Di Nɔmba Dɛm 6:25 - Krio Fɔs Oli Baybul

²⁵ Mek PAPA GƆD sho una aw i gud ɛn av masi pan una

Di Nɔmba Dɛm 6:25 Referans Kwoze

Di Sam Dɛm 80:19

PAPA GƆD, PAPA GƆD Ɔlmayti, mek wi bi wetin wi bin bi fɔs, Av masi pan wi ɛn sev wi.

Di Sam Dɛm 119:135

Mek a ɛnjɔy we yu de wit mi ɛn tich mi yu lɔ dɛn.

Di Sam Dɛm 31:16

Bikɔs ɔf di lɛk we yu lɛk mi du gud to mi we de sav yu; nɔ ayd yu fes pan mi.

Di Sam Dɛm 67:1

Lɛ PAPA GƆD sɔri fɔ wi ɛn blɛs wi ɛn lɛ i sho wi aw i gud,

Daniɛl 9:17

So duya wi PAPA GƆD, yɛri di prea we yu wokman de pre, ɛn de beg we i de beg yu, ɛn fɔ yu yon sek, PAPA GƆD, mek yu fes shayn pan yu oli ples we dɛn de pre to yu, bɔt we dɔn pwɛl naw.

Di Sam Dɛm 80:7

PAPA GƆD Ɔlmayti, mek wi bi wetin wi bin bi fɔs, Av masi pan wi ɛn sev wi.

Ɛksodɔs 33:19

PAPA GƆD ansa Mozis. I se, “A go mek ɔl mi gudnɛs de bifo yu, ɛn a go kɔl mi nem ‘PAPA GƆD’ fɔ lɛ yu yɛri. A go sho lɔv ɛn masi to udat a pik.

Malakay 1:9

I se bɔt dɛn de kam gi PAPA GƆD dɔn dɛn want am fɔ gladi fɔ dɛn, bɔt in PAPA GƆD Ɔlmayti nɔ go gladi wit dɛn fɔ dat.

Jɛnɛsis 43:29

We Josɛf si in bɛlɛ bɔn brɔda Bɛnjamin i aks dɛn if na dɛn smɔl brɔda da wande we dɛn bin tɛl am bɔt. Dɔn i se “Mek PAPA GƆD blɛs yu mi pikin.”

Jɔn 1:17

Gɔd mek Mozis gi wi di Lɔ, bɔt i mek Jizɔs Krays sho wi aw i lɛk wi ɛn tɛl wi ɔl di tru tin dɛn bɔt insɛf.

Di Sam Dɛm 86:16

Luk to mi ɛn sɔri fɔ mi gi mi we na yu savant di trɛnk we a want. Mi na yu savant-gyal in pikin, sev mi.

Di Sam Dɛm 21:6

Yu dɔn blɛs am ɛn dis blɛsin go de sote go so i gladi bikɔs yu de wit am.

Lɛta Fɔ Rom 1:7

So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Di Sam Dɛm 4:7

Yu dɔn mek mi at gladi pas di gladi we pɔsin kin gɛt we i avɛst plɛnti fɔ it ɔ we i gɛt nyu wayn fɔ drink.