Di Nɔmba Dɛm 6:24 - Krio Fɔs Oli Baybul

²⁴ “Mek PAPA GƆD blɛs una ɛn kɔba una;

Di Nɔmba Dɛm 6:24 Referans Kwoze

Fɔs Lɛta Fɔ Tɛsalonayka 5:23

Mek Gɔd we de gi wi kol at mek una tan lɛkɛ insɛf, ɛn mek i kip una spirit, layf, ɛn bɔdi klin so dat wɛn wi Masta Jizɔs Krays kam bak, i nɔ go gɛt ɛnitin fɔ jɔj una fɔ.

Lɛta Fɔ Filipay 4:7

Gɔd go gi una kol at, we mɔtalman nɔ ebul ɔndastand, we nɔ go mek ɛnitin wɔri una, bikɔs una gɛt wanwɔd wit Jizɔs Krays.

Jud In Lɛta 1:24

Lɛ Gɔd we ebul mek una nɔ sin ɛn we ebul mek sin nɔ de na una layf atɔl, briŋ una wit gladi na una at na di wɔndaful ples we i de. Nain na wi wangren Gɔd, we dɔn sev wi bay Jizɔs Krays, wi Masta, nain gɛt prez, pawa ɛn ɔna frɔm tɛm, naw ɛn sote go! Emɛn.

Ayzaya 42:6

Na mi na PAPA GƆD, A dɔn kɔl una fɔ waka tret na mi yay, A dɔn ol una an ɛn kip una; A dɔn gi una as Kɔvinant to di pipul dɛm, ɛn layt to di neshɔn dɛm,

Jɔn 17:11

Ɛn naw a de kam bak to yu; a nɔ go de na di wɔl igen, bɔt dɛn go stil de na di wɔl. Duya, Papa, yu we na Gɔd ɛn yu we nɔ gɛt natin fɔ du wit sin, kip dɛn mek natin nɔ du dɛn, bay di pawa we de na yu nem, di nem we yu gi mi, so dat dɛn ɔl go bi wan ɛn gɛt wan at lɛkɛ aw mi ɛn yu gɛt wan at.

Di Sam Dɛm 91:11

I mɔs gi ɔda to in enjɛl dɛn bɔt am dɛn go gyad am ɛnisay i go.

Di Sam Dɛm 134:3

Lɛ PAPA GƆD we mek ɛvin ɛn ath blɛs una frɔm usay i de na Zayɔn.

Ruth 2:4

I te lilibit nain Boaz kɔmɔt Bɛtliɛm, ɛn we i de tɛl in wokman dɛn adu, i pre mek PAPA GƆD blɛs dɛm. Dɛnsɛf pre mek PAPA GƆD blɛs am.

Di Sam Dɛm 17:8

Gyad mi lɛk aw yu de gyad yu bɔlyay, kɔba mi lɛkɛ aw fɔl de kɔba in pikin dɛn

1 Samiɛl 2:9

“I de gayd udat de du wetin i want, bɔt i de mek di bad man day kwik. As wi nɔ de du natin bay wi pawa;

Pita In Fɔs Lɛta 1:5

Bikɔs una biliv pan Gɔd, Gɔd go kip una wit in pawa, so dat una go gɛt da layf we go de sote go, we dɔn rɛdi naw ɛn we Gɔd go gi una di de we i go jɔj ɔlman.

Lɛta Fɔ Filipay 4:23

Mek Masta Jizɔs Krays sho una ɔl aw i gud ɔltɛm.

Lɛta Fɔ Ɛfisɔs 6:24

Mek Gɔd blɛs dɛn pipul we lɛk wi Masta, Jizɔs Krays fɔ tru.

Di Sam Dɛm 28:9

PAPA GƆD, sev yu pipul ɛn blɛs ɔl udat de biɛn dɛn; kɔntinyu fɔ kia fɔ ɛn kɔba dɛn sote go.

Ayzaya 27:3

Na mi PAPA GƆD, na mi de tek kia ɔf am; a de wata am ɛvri minit. Bambay ɛnibɔdi go wan ambɔg am, a de gyad am de ɛn nɛt.

1 Kɔrint 14:16

Wɛn una tɛl Gɔd tɛnki wit una spirit nɔmɔ, aw pɔsin we kam chɔch, bɔt we nɔ sabi bɔt dɛn tin ya, go se “Emɛn” wɛn una dɔn dɔn? Aw i go sabi wetin una de tɔk bɔt?

Jɛnɛsis 28:15

Mɛmba se, A go de wit yu ɛnisay yu go. A go gyad yu, ɛn briŋ yu kam bak na dis land. A nɔ go kɔmɔt biɛn yu sote a dɔn du ɔl wetin a dɔn prɔmis yu.”

2 Samiɛl 7:29

So duya blɛs mi pipul so dat dɛn go de du wetin yu want ɔltɛm bikɔs na yu PAPA GƆD dɔn tɔk ɛn na yu go blɛs ɔlman na mi famili.”

Daniɛl 9:17

So duya wi PAPA GƆD, yɛri di prea we yu wokman de pre, ɛn de beg we i de beg yu, ɛn fɔ yu yon sek, PAPA GƆD, mek yu fes shayn pan yu oli ples we dɛn de pre to yu, bɔt we dɔn pwɛl naw.