Di Nɔmba Dɛm 9:13 - Krio Fɔs Oli Baybul

¹³ If ɛni man we nɔ klin nain yay ɛn i nɔ go patrol nɔ jɔyn in kɔmpin dɛn fɔ sɛlibret di Pasova Fɛstival, dɛn fɔ drɛb am bikɔs i nɔ mek sakrifays to PAPA GƆD di tɛm we i se i fɔ du am. Di man go gɛt fɔ bia wit wetin di sin we i kɔmit gi am.

Di Nɔmba Dɛm 9:13 Referans Kwoze

Ɛksodɔs 12:15

“Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Jɛnɛsis 17:14

Ɛni man we nɔ sakɔmsayz dɔn brok mi Kɔvinant. I nɔ fɔ de wit in pipul dɛn.”

Di Nɔmba Dɛm 9:7

ɛn tɛl dɛn se dɛn no se dɛn nɔ klin na PAPA GƆD yay bikɔs dɛn dɔn tɔch dedebɔdi bɔt wetindu dɛnsɛf nɔ fɔ mek sakrifays to PAPA GƆD di rayt tɛm lɛkɛ dɛn kɔmpin.

Di Ibru Pipul Dɛn 12:25

Na dat mek una fɔ tek tɛm mek una nɔ dɛf una yes we Jizɔs de tɔk to una. Dɛn lɔntɛm pipul nɔ bin gri lisin di pɔsin we bin de tɛl dɛn Gɔd in mɛsej na dis wɔl, so di tin we bin fɔ mit dɛn, mit dɛn, dɛn nɔ ebul pul dɛn ed. If dɛn nɔ ebul pul dɛn ed, aw wi we yɛri di wan insɛf we kɔmɔt ɛvin go pul wi ed, if wi nɔ gri lisin in mɛsej? Di tin we fɔ mit wi mɔs mit wi.

Di Ibru Pipul Dɛn 9:28

Krays insɛf day wan tɛm nɔmɔ fɔ fri pipul, mek sin nɔ go gɛt pawa oba dɛn igen. I go kam bak na wɔl di sɛkɛn tɛm, bɔt da tɛm de i nɔ de kam fɔ pul sin kɔmɔt na pipul layf, i de kam fɔ gi dɛn pipul we de wet fɔ am layf we go de sote go na ɛvin.

Di Ibru Pipul Dɛn 6:6

If pipul dɔn no ɔl dat, dɔn dɛn stil tɔn dɛn bak pan Gɔd, natin nɔ go briŋ dɛn kam bak to Gɔd ɛn mek dɛn lɛf dɛn bad tin we dɛn de du, igen, bikɔs dɛn de nel Gɔd in Pikin na di krɔs wan tɛm mɔ ɛn laf am bifo ɔlman.

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Izikɛl 23:49

Ɛn una go gɛt di pe fɔ una rudnɛs, ɛn una go bia una pɔnishmɛnt fɔ di adɔltri we una kɔmit we na sin, ɛn una go no se na mi na di Papa Gɔd we na Gɔd.”

Di Nɔmba Dɛm 19:13

Ɛniwan we nɔ gri fɔ was insɛf fɔ klin na PAPA GƆD yay afta we i ol dedebɔdi, de bamfa PAPA GƆD in Tɛnt. Dɛn fɔ drɛb da pɔsin de mek i kɔmɔt na Izrɛl. Bikɔs dɛn nɔ sprinkul da wata we fɔ mek am klin pan am, i nɔ klin ɛn na so i go de as pɔsin we nɔ klin.

Di Nɔmba Dɛm 5:31

Di mared man nɔ go gɛt fɔ fil natin, na di uman nɔmɔ go gɛt fɔ bia wit wetin apin bikɔs ɔf in sin.

Lɛvitikɔs 20:20

If man lidɔm wit in ɔnkul in wɛf, nain ɔnkul i disgres, dɛn ɔltu dɔn kɔmit sin, so, dɛn fɔ tek ɛni pikin we dɛn bɔn na dɛn an ɛn dɛn go day lɛk udat nɔ bɔn pikin.

Lɛvitikɔs 17:10

I se if ɛni Izrɛlayt ɔ fɔrina we tap wit dɛn it ɛnitin we gɛt blɔd, PAPA GƆD go dison da pɔsin de ɛn i nɔ go mek i miks wit in di Izrɛlayt dɛn igen

Lɛvitikɔs 17:4

pas i kɛr am go na di tɛnt usay dɛn kin mit PAPA GƆD in domɔt, ɛn gi PAPA GƆD de ɔ nɔ so dɛn go se di pɔsin dɔn kil ɛn i nɔ go miks wit di ɔda Izrɛlayt dɛn igen

Lɛvitikɔs 22:9

I se ɔl di man dɛn we de mek sakrifays fɔ pipul sin fɔ du ɔl wetin i tɛl dɛn fɔ du ɔ nɔ so dɛn go bia wetin go bi wit dɛn we dɛn put shem pan PAPA GƆD in nem: I se nain na PAPA GƆD we de mek dɛn oli.

Ɛksodɔs 12:19

Dɛn sɛvin de de, nɔbɔdi nɔ fɔ kip ɛni yist nain os. Ɛnibɔdi we it ɛnitin we yist de pan dɛn fɔ pul am kɔmɔt na di Izrɛlayt kɔmyuniti, i lɛk sɛf di pɔsin na fɔrina we tap wit una.

Ɛksodɔs 12:47

Ɛn ɔl di Izrɛlayt dɛn fɔ sɛlibret di pasova.

Ɛksodɔs 30:33

Ɛnibɔdi we falamakata fɔ mek dis kayn ɔyl, ɔ yuz am pan ɛnibɔdi we nɔto man we de mek sakrifays nɔ fɔ miks pan mi pipul dɛn.”

Ɛksodɔs 30:38

Ɛnibɔdi we mek dis kayn insɛns ɛn se na pafyum fɔ insɛf nɔ fɔ miks pan mi pipul dɛn.”

Lɛvitikɔs 24:15

I se ɛnibɔdi we tɔk bad bɔt in PAPA GƆD go bia wetin go bi.

Di Nɔmba Dɛm 19:20

Bɔt if di pɔsin we nɔ klin ɔ nɔ mek insɛf klin, dɛn fɔ drɛb am kɔmɔt na di kɔmyuniti bikɔs i dɔn bamfa PAPA GƆD in Tɛnt. Dɛn nɔ sprinkul di wata we fɔ mek am klin pan am so i nɔ klin na PAPA GƆD yay.