Di Nɔmba Dɛm 6:26 - Krio Fɔs Oli Baybul

²⁶ Mek PAPA GƆD in an de pan una ɔltɛm ɛn gi una kolat.”

Di Nɔmba Dɛm 6:26 Referans Kwoze

Di Sam Dɛm 4:6

Bɔku pipul de aks se udat go du gud to dɛn; PAPA GƆD duya du gud to wi!

Sɛkɛn Lɛta Fɔ Tɛsalonayka 3:16

Mek di Masta insɛf, we de mek wi gɛt kol at, gi una kol at ɔltɛm pan ɔltin. Mek i de wit una ɔl.

Di Sam Dɛm 29:11

PAPA GƆD de gi trɛnk to in pipul; lɛ PAPA GƆD blɛs in pipul ɛn gi dɛn ɔl wetin dɛn want fɔ ɛnjɔy layf.

Lɛta Fɔ Rom 15:13

Lɛ Gɔd we de mek wi abop, mek una gladi bad ɛn gi una kol at bikɔs una biliv pan am, so dat in Spirit go mek una abop pan am mɔ ɛn mɔ.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Apɔsul Dɛn Wok 2:28

Yu dɔn sho mi aw a go gɛt layf. We yu de wit mi, yu go mek a gladi.’

Ayzaya 26:3

Yu de mek pɔsin we in maynd de to yu de wit kol at, bikɔs i biliv pan yu.

Lɛta Fɔ Rom 15:33

Mek Gɔd, we de gi kol at, de wit una ɔl! Emɛn.

Jɔn 20:21

Jizɔs tɔk bak se, “Mek Gɔd gi una kol at. Jɛs lɛkɛ aw mi Papa sɛn mi kam na dis wɔl, na so a de sɛn unasɛf fɔ go du mi wok.”

Di Sam Dɛm 42:5

Wetin fɔ mek a brok at so ɔ wetin fɔ mek mi at pwɛl? A fɔ put mi op pan PAPA GƆD, a fɔ stil de tɛl PAPA GƆD tɛnki, bikɔs nain na mi PAPA GƆD, we de pul mi pan trɔbul.

Lɛta Fɔ Filipay 4:7

Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Ayzaya 57:19

PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

Ayzaya 26:12

PAPA GƆD, yu go mek wi gɛt pis, yu dɔn wok ɔl wi wok fɔ we.

Di Sam Dɛm 89:15

PAPA GƆD, pɔsin we dɔn lan fɔ siŋ prez to yu gɛt blɛsin; dɛn pipul we de du wetin yu want, gɛt blɛsin.

Di Sam Dɛm 37:37

Wach di man we gud ɛn we de du wetin rayt; na pɔsin we gɛt kol at ɛn bɛtɛ go fala am ɔltɛm.

Apɔsul Dɛn Wok 10:36

Una no di mɛsej we Gɔd bin sɛn to di Ju pipul dɛn na Izrɛl, i tɛl dɛn di Gud Nyuz se na Jizɔs Krays we na ɔlman Masta, go mek dɛn kam to Gɔd fɔ mek dɛn ɔl gɛt kol at.

Jɔn 20:26

Afta wan wik dɔn pas, di lanin bɔy dɛn bin gɛda bak na wan ples, ɛn lɔk ɔl di do dɛn. Tɔmɔs insɛf bin de wit dɛn. Pan ɔl we di do bin lɔk, Jizɔs jɛs kam midul dɛn bak ɛn se, “Mek Gɔd gi una kol at.”

Jɔn 14:27

“A nɔ de gi una di kayn kol at we di pipul dɛn ɛn di tin dɛn na dis wɔl ya de gi, bɔt a de gi una mi yon kol at. A nɔ de gi mi yon kol at lɛkɛ aw di pipul dɛn na wɔl de gi kol at. Una nɔ ɛŋ at fɔ ɛnitin, una nɔ mek ɛnitin wɔri una.

Mayka 5:5

I go mek ɔlman gɛt kolat. Da tɛm de wɛn di Asirian dɛn go atak dɛn, dɛn go sɛn ɔl dɛn bigman dɛn fɔ go fɛt dɛn.

Di Sam Dɛm 44:3

Noto di tin dɛn we dɛn gɛt fɔ fɛt ɔ di fɛt we dɛn fɛt sɛf mek dɛn gɛt di land; na bikɔs yu bin de wit dɛn ɛn bikɔs yu lɛk dɛn.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.