Rɛvɛleshɔn 1:16 - Krio Fɔs Oli Baybul

¹⁶ I bin ol sɛvin sta dɛn nain raytan; sɔd we shap tu say bin kɔmɔt nain mɔt; in fes bin de shayn lɛkɛ aw san de shayn twɛlv oklɔk santɛm.

Rɛvɛleshɔn 1:16 Referans Kwoze

Di Ibru Pipul Dɛn 4:12

Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.

Rɛvɛleshɔn 2:16

So una fɔ lɛf fɔ du dɛn bad tin ya, if nɔ so, i nɔ go te igen, a go kam mit una, a go tek dis sɔd we de na mi mɔt fɛt di pipul dɛn we de du dɛn bad tin ya.

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Lɛta Fɔ Ɛfisɔs 6:17

Una fɔ mek di sev we Gɔd dɔn sev una, bi di kyap we una go wɛr na una ed; ɛn una fɔ yus di sɔd we di Spirit gi una, dat na Gɔd in wɔd.

Ayzaya 49:2

I mek mi mɔt lɛk shap sɔd, na ɔnda in an in shado i bin ayd mi; i mek mi lɛk aro we dɛn pɔlish, ɛn ayd mi insay di bag we i de kip aro.

Rɛvɛleshɔn 19:21

Dɔn, di sɔd we di pɔsin we bin de rayd di ɔs bin gɛt, nain mɔt, dɛn tek am kil ɔl di ɔda soja man dɛn; dɛn, ɔl dɛn bɔd dɛn kam it dɛn bɔdi; dɛn it te dɛn bɛlful pasmak.

Matyu 17:2

Aw dɛn de luk, nain Jizɔs chenj na dɛn yay, in fes bigin shayn lɛkɛ di san, ɛn in klos bin wayt lɛkɛ brayt layt.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Apɔsul Dɛn Wok 26:13

Kiŋ Agripa, wan santɛm, a bin de na rod de go Damaskɔs wɛn wan brayt layt shayn pan wi. Dis layt ya bin kɔmɔt ɔp klawd ɛn i bin brayt pas san.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Rɛvɛleshɔn 12:1

Dɛn a si wan wɔndaful tin ɔp na di klawd. Wan uman bin de we di san kɔba lɛkɛ klos, di mun bin de ɔnda in fut, i bin wɛr krawn, we dɛn tek twɛlv sta mek, nain ed.

Rɛvɛleshɔn 10:1

Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.

Daniɛl 12:3

Ɛn di wan dɛn we gɛt sɛns, go shayn lɛk aw di skay kin shayn brayt wan, Di wan dɛn we sho bɔku pipul aw fɔ waka di rayt we, go shayn lɛk di sta dɛn, sote go.

Job 38:7

we di mɔnin sta dɛn bin de siŋ togɛda, ɛn ɔl PAPA GƆD in pikin dɛn bin de ala wit gladi?

Daniɛl 8:10

I gro big big wan, te rich ɛvin; i trowe sɔm pan di sta dɛn na grɔn ɛn mas mas dɛn.

Ayzaya 24:23

Di mun go sɔprayz, ɛn di san go shem; bikɔs PAPA GƆD Ɔlmayti go ren na Mawnt Zayɔn ɛn insay Jerusɛlɛm ɛn na frɔnt di bigman dɛn i go sho in pawa.

Ayzaya 11:4

Bɔt na bay wetin rayt na PAPA GƆD in yay, i go jɔj di po man, ɛn go disayd di sem we fɔ kwayɛt pipul na wɔl, ɛn i go pɔnish di wɔl wit traŋa wɔd dɛn we i de tɔk, ɛn na di briz we de kɔmɔt nain mɔt i go tek kil wikɛd pipul.

Di Jɔj Dɛm 5:31

PAPA GƆD, na so ɔl yu ɛnimi dɛn fɔ day, bɔt di wan dɛn we lɛk yu fɔ jɛs de shayn lɛk di san we i de kɔmɔt na mɔnin. Apat dat, Izrɛl bin gɛt kolat fɔ fɔti ia.

Di Sam Dɛm 45:3

Yu na kiŋ, nɔ fɔgɛt fɔ ol yu wɛpɔn; bikɔs nain de sho se yu na tɔf man.

Sɔlɔmɔn In Siŋ Dɛm 6:10

“Udat dis we de shayn lɛk do klin, fayn lɛk mun, de shayn lɛk san, fiaful lɛk ami we de mach wit bana.

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Di Jɔj Dɛm 3:16

So Eud mek wan sɔd we shap tu say, fɔ insɛf. Di sɔd na bin fifti sɛntimita or twɛnti inchis lɔŋ. I tay am nain rayt lɛg ɛn kɔba an wit in klos.