Di Nɔmba Dɛm 9:14 - Krio Fɔs Oli Baybul

¹⁴ I se, if fɔrina dɛn tap wit di Izrɛlayt dɛn ɛn dɛn want fɔ tek pat pan PAPA GƆD in gladi-gladi, dɛn kin du so wans dɛn fala ɔl di lɔ dɛn we i gɛt. Na di sem lɔ fɔ di fɔrina ɛn di Izrɛlayt.

Di Nɔmba Dɛm 9:14 Referans Kwoze

Lɛvitikɔs 24:22

I se na di sem lɔ fɔ gɛt fɔ di trenja midul dɛn ɛn fɔ di bɔn Izrɛlayt; bikɔs nain na PAPA GƆD.

Ditarɔnɔmi 31:12

I tɛl dɛn se ɔlman we de na Izrɛl fɔ de de; man uman ɛn pikin, ivin di trenja dɛn we de wit dɛn fɔ de de, so dat dɛn ɔl go yɛri di lɔ ɛn no se dɛn fɔ rɛspɛkt PAPA GƆD we na dɛn PAPA GƆD, ɛn mek shɔ se dɛn du ɔl wetin di lɔ se dɛn fɔ de du,

Ditarɔnɔmi 29:11

dɛn wɛf ɛn smɔl smɔl pikin dɛn, ɛn di fɔrina dɛn we de kɔt wud ɛn tot wata fɔ dɛn, sɛf bin de de,

Lɛvitikɔs 25:15

Di prayz fɔ bi wetin pɔsin no se di ɔda pɔsin go pul bifo di ɔda ia we fɔ fri ɔltin dat na fɔ fri di wan we na slev ɛn fɔ gi dɛn land we dɛn bin dɔn tek na dɛn an dɛn bak kam igen

Lɛvitikɔs 22:25

Ɛn nɔ fɔ mek ɔfrin fɔ it we na frɔm fɔrina an dɛn pul am. Dɛn dɔn gɛt bɔt ɔlrɛdi sins di pipul dɛn dɔn mek dɛn nɔ fɔ bɔn igen PAPA GƆD nɔ go tek dɛn kayn sakrifays de.

Lɛvitikɔs 19:10

Ɛn ivin we na frut dɛn de pik, dɛn nɔ fɔ pik ɔltin na di tik dɛn; dɛn fɔ lɛf sɔm fɔ poman ɔ fɔ ɛni trenja: nain na PAPA GƆD we na dɛn GƆD.

Ɛksodɔs 12:43

PAPA GƆD tɔk to Mozis ɛn Erɔn. I se, “Na dɛn lɔ yaso una fɔ kip we una fɔ sɛlibret pasova: Nɔn fɔrina nɔ fɔ it pan am.

Ɛksodɔs 12:47

Ɛn ɔl di Izrɛlayt dɛn fɔ sɛlibret di pasova.

Di Nɔmba Dɛm 15:15

Na di sem lɔ di kɔmyuniti fɔ gɛt fɔ di fɔrina we tap wit dɛn ɛn fɔ dɛnsɛf. Dɛn ɛn di fɔrina na di sem bifo PAPA GƆD.

Di Nɔmba Dɛm 15:16

So ɔl di lɔ dɛn we de fɔ dɛn fɔ de fɔ di fɔrina dɛn we tap wit dɛn.

Ɛzra 6:21

Di wan dɛn we it pan di pasova sakrifays na di Izrɛlayt dɛn we tɔn bak ɛn di ɔda wan dɛn we bin dɔn de na di siti we bin dɔn chenj dɛn atityud, ɛn we bin want fɔ wɔship PAPA GƆD, Izrɛl dɛn GƆD.