Di Nɔmba Dɛm 8:11 - Krio Fɔs Oli Baybul

¹¹ Dɔn Erɔn in fɔ gi di Livayt dɛn to mi ɛn as di Izrɛlayt dɛn de wev sakrifays to mi fɔ lɛ dɛn go rɛdi fɔ du mi, PAPA GƆD in yon wok.

Di Nɔmba Dɛm 8:11 Referans Kwoze

Lɛvitikɔs 7:30

nainsɛf fɔ gi PAPA GƆD as ɔfrin we i de mek na faya; i fɔ kɛr di animal in fat wit di chɛst, ɛn i go wev am as spɛshal prɛzɛnt to PAPA GƆD.

Di Nɔmba Dɛm 6:20

Dɔn di man we de mek sakrifays fɔ pipul sin fɔ wev dɛn bifo PAPA GƆD as wev sakrifays; dɛn oli, so na di man we de mek sakrifays fɔ pipul sin gɛt dɛn, plɔs di chɛst we dɛn bin wev ɛn di lɛg dɛn we dɛn gi. Afta ɔl dis, di Nazirayt kin drink wayn naw.

Lɛvitikɔs 8:29

Dɛn Mozis tek di chɛst ɛn wev am to PAPA GƆD as spɛshal prɛzɛnt; na bin Mozis in yon pan di man ship we na fɔ di ɔdineshɔn, lɛkɛ aw PAPA GƆD bin tɛl Mozis.

Lɛvitikɔs 8:27

i put dɛn ɔl na Erɔn in an ɛn na Erɔn in bɔypikin dɛn an ɛn dɛn wev dɛn to PAPA GƆD as spɛshal prɛzɛnt to am.

Ɛksodɔs 29:24

Put ɔl dɛn tin ya na Erɔn in bɔypikin dɛn an, ɛn mek dɛn es dɛn ɔp to mi as dɛn yon spɛshal gift to mi PAPA GƆD.

Lɛvitikɔs 7:34

Di chɛst we dɛn wev ɛn di lɛg we dɛn gi, PAPA GƆD tek am na di pipul dɛn an ɛn gi dɛn to di man dɛn we de mek sakrifays fɔ pipul sin. Na dɛn fɔ de gɛt dɛn pat dɛn de sote go.

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.