Lɛta Fɔ Filipay 2:6 - Krio Fɔs Oli Baybul

⁶ Pan ɔl we Jizɔs Krays tan lɛkɛ aw Gɔd tan, i nɔ se paopa in ɛn Gɔd fɔ bi wan.

Lɛta Fɔ Filipay 2:6 Referans Kwoze

Jɔn 5:18

Bikɔs Jizɔs tɔk dat, di Ju bigman dɛn mekɔp fɔ kil am ɛn dis tɛm dɛn maynd bin mekɔp mɔ. Di tin we mek dɛn bin want kil am nɔto fɔ we i brok di Ju Lɔ we tɔk bɔt di de fɔ pre ɛn blo nɔmɔ, bɔt pantap dat, i se Gɔd nain Papa, so i mek insɛf ikwal wit Gɔd.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

Di Ibru Pipul Dɛn 1:3

I de sho pipul Gɔd in wɔndaful pawa. Wɛn una si di Pikin, una dɔn si Gɔd, ɛn na di Pikin in wɔd we gɛt pawa de mek ɔltin na di wɔl de aw dɛn fɔ de. Afta di Pikin dɔn pul mɔtalman sin kɔmɔt pan dɛn, so dat dɛn go klin na Gɔd yay, i go na ɛvin ɛn sidɔm na Gɔd we de rul ɔltin, in raytan.

Jɔn 17:5

Papa, ɔna mi naw na di ples we yu de, wit da sem ɔna we a bin gɛt bifo di wɔl mek!

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Jɔn 10:30

Mi ɛn mi Papa na wan.”

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Di Ibru Pipul Dɛn 13:8

Jizɔs Krays na di sem yɛstade, tide, ɛn i go bi di sem sote go, i nɔ go chenj.

Jɔn 10:33

Di pipul dɛn ansa se, “Wi nɔ want ston yu fɔ di gud wok dɛn we yu dɔn du, wi want ston yu bikɔs yu fityay Gɔd. Yu na mɔtalman bɔt yu want tɔn yusɛf to Gɔd!”

Mayka 5:2

PAPA GƆD se na Bɛtliɛm Ɛfrata we smɔl pas ɔl di siti dɛn na Juda, i go mek sɔmbɔdi kɔmɔt ɛn bi bigman insay Izrɛl ɛn na pɔsin we ɔlman go no bɔt bikɔs dɛn go no in fambul tik.

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Ayzaya 7:14

Fɔseka dat, PAPA GƆD insɛf go gi una sayn. Wan yɔŋgyal go gɛt bɛlɛ ɛn go bɔn pikin, ɛn i go gi am nem, Imanyuɛl.

Fɔs Lɛta To Timoti 3:16

Nɔbɔdi nɔ go dinay se di sikrit we de insay wi rilijɔn na big wan: I kam lɛkɛ mɔtalman, Gɔd in Spirit sho se i rayt fɔ du dat. Enjɛl dɛn si am. Pipul tɔk bɔt am ɔlɔbɔt na dɛn difrɛn neshɔn. Pipul na wɔl bin biliv pan am, Gɔd tek am go ɛvin, ɛn put am nain raytan.

Jɔn 20:28

Tɔmɔs se, “Yu na mi Masta ɛn yu na mi Gɔd!”

Jɔn 10:38

Bɔt if a de du di tin dɛn we mi Papa want mek a du, pan ɔl we una nɔ biliv mi naw, una fɔ biliv se na wɔndaful wok dɛn a de du, so dat una go no ɛn una nɔ go dawt igen se mi Papa de insay mi ɛn misɛf de insay mi Papa.”

Di Ibru Pipul Dɛn 1:6

Ɛn igen, wɛn Gɔd bin want sɛn in fɔs Pikin kam na wɔl, Gɔd se, “Una ɔl we na mi enjɛl dɛn fɔ nil dɔŋ bifo mi Pikin.”

Taytɔs 2:13

naw we wi de wet fɔ da tɛm we wi abop se Jizɔs Krays, we na wi wɔndaful Gɔd ɛn Seviɔ go kam wit ɔl in wɔndaful pawa.

Matyu 1:23

“Wan yɔŋ uman we nɔ no bɔt man yet go gɛt bɛlɛ ɛn i go bɔn bɔy pikin, dɛn go gi di pikin nem Imanyuɛl” (Imanyuɛl min se, Gɔd de wit wi).

Jɔn 14:9

Jizɔs aks Filip se, “Pan ɔl we a dɔn de wit una ɔl dis tɛm, yu nɔ no mi? Ɛnibɔdi we dɔn si mi, dɔn si mi Papa. Wetin du yu se, ‘Sho wi yu Papa?’”

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Ayzaya 8:8

ɛn i go rɔn oba go insay Juda, i go jɛs de ovaflo ɛn go swɛl te rich pipul dɛn nɛk; ɛn in wiŋ dɛm we i prɛd, go fulɔp di land frɔm kɔna to kɔna, E Imanyuɛl.”

Di Ibru Pipul Dɛn 1:8

Bɔt wɛn Gɔd tɔk bɔt in Pikin, i se, “O Gɔd, yu go rul sote go! Ɛn yu de rul di rayt we.

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Jɔn 14:28

Una bin yɛri we a tɛl una se, ‘A de go, bɔt a go kam bak to una’. If una lɛk mi, una fɔ gladi we a de go to mi Papa, bikɔs mi Papa pas mi.

Jɔn 1:18

Nɔbɔdi nɔ si Gɔd wande. Gɔd in wangren Pikin, we in ɛn in Papa gɛt wan at, nain mek pipul no udat na Gɔd.

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.