Rɛvɛleshɔn 1:15 - Krio Fɔs Oli Baybul

¹⁵ in fut bin de shayn lɛkɛ bras we dɛn bɔn na faya, dɔn dɛn shayn am; wɛn i tɔk, in vɔys big lɛkɛ dɛn big wata we de fɔdɔm kɔmɔt ɔp dɛn ay il.

Rɛvɛleshɔn 1:15 Referans Kwoze

Izikɛl 43:2

Ɛn Izrɛl in Gɔd in glori bin de kɔmɔt na di ist; ɛn i bin de mek sawnd lɛk we bɔku bɔku wata de rɔn, ɛn di ath bin de shayn wit In glori.

Daniɛl 10:6

In bɔdi bin tan lɛk dayamɔn, ɛn in fes de shayn lɛk Laytin. In yay dɛn tan lɛk tɔch layt ɛn in an ɛn lɛg dɛn tan lɛk dɛn bras we dɛn pɔlish we de shayn, ɛn wɛn i de tɔk, in vɔys bin tan lɛk we big big krawd de mek nɔys.

Rɛvɛleshɔn 14:2

Dɛn a yɛri vɔys kɔmɔt na ɛvin; di vɔys big lɛkɛ dɛn big wata we de fɔdɔm kɔmɔt ɔp dɛn il kam dɔŋ ɛn lɛkɛ wɛn tɛnda de krak. Di vɔys swit lɛkɛ di sawnd we kin kɔmɔt wɛn pipul de ple ap.

Rɛvɛleshɔn 19:6

Dɛn a yɛri vɔys lɛkɛ wɛn plɛnti pipul de tɔk, ɛn lɛkɛ wɛn plɛnti big wata de rɔn ɛn lɛkɛ wɛn tɛnda de krak lawd wan; dɛn vɔys ya bin de se, “Aliluya! Di Masta, we na wi Gɔd we gɛt pawa pas ɔl, de rul, una lɛ wi prez am!

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Di Sam Dɛm 93:4

PAPA GƆD in pawa pas di nɔys we di wata de mek i pas di ebi swɛlin wev dɛn na di si.

Izikɛl 1:7

Dɛn fut dɛn bin tret tret, ɛn dɛn ɔnda fut bin tan lɛk kaw pikin ɔnda fut; ɛn dɛn bin de glita lɛk bras we dɛn dɔn pɔlish.

Izikɛl 40:3

Wɛn i bin briŋ mi de, una lisin, wan man bin de de we bin de shayn lɛk bras, ɛn i bin gɛt wan linin layn ɛn wan teprul nain an we i de tek mɛnshɔ ɛn i bin tinap to di kɔridɔ get.

Ayzaya 17:13

Di neshɔn dɛn de mek nɔys lɛk we bɔku bɔku wata de rɔn, bɔt i go tɔk pan dɛn, ɛn dɛn go rɔnawe go fawe; dɛn go ches dɛn lɛk we briz de blo chaf chaf na dɛn mawnten ɛn lɛk dɔti we de tɔn rawnd wit spid ɛn grap we tinada de blo.

Izikɛl 1:24

Ɛn wɛn dɛn bin de go, a de yɛri di sawnd we di wiŋ dɛn bin de mek, i tan lɛk di nɔys we bɔku wata kin mek; lɛk PAPA GƆD in tɛnda, lɛk di nɔys we krawd kin mek; wɛn di krichɔ dɛn tinap wamples dɛn kin put dɛn wiŋ dɛn dɔŋ.

Rɛvɛleshɔn 10:1

Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.