Di Nɔmba Dɛm 8:26 - Krio Fɔs Oli Baybul

²⁶ I kin ɛp in brɔda fɔ du in wok bɔt in ɔf insɛf nɔ fɔ gɛt nɔn wok fɔ du. Na so fɔ tɛl di Livayt dɛn aw fɔ wok.

Di Nɔmba Dɛm 8:26 Referans Kwoze

Di Nɔmba Dɛm 1:53

bɔt di Livayt dɛn fɔ mek shɔ se dɛn bil dɛn tɛnt dɛn rawnd di tɛnt we PAPA GƆD fɔ de so dat waala nɔ go mit ɔlman na di Izrɛlayt kɔmyuniti. Na di Livayt dɛn dyuti fɔ tek kia ɔf di tɛnt we PAPA GƆD fɔ de. Na so PAPA GƆD se.

Fɔs Lɛta To Timoti 4:15

Yu fɔ de du dɛn tin ya ɔltɛm ɛn put ɔl yu at pan dɛn, mek ɔlman go si se yu wok de go bifo.

Izikɛl 44:11

Dɛn go bi minista dɛm na di ples we dɛn de pre to mi; dɛn go de tek kia ɔf di tɛmpul get dɛm, ɛn sav na di tɛmpul; dɛn go de kil di ɔfrin dɛn we na fɔ bɔn ɛn di sakrifays fɔ di pipul, ɛn dɛn go wet pan di pipul fɔ sav dɛm.

Izikɛl 44:8

Ɛn una nɔ tek kia ɔf mi oli tin dɛm; bɔt una put fɔrina dɛm fɔ kia fɔ di ples we una de pre to mi.

1 Kronikuls 23:32

Na so dɛn fɔ tek kia ɔf di tɛnt we dɛn de mit wit PAPA GƆD, ɛn di oli ples, ɛn dɛn go de ɛp Erɔn in bɔypikin dɛn fɔ du di wok na PAPA GƆD in os.

Di Nɔmba Dɛm 31:30

Pan di af we di ɔda Izrɛlayt dɛn fɔ gɛt, pul wan pan ɛni fifti wɛda na mɔtalman ɔ kaw ɔ dɔŋki ɔ ship ɔ got, ɛn gi di Livayt dɛn as na dɛn de kia fɔ PAPA GƆD in tɛnt.

Di Nɔmba Dɛm 18:4

Dɛn fɔ jɔyn an wit una fɔ wok ɛn tek kia ɔf di Tɛnt usay wi kin mit. Nɔbɔdi igen nɔ fɔ kam nia usay una de.

Di Nɔmba Dɛm 3:32

Di bigman fɔ di Livayt dɛn na Ɛlieza we na Erɔn in bɔypikin. Nain dɛn pik fɔ de inchaj ɔf di Tɛnt.

Di Nɔmba Dɛm 8:25

bɔt we i ol fifti, i nɔ fɔ wok lɛk aw i bin de du. I fɔ ritaya.