Rɛvɛleshɔn 1:11 - Krio Fɔs Oli Baybul

¹¹ Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Rɛvɛleshɔn 1:11 Referans Kwoze

Rɛvɛleshɔn 3:1

“Rayt dis mɛsej ya sɛn am go to di enjɛl we de gyad di Kristiɛn dɛn na Sadis: “Na dis mɛsej ya di pɔsin we gɛt Gɔd in sɛvin spirit dɛn ɛn we ol dɛn sɛvin sta, sɛn: A no di tin dɛn we una de du, pipul tink se una gɛt layf, bɔt una nɔ gɛt layf, una dɔn day.

Rɛvɛleshɔn 1:4

Na mi Jɔn de rayt to una we de na dɛn sɛvin chɔch na Eshya. Mek Gɔd we de naw, ɛn we bin de bifo dis wɔl mek, ɛn we go kam bak na dis wɔl, sho una aw i gud ɛn gi una kol at; semwe so, mek Gɔd in sɛvin spirit dɛn, we tinap bifo am di say we i sidɔm de rul, du una gud ɛn gi una kol at;

Abakɔk 2:2

So PAPA GƆD gi am vishɔn ɛn tɛl am se i fɔ rayt ɔl wetin i si ɛn yɛri klia wan na tablɛt so ɔlman go ebul rid am..

Jɛrimaya 30:2

“Na dis PAPA GƆD we na Izrɛl dɛn Gɔd se: Rayt ɔltin we a dɔn tɛl yu na buk.

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Lɛta Fɔ Ɛfisɔs 1:1

Mi, Pɔl, we Gɔd pik fɔ bi Jizɔs Krays in apɔsul de rayt to di Kristiɛn dɛn we de na Ɛfisɔs, dɛn tru to Gɔd bikɔs dɛn gɛt wanwɔd wit Masta Jizɔs Krays.

Ayzaya 30:8

So, go, rayt am na tablɛt bifo dɛn, ɛn rayt am na buk, so i go de fɔ bambay as witnɛs sote go.

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Rɛvɛleshɔn 19:9

Di enjɛl tɔk to mi, i se, “Rayt dis tin ya: Blɛsin de pan dɛn wan we dɛn kɔl fɔ go it na di Ship in mared.” I tɛl mi se, “Dɛn wɔd ya na di tru wɔd dɛn we Gɔd tɔk.”

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”

Rɛvɛleshɔn 10:4

Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

Rɛvɛleshɔn 1:19

Rayt ɔl dɛn tin ya we yu dɔn si na buk dɛn tin we de bi naw ɛn dɛn tin we go bi bambay.

Rɛvɛleshɔn 1:8

Gɔd we na wi Masta we gɛt pawa pas ɔl, we bin dɔn de bifo di wɔl mek, we de naw ɛn we go kam bak na dis wɔl, nain de tɛl wi se “Mi na di Fɔs ɛn di Las.”

Fɔs Lɛta To Timoti 1:3

Yu nɔ fɔ kɔmɔt na Ɛfisɔs lɛkɛ aw a bin tɛl yu di tɛm we a bin de go Masidonia, so dat yu go tɛl dɛn pipul we de lan ɔda pipul tin we wi nɔ lan dɛn, mek dɛn lɛf fɔ du dat.

Ditarɔnɔmi 31:19

I se so, Mozis ɛn Jɔshwa fɔ rayt wan siŋ we i de gi dɛn, ɛn dɛn fɔ tich di Izrɛlayt dɛn lɛ dɛn go lan an bay at, so dat dɛn go mɛmba se, in PAPA GƆD bin tɛl dɛn wetin ɛn wetin dɛn fɔ de du, ɛn dɛn nɔ gɛt nɔn rizin nɔ fɔ obe an.

Rɛvɛleshɔn 1:17

Wɛn a si am, a fɔdɔm flat nain fut lɛkɛ pɔsin we dɔn day. I put in raytan pan mi, i se, “Nɔ fred. Na mi na di fɔs pɔsin, na mi go bi di las pɔsin.

Rɛvɛleshɔn 1:2

Jɔn dɔn tɔk ɔl dɛn tin we i si; i dɔn rayt di mɛsej we Gɔd sɛn, we Jizɔs Krays insɛf sho am se na tru.

1 Kɔrint 16:8

Bɔt na Ɛfisɔs ya a go de te di de we na Pɛntikɔst.

1 Kɔrint 15:32

If na Ɛfisɔs ya a dɔn fɛt wit dɛn pipul we tan lɛkɛ wayl bif na bush fɔ satisfay misɛf nɔmɔ, wetin a go gen? If Gɔd nɔ de mek dɛn wan we dɔn day rayz frɔm dɛn grev, “Mek wi it ɛn drink ɛn ɛnjɔy wisɛf naw, bikɔs wi go day jisnɔ,” lɛkɛ aw dɛn kin se.

Apɔsul Dɛn Wok 20:17

Wɛn Pɔl bin de na Maylitɔs, i sɛn mɛsej go Ɛfisɔs fɔ mek di chɔch bigman dɛn kam mit am na Maylitɔs.

Apɔsul Dɛn Wok 18:24

Wan Ju man we bin nem Apɔlɔs bin go Ɛfisɔs. I bin bɔn na Alɛgzanda. Na man we bin sabi tɔk ɛn i bin sabi wetin rayt na di Ju Lɔ buk.

Apɔsul Dɛn Wok 16:14

Wan pan di uman dɛn we bin de lisin bin nem Lidia, i bin kɔmɔt na da tɔŋ we nem Tayatira. Na uman we bin de sɛl dɛn dia klos. Na uman we bin fred Gɔd ɛn di Masta mek i lisin gud wetin Pɔl tɔk, ɛn i biliv am.

Lɛta Fɔ Kɔlɔse 2:1

A want mek una no aw a wok traŋa fɔ una ɛn fɔ dɛn Kristiɛn na Laodisya ɛn fɔ ɔl dɛn ɔda pipul we nɔ no mi yet bikɔs dɛn nɔ mit mi yet.

Rɛvɛleshɔn 1:20

A de kam tɛl yu wetin dɛn sɛvin sta ya we a ol na mi raytan ɛn dɛn sɛvin gold lampolda, min; di sɛvin sta dɛn na di sɛvin enjɛl dɛn we de gyad dɛn sɛvin chɔch. Di sɛvin lampolda dɛn na di sɛvin chɔch dɛnsɛf.”

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Rɛvɛleshɔn 2:24

“Bɔt, sɔm pan una de na Tayatira, we nɔ gri fɔ du dɛn bad tin we dɛn pipul we lib de, de lan ɔda pipul fɔ du; una nɔ lan dɛn bad tin we pipul se na Setan in sikrit. A nɔ gɛt ɛni ɔda tin fɔ tɛl una fɔ du,

Rɛvɛleshɔn 3:4

Bɔt te naw sɔm pan una de na Sadis we nɔ dɔti una klos, bɔt una nɔ plɛnti. Dɛn pipul de go waka wit mi, dɛn go wɛr wayt klos bikɔs dɛn fit fɔ wɛr am, bay aw dɛn de du.

Rɛvɛleshɔn 22:10

I tɛl mi igen se, “Yu nɔ fɔ kip dɛn wɔd ya we Gɔd tɔk, we rayt na dis buk to yusɛf mek pipul nɔ no dɛn, bikɔs di tɛm we dɛn go bi nɔ fa igen.

Rɛvɛleshɔn 22:16

“Mi, Jizɔs dɔn sɛn mi enjɛl go tɛl una dɛn tin ya fɔ mek una tɛl dɛn Kristiɛn na dɛn chɔch. Mi na wan pan Devid in grampikin pikin dɛm ɛn mi na di mɔnin sta we de shayn brayt.”