Di Nɔmba Dɛm 9:16 - Krio Fɔs Oli Baybul

¹⁶ Na so i bin de de nɔmɔ oba am.

Di Nɔmba Dɛm 9:16 Referans Kwoze

Nɛimaya 9:12

Yu kin apia lɛkɛ klawd fɔ lid dɛn de tɛm ɛn lɛkɛ faya fɔ sho usay dɛn fɔ go we nɛt kam.

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

2 Kɔrint 5:19

Wi de tɛl pipul se Gɔd de mek mɔtalman bi Gɔd in padi dɛn tru Krays. Gɔd nɔ de mak mɔtalman in sin igen fɔ pɔnish am bambay, ɛn i dɔn tɛl wi fɔ tɛl dɛn aw dɛn go bi in padi dɛn.

1 Kɔrint 10:1

Mi Kristiɛn brɔda dɛn, a want mek una mɛmba wetin bin bi to wi pipul dɛn we bin de fala Mozis lɔntɛm. Klawd bin de oba dɛn fɔ mek natin bad nɔ bi to dɛn, ɛn natin bad nɔ bi to dɛn wɛn dɛn bin de pas na di wata we dɛn kɔl Rɛd Si, we Gɔd bin sheb tu say.

Di Sam Dɛm 105:39

I prɛd di klawd pan dɛn fɔ kɔba dɛn ɛn mek faya fɔ de sho dɛn layt na nɛt.

Di Sam Dɛm 78:14

I yuz klawd fɔ gayd dɛn de tɛm, dɔn na nɛt, i yuz faya fɔ gayd dɛn fɔ mek dɛn si rod.

Nɛimaya 9:19

Bikɔs yu gɛt sɔm kayn bad bad sɔri at, yu nɔ jɛs lɛf dɛn to dɛnsɛf di tɛm we dɛn de na di di ɛmti land we pɔsin nɔ go ebul tap. Yu nɔ giv ɔp pan dɛn. Ɛvride yu bin de yuz klawd fɔ gayd dɛn de tɛm ɛn faya fɔ gayd dɛn fɔ sho dɛn rod we nɛt kam.

Ditarɔnɔmi 1:33

in we bin de waka wit dɛn wit faya na nɛt ɛn tik klawd santɛm de sho dɛn rod ɛn fɛn ples fɔ dɛn fɔ blo.

Ɛksodɔs 40:38

Tru awt di tɛm we dɛn de travul, PAPA GƆD in klawd kin de oba di Tɛnt de tɛm, dɔn faya kin de insay de na nɛt.

Ɛksodɔs 40:34

PAPA GƆD apia lɛkɛ klawd we tan lɛkɛ fɔg oba di Tɛnt. I kɔba di wanol ples.