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

2 Kɔrint 1:2

Mek Gɔd we na wi Papa ɛn Masta Jizɔs Krays sho una aw i gud ɛn mek i gi una kol at.

1 Kɔrint 1:3

Mek Gɔd, we na wi Papa, ɛn Masta Jizɔs Krays sho una aw i gud ɛn gi una kol at.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Apɔsul Dɛn Wok 19:10

I tek tu ia de ɛn dat mek di pipul dɛn na Eshya, di Ju pipul dɛn, ɛn dɛn pipul we nɔto bin Ju yɛri di Masta in mɛsej.

Zɛkaraya 6:5

Di enjɛl se, dɛn na lɛk di fo kayn briz we de na wɔl. Dɛn bin de wit PAPA GƆD ɛn naw dɛn de go du wetin PAPA GƆD se dɛn fɔ du.

Apɔsul Dɛn Wok 2:9

Sɔm pan wi kɔmɔt Patia, Mɛdia, Ilam, Mɛsopotemia, Judia, Kapadoshia, Pɔnchɔs, ɛn Eshya.

Rɛvɛleshɔn 1:9

Mi we de rayt dis buk na Jɔn, una brɔda, we wi ɔl de fala Jizɔs. Wi ɔl tinap traŋa pan ɔl di sɔfa we wi de sɔfa bikɔs wi tek Jizɔs Krays fɔ wi Kiŋ. Dɛn bin kɛr mi go lɛf mi na wan ples we dɛn kɔl Patmɔs we de midul wata, bikɔs a bin de tɛl pipul di mɛsej we Gɔd sɛn, we Jizɔs insɛf se na tru.

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Rɛvɛleshɔn 8:2

Na de a si di sɛvin enjɛl dɛn we tinap bifo Gɔd. Sɔmbɔdi kam gi dɛn sɛvin trɔmpɛt.

Rɛvɛleshɔn 16:5

A yɛri di enjɛl we bin de gyad di wata de tɔk se, “Yu we na yu wangren na Gɔd, yu we bin de frɔm tɛm ɛn we de naw, di we we yu de jɔj ɔltin, tret!

Rɛvɛleshɔn 22:8

Mi Jɔn, dɔn yɛri ɔl dɛn tin ya ɛn a dɔn si dɛn wit mi yay. Di tɛm we a yɛri ɛn si dɛn, a fɔdɔm na di enjɛl in fut we sho mi dɛn tin ya, fɔ pre to am.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”