Rɛvɛleshɔn 1:18 - Krio Fɔs Oli Baybul

¹⁸ Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Rɛvɛleshɔn 1:18 Referans Kwoze

Lɛta Fɔ Rom 6:9

Wi no se Gɔd dɔn mek Jizɔs Krays rayz frɔm di grev, ɛn i nɔ go day igen; day nɔ gɛt pawa oba am igen.

Di Ibru Pipul Dɛn 7:25

Na dat mek Jizɔs gɛt pawa ɔltɛm fɔ sev dɛn pipul we de kam to Gɔd tru am. Bikɔs i gɛt layf we go de sote go, i de pre bifo Gɔd ɔltɛm fɔ dɛn.

Di Sam Dɛm 68:20

Wi PAPA GƆD na PAPA GƆD we de sev pipul. Na PAPA GƆD. Na dis wɔndaful PAPA GƆD nɔmɔ kin mek pɔsin nɔ day we waala mit am.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Ayzaya 22:22

A go put di ki fɔ Devid in os nain an; i go opin, ɛn nɔbɔdi nɔ go lɔk; i go lɔk, ɛn nɔbɔdi nɔ go opin.

Di Ibru Pipul Dɛn 12:2

Una lɛ wi luk ɔp to Jizɔs ɔltɛm bikɔs nain de mek wi biliv Gɔd, ɛn ɛp wi fɔ biliv am sote go. I bin dɔn gri lɔntɛm fɔ day na di krɔs, i nɔ tek di shem mek natin, fɔseka di jɔy we Gɔd kip fɔ am. So, i sidɔm naw na Gɔd in raytan, klos di chia we Gɔd sidɔm de rul.

Matyu 16:19

A go gi yu di ki dɛn fɔ di ples we Gɔd de rul. Ɛni tin we yu nɔ gri fɔ na dis wɔl, Gɔd nɔ go gri fɔ am na ɛvin; ɛnitin we yu gri fɔ na dis wɔl, Gɔd go gri fɔ am na ɛvin.”

Rɛvɛleshɔn 20:14

Dɛn sɔmbɔdi tek day ɛn di ples we dɛn dayman de, ib dɛn na da wata we faya de kech. (Di tɔmɛnt we pɔsin go tɔmɛnt sote go na di wata we faya de kech, nain na di sɛkɛn day.)

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Lɛta Fɔ Galeshya 2:20

Pan ɔl we a gɛt layf, nɔto mi gɛt di layf we de insay mi igen, na Krays gɛt mi layf. Na we a biliv pan Gɔd in Pikin mek a gɛt di layf we a gɛt naw. Gɔd in Pikin so lɛk mi dat i sakrifays in layf fɔseka mi.

Rɛvɛleshɔn 4:9

Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,

Di Ibru Pipul Dɛn 7:16

Nɔto fɔseka di lɔ ɛn wetin mɔtalman de du mek i bi man we de mek sakrifays fɔ pipul sin, na bikɔs i gɛt pawa fɔ de sote go.

2 Kɔrint 13:4

I nɔ sho in pawa wɛn dɛn bin mek i day na di krɔs, bɔt Gɔd in pawa mek i gɛt layf. Bikɔs wi gɛt wanwɔd wit Krays, i tan lɛkɛ se wisɛf nɔ gɛt pawa, bɔt wi ebul wok wit una, bikɔs wi de waka wit Krays bay di pawa we Gɔd de gi wi.

Job 19:25

Bikɔs a no se di wan we go pe fɔ mi, de; i nɔ day, a no se di de go kam we i go tinap fɔ mi na dis wɔl;

Rɛvɛleshɔn 9:1

Di enjɛl we mek fayv, blo in trɔmpɛt. Na de a si wan sta we bin dɔn fɔdɔm kɔmɔt na ɛvin kam pan di wɔl; dɛn bin gi am di ki fɔ tek opin di domɔt fɔ go insay di dip ol we nɔ gɛt bɔtɔm.

Jɔn 14:19

I nɔ go te igen, di pipul dɛn na wɔl nɔ go si mi igen, bɔt una go si mi; ɛn bikɔs a gɛt layf, unasɛf go gɛt di tru layf.

Lɛta Fɔ Kɔlɔse 3:3

Wɛn i kam pan dis wɔl yon biznɛs, una dɔn day, ɛn di tru layf we Gɔd dɔn gi una ayd insay Krays bikɔs una de waka klos Gɔd.

Di Sam Dɛm 18:46

PAPA GƆD de! Lɛ wi prez am! Lɛ we prez di PAPA GƆD we sev mi!

Rɛvɛleshɔn 5:14

Di fo tin dɛn we gɛt layf ansa se, “Emɛn!” Dɔn di twɛnti-fo bigman dɛn ledɔm flat na grɔn ɛn prez di wan we sidɔm pan di ay chia we kiŋ kin sidɔm ɛn di Ship.

1 Samiɛl 2:6

Na PAPA GƆD de gi layf, nain de tek layf; Nain de mek yu day ɛn nain de mek sik nɔ kil yu.

Job 38:17

Ɛnibɔdi dɔn sho yu di domɔt fɔ go usay dayman dɛn de, ɔ di dak domɔt fɔ go usay dayman de wet jɔjmɛnt?

Matyu 11:23

Ɛn una we de na Kepanyɔm, wetindu una fil se una gɛt pawa pas ɔl di ɔda tɔŋ dɛn? Gɔd go sɛn una ɔl go ɛl! If a bin du dɛn wɔndaful wok we a du na una ples, na Sɔdɔm, dɛn wok de bin fɔ de sote tide.

Lyuk 24:5

Dɛn fred ɛn butu dɛn fes na grɔn. Di man dɛn aks dɛn se, “Wetin mek una de luk fɔ pɔsin we gɛt layf pan dɛn wan we dɔn day?

Jɔn 11:25

Jizɔs se, “Na mi de mek pipul rayz frɔm dɛn grev ɛn na mi de gi dɛn layf. Ɛnibɔdi we biliv pan mi, go stil gɛt layf, i lɛk sɛf i dɔn day,

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!

Rɛvɛleshɔn 15:7

Dɛn wan pan di fo tin dɛn we gɛt layf gi di sɛvin enjɛl dɛn sɛvin gold kɔp; di pɔnish we Gɔd, we de sote go, go pɔnish di wɔl, nain bin ful insay di sɛvin kɔp dɛn.

Rɛvɛleshɔn 20:13

Ɔl dɛn wan we bin dɔn day na wata kɔmɔt na di wata kam ɔp; ɔl dɛn wan we bin dɔn day we bin de na grev, rayz; di wan we bin sidɔm na di chia we kiŋ kin sidɔm, jɔj dɛn ɔl bay di wok we dɛn bin du na wɔl.