Di Nɔmba Dɛm 7:1 - Krio Fɔs Oli Baybul

¹ Wɛn Mozis dɔn put ɔl wetin fɔ de na di tɛnt, i anɔynt am wit ɔl wetin de de ɛn gi am to PAPA GƆD fɔ mek am oli. I bin du di sem tin wit di ɔlta ɛn ɔl wetin dɛn de yuz de.

Di Nɔmba Dɛm 7:1 Referans Kwoze

Di Nɔmba Dɛm 7:84

Na di tin dɛn dis we di Izrɛlayt lida dɛn kɛr as prɛzɛnt we dɛn wan pre pan di ɔlta ɛn fɔ anɔynt am: twɛlv silva plet, twɛlv silva bol ɛn twɛlv dish we dɛn mek wit gold.

Matyu 23:19

Una na blɛnyay pipul! Na di ɔlta impɔtant pas di tin dɛn we pipul gi fɔ Gɔd in wok, bikɔs na di ɔlta mek di tin dɛn bi Gɔd yon.

1 Kiŋ 8:64

Da sem de de, di kiŋ kɔnsikret di frɔnt pat na PAPA GƆD in os. I bɔn animal as bɔn sakrifays, gi di it we fɔ gi ɛn bɔn animal fat bak as sakrifays na da frɔnt ples de bikɔs, di bras ɔlta we bin de bifo usay PAPA GƆD de, bin tu smɔl fɔ tek ɔl dɛn tin dɛn de we di kiŋ bin sakrifays.

Di Nɔmba Dɛm 7:88

Di animal dɛn we dɛn tek mek pis sakrifays kam to twɛnti-fo man kaw, siksti manship, siksti mangot ɛn siksti yɔŋ manship we ol wan ia. Afta dɛn anɔynt di ɔlta, na di tin dɛn dis we dɛn gi we dɛn de pre pan di ɔlta.

Ɛksodɔs 13:2

lɛ i gi ɔl di fɔs-bɔy-pikin dɛn to am. I se ɔl di fɔs-bɔy-pikin ɛn di fɔs man animal dɛn we di Izrɛlayt dɛn gɛt nain yon.

Jɛnɛsis 2:3

I blɛs da sem de de ɛn mek am oli, bikɔs bifo da de de bin kam, i bin dɔn dɔn ɔl wetin i gɛt fɔ du, ɛn na da de de i blo.

Di Nɔmba Dɛm 7:10

Wɛn dɛn anɔynt di ɔlta di lida dɛn gi prɛzɛnt dɛn bak fɔ opin PAPA GƆD in os ɛn put dɛn bifo di ɔlta.

Ɛksodɔs 29:36

Yu fɔ kil wan man kaw ɛvri de fɔ mek sakrifays fɔ lɛ a go fɔgiv dɛn sin; dis go mek di ɔlta insɛf piɔ. Put ɔliv ɔyl na di ɔlta fɔ kɔnsikret am.

Ɛksodɔs 40:11

Kɔnsikret di bol ɛn in bes.

Di Nɔmba Dɛm 17:2

“Tɛl di Izrɛlayt dɛn fɔ gi yu dɛn wɔkinstik. Ɔl di lida dɛn fɔ gi wan we go tinap fɔ ich wan pan di twɛlv fambul dɛn we de na Izrɛl. Rayt ɛvri lida in nem pan in yon wɔkinstik.