Di Nɔmba Dɛm 6:5 - Krio Fɔs Oli Baybul

⁵ I tɛl am se, di tɛm we di pɔsin na Nazirayt, we i dɔn gi insɛf to PAPA GƆD, i nɔ fɔ mek reza bled tɔch in ed. I fɔ bi oli te di tɛm we i tek di vaw fɔ, dɔn ɛn i fɔ lɛf di ia nain ed fɔ gro lɔŋ wan.

Di Nɔmba Dɛm 6:5 Referans Kwoze

1 Samiɛl 1:11

I swɛ to PAPA GƆD Ɔlmayti se if i kin sɔri fɔ am nɔmɔ ɛn gi am wan bɔypikin, i go gi am bak to PAPA GƆD fɔ wok fɔ am te i day ɛn i nɔ go kɔt in ia.

Di Jɔj Dɛm 16:17

Nain Samsin tɛl am in sikrit se, wande dɛn nɔ bab in ia nain ed, bikɔs, frɔm we i de nain mama in bɛlɛ, in na Nazirayt. I tɛl am se di de we dɛn bab am, in go wik ɛn tan jɛs lɛk ɛni ɔda mɔtalman.

Di Jɔj Dɛm 13:5

bikɔs i go gɛt bɛlɛ ɛn bɔn wan bɔypikin. Di enjɛl se dɛn nɔ fɔ krep in ia nain ed bikɔs frɔm di de we i bɔn, ɛn i go bi Nazirayt to PAPA GƆD. I se nain go bigin pul Izrɛl na di Filistin dɛn an.

Di Jɔj Dɛm 16:19

Bifo dɛn kam, Dilayla bin dɔn koks Samsin te i slip nain lap. We Samsin slip, Dilayla kɔl wan man we i mek krep di sɛvin dada we bin de na Samsin in ed. We i dɔn krep am dɔn, Dilayla bigin tɔmɛnt Samsin. Datɛnde, Samsin in trɛnk bin dɔn lɛf am.

Apɔsul Dɛn Wok 18:18

Pɔl bin de wit di Kristiɛn dɛn na Kɔrint, i bin te de. Pɔl, Akwila, ɛn Prisila dɛn kɔmɔt Kɔrint go Siria; na bot kɛr dɛn go. Bifo Pɔl lɛf fɔ go, i prɔmis Gɔd fɔ du sɔntin na Sɛnkria so i kɔt in ia nain ed lɛkɛ aw dɛn Ju pipul kin du wɛn dɛn prɔmis Gɔd fɔ du sɔntin.

Di Nɔmba Dɛm 6:4

Wans in na Nazirayt, i nɔ sɔpoz fɔ it ɛnitin we kɔmɔt pan greps tik. Nɔ fɔ ivin it dɛn sid ɔ dɛn kanda.

Izikɛl 44:20

Dɛn nɔ go shev dɛn ed ɔ gro dɛn ia lɔŋ wan; dɛn go jis de trim di ia na dɛn ed.