Rɛvɛleshɔn 1:13 - Krio Fɔs Oli Baybul

¹³ Midul dɛn lampolda ya a si sɔmbɔdi tinap we fiba mɔtalman. In klos lɔŋ te rich in fut, gold strap tay rawnd in chɛst.

Rɛvɛleshɔn 1:13 Referans Kwoze

Daniɛl 7:13

Insay di vishɔn dɛn na nɛt, a si pɔsin insay di klawd dɛn we de ɔp, pɔsin we tan lɛk mɔtalman, nain i kam to di Enshɛnt ɔf Dez ɛn dɛn sho am to am.

Daniɛl 10:16

Nain a si sɔmbɔdi we tan lɛk mɔtalman tɔch mi lip dɛn, na datɛnde a bin ebul tɔk. Nain a tɛl di wan we bin tinap bifo mi se, “O mi PAPA GƆD, bikɔs ɔf di vishɔn, ɔl mi bɔdi de at mi ɛn ɔl mi bɔdi wik.

Rɛvɛleshɔn 15:6

Dɔn dɛn sɛvin enjɛl we bin gɛt dɛn sɛvin bad bad tin dɛn kɔmɔt insay de; dɛn bin wɛr klin linin klos, na so i bin de shayn, ɛn gold strap bin tay rawnd dɛn chɛst.

Rɛvɛleshɔn 14:14

Wɛn dat dɔn, a luk bak, na de a si wan big wayt klawd. A si lɛkɛ wan mɔtalman sidɔm pan di klawd. I bin wɛr wan gold krawn nain ed ɛn i bin ol sɔntin nain an, dat na da nɛf we fɔ tek kɔt dɛn tin we dɛn plant wɛn dɛn dɔn rɛdi fɔ kɔt.

Lɛvitikɔs 8:7

I wɛr wan vɛst pan Erɔn ɛn put sɔm brɔd band rawnd in wes, dɔn i wɛr gawn pan am ɛn put di ifɔd pan am, dɔn i tay wan ɔda kayn bɛlt pan am we dɛn mek wit di sem matirial we dɛn tek mek di ifɔd.

Daniɛl 7:9

As a bin de luk, nain dɛn kan put tron dɛn ɛn di wan we bin dɔn de lɔlɔntɛm, kam sidɔm; in klos bin wayt lɛk sno, ɛn in ia nain ed tan lɛk tru tru wul; na faya dɛn tek mek in tron, ɛn in wil dɛn na faya we de kech.

Ayzaya 11:5

Na wetin rayt na PAPA GƆD in yay, i go tek tay in wes, ɛn na fɔ waka tret wit PAPA GƆD i go tek tay in trɔsis.

Di Ibru Pipul Dɛn 4:15

Di edman we de mek sakrifays fɔ pipul sin na di wan we wi gɛt we ɔndastand ɔltin we traŋa fɔ wi, bikɔs insɛf na bin wan pan wi, ɛn ɔl wetin de mit wi fɔ tray wi bin dɔn mit am. Bɔt i nɔ sin wande.

Ɛksodɔs 39:5

Dɛn mek bɛlt wit di sem kayn matirial ɛn stich am pan di ifɔd, jɛs lɛkɛ aw PAPA GƆD bin tɛl Mozis fɔ du.

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn: