Rɛvɛleshɔn 1:17 - Krio Fɔs Oli Baybul

¹⁷ Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Rɛvɛleshɔn 1:17 Referans Kwoze

Ayzaya 44:6

Na dis PAPA GƆD we na kiŋ na Izrɛl ɛn di wan we de sev dɛn, we nain na PAPA GƆD Ɔlmayti, se: “Na mi na di fɔs ɛn na mi na di las; apat frɔm mi nɔn ɔda gɔd nɔ de.

Rɛvɛleshɔn 22:13

Mi na Alfa ɛn Omɛga, di fɔs pɔsin ɛn di las wan; na mi bigin ɔltin ɛn na mi go dɔn ɔltin.”

Ayzaya 41:4

Na udat dɔn wok ɛn du dis kayn tin, de kɔl di jɛnareshɔn dɛn nem frɔm di biginin? Na mi, PAPA GƆD we na di fɔs, ɛn di las; na mi na Im.

Ayzaya 48:12

“Lisin mi, yu Jekɔb, ɛn yu Izrɛl we a dɔn kɔl! Na Mi na Im, na Mi na di fɔs, ɛn na mi na di las.

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Izikɛl 1:28

Di braytnɛs we bin de rawnd am bin tan lɛk rembo we kin de na di klawd we ren kɔt. Na so i fiba lɛk we PAPA GƆD in glori kin apia. We a si am, a butu na grɔn, ɛn a yɛri vɔys de tɔk.

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Daniɛl 10:15

We i bin dɔn tɛl mi dɛn tin ya dɔn, a butu mi fes na grɔn ɛn nɔ bin ebul tɔk.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Matyu 28:4

Di soja dɛn we bin de gyad di grev trimbul bikɔs dɛn fred ɛn dɛn fɔdɔm lɛkɛ dayman.

Daniɛl 10:12

Nain i tɛl mi se, “Daniɛl, nɔ fred, bikɔs frɔm di fɔs de we yu bin dɔn mek ɔp yu maynd fɔ ɔndastand ɛn put yusɛf dɔŋ bifo PAPA GƆD, dɛn bin dɔn yɛri wetin yu bin de se, ɛn a kam to yu bikɔs ɔf wetin yu bin de se.

Ɛksodɔs 20:20

Mozis tɛl di pipul dɛn se lɛ dɛn nɔ fred. I se PAPA GƆD jɛs kam dɔŋ fɔ tɛst dɛn fɔ lɛ dɛn go de obe ɛn fred am fɔ lɛ dɛn nɔ go du bad.

Ɛksodɔs 14:13

Mozis tɛl di pipul dɛn se lɛ dɛn nɔ fred dɛn go si PAPA GƆD in wɔnda. I se di Ijipshian we dɛn de si so dɛn nɔ go dɛn igen

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Jɔn 21:20

Pita tɔn rawnd ɛn si di lanin bɔy we Jizɔs lɛk biɛn am. Na da lanin bɔy de bin sidɔm klos Jizɔs wɛn dɛn bin de it, ɛn nain bin aks Jizɔs se, “Masta, udat go sɛl yu?”

Jɔn 13:23

Wan pan di lanin bɔy dɛn we Jizɔs lɛk bad bin sidɔm klos Jizɔs.

Abakɔk 3:16

Wɛn a yɛri bɔt ɔl wetin yu du, mi bɔdi trimbul; a fred te a bɛt mi siti mi bɔdi ɔl brok wit fred, dat mek, a nɔ sabi waka igen a de sidɔm saful wet fɔ di de we trɔbul go mit dɛn wan we de ambɔg wi.

Ɛksodɔs 3:6

I se, “Mi na di PAPA GƆD we yu fɔstɛm-papa dɛn we na Ebraam, Ayzak ɛn Jekɔb, bin de wɔship.” We Mozis yɛri dis, i tek in an kɔba in fes bikɔs i bin de fred fɔ luk PAPA GƆD.

Matyu 14:27

Jizɔs tɔk to dɛn wantɛm. I se, “Una nɔ fred, una nɔ wɔri, na mi dis!”

Matyu 28:5

Di enjɛl tɛl di uman dɛn se, “Una nɔ fred, a no se una de luk fɔ Jizɔs we dɛn bin nel pan di krɔs.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Di Sam Dɛm 139:5

Yu de rawnd mi; ɛn na yu de kɔba mi.

Lamɛnteshɔn 3:57

‘Yu bin kam nia mi we a kɔl yu; yu bin se, ‘Nɔ fred!’