Rɛvɛleshɔn 1:20 - Krio Fɔs Oli Baybul

²⁰ A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Rɛvɛleshɔn 1:20 Referans Kwoze

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Rɛvɛleshɔn 1:16

I bin ol sɛvin sta dɛn nain raytan; sɔd we shap tu say bin kɔmɔt nain mɔt; in fes bin de shayn lɛkɛ aw san de shayn twɛlv oklɔk santɛm.

Zɛkaraya 4:2

Di enjɛl aks am wetin i si. Zɛkaraya tɛl am se i si wan lampstand we dɛn tek gold mek dɔn i gɛt wan bolpantap am ɛn ɔda sɛvin lamp we gɛt sɛvin ples fɔ put wik pantap dɛn.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Lyuk 8:10

Jizɔs ansa dɛn se, “Gɔd dɔn gi una di chans fɔ no dɛn sikrit tin bɔt Gɔd in rul, bɔt fɔ dɛn ɔda pipul na parebul a de pul, so dat dɛn go luk bɔt dɛn nɔ go si; dɛn go yɛri, bɔt dɛn nɔ go ɔndastand.

Matyu 13:11

Jizɔs ansa dɛn se, “Gɔd dɔn gi una di chans fɔ no di sikrit tin we ɔda pipul nɔ no bɔt in rul.

Malakay 2:7

PAPA GƆD Ɔlmayti se, man we de mek sakrifays fɔ pipul sin fɔ de tɔk tin we go gi pipul sɛns, ɛn pipul fɔ de go to am fɔ advays.

Ɛksodɔs 25:37

Mek sɛvin lamp fɔ di stand ɛn put dɛn pantap am fɔ lɛ dɛn go de sho layt bifo.

Ɛksodɔs 37:23

I mek sɛvin lamp fɔ di stand fɔ put di lamp, dɔn i mek di sizɔs fɔ trim di wik, dɔn i yuz piɔ gold mek di tre dɛn fɔ put wik.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Rɛvɛleshɔn 2:5

so una mɛmba di we we una bin lɛk mi bifo una tap, ɛn una bigin fɔ lɛk mi bak lɛkɛ aw una bin lɛk mi di fɔs tɛm we una bigin waka wit mi. If una nɔ gri fɔ sɔri fɔ wetin una du so ɛn chenj, a go kam mit una, a go pul una lampolda kɔmɔt di say we i de;

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

Rɛvɛleshɔn 17:7

Di enjɛl aks mi se, “Wetin du yu de wɔnda?” I se, “A go tɛl yu wetin di uman ɛn di wayl bif we tot am, we gɛt sɛvin ed ɛn tɛn ɔn, min.